ISAIA 17:13 - AMÜSÜH HÜM CL Bible (BSI)

¹³ Trükshihbonü ke ahihdo ahukkhi nangde ahukchoh, tüshe apinü arü müdanbah, tüsho arü awungbo kheak müneang apung müngüh yünkhi nangde tüsho chinthrüm müheankhi asungthulung nangde limshude atsobah.

ISAIA 17:13 Iomraidhean Croise

JOB HU H T ANYU 21:18

Küdükhüh ki lang arü apung müngüh müneang ruk laba, tüsho tsüngpungtsüngpungnü zünde atsokhi hitsüt ruk laba?

JOB HU H T ANYU 38:11

tüsho tha, “Ha akhrihbe khiungde nü arübah, ha muho, tüsho ha ching nü bukakhiukde ke-abükkhi tuklobah”?

MUNGSHIKHÜN 1:4

Mihbukmuyukbo jude yung, tüshe apungnü yünde atsokhi hirüp ruk ah.

MUNGSHIKHÜN 35:5

Arübo apung müngüh müneang nangde, Atungpuh yunirünü arü yana tsoshang;

MUNGSHIKHÜN 65:7

nünü ketobo abükde arungkhi, tüsho mihtsürübo arhunganimkhi keamloshih.

MUNGSHIKHÜN 65:8

Limshu ching larübonü she nü amütsanbo trechoh; nü rhimobonü yapsunü are khiungde asühachih düsheak hande arüchoh.

MUNGSHIKHÜN 9:5

Nünü trükshihbo thürüh, nünü mihbukmuyuk thsümünim; nünü arü mung lün thsungkheak nankhita bah.

ISAIA 14:25

Inü Asiriarü I lomi chingnü dükheakshihbah, tüsho I yo awung kheak müphü khüp api jungbah; api sangkaplak, tüsho api hahmülang arü dubuh kheaknü lahkhia bahbah.

ISAIA 21:15

Tümüde arübo nukshang chingnü, nukshang dukkhitkhi chingnü, sanglüh hünkihkhi chingnü, tüsho atrebe keochih chingnü tsokhichoh.

ISAIA 22:18

nü ju mükamde hita bahbah, tüsho amülih lomi khülang ching athulung khülang nangde jipa bahbah; ju ching nü ashebah, tüsho ju ching nü kükheangkhi khora-lolungbe yapbah, nünü nü putungrü achih ngüshihchoh!

ISAIA 27:1

Ju nimung Atungpuhnü abukakhiukde, ato tüsho amürang nukshangnü aphinkhi ke-rimri ahingkhulukkhi phuruto thsümüchibah tüsho apinü keto ching lakhi ke-phuru laksahbah.

ISAIA 29:5

Tüshe nü riri boto ju asungthulung shimshim nangde alabah, tüsho bukmüke yakzanshuhrü boto ju hitsüt phinkhi nangde alabah. Tüsho amülümkhi, zukleangnü,

ISAIA 30:28

api sheak thsükhi ju ketokhi ayung nangde hung khiunglah–athsümünimbe yikeangnü trükshihbo ayipü, tüsho mihtsürü münjak ching arü bephülappü münrhükbe lah.

ISAIA 34:17

Apinü arü thsungkheak azan thsü, api khahnü arü kilim akhude chama jih; arünü ju lünnü amükühbah, lün chingnü lün ju ching arü labah.

ISAIA 40:15

Trükshihbo she kesopung ching atsamkhi khülang ruk lang ah, tüsho akesang kheak asungthulung nangde khejihchoh; kheahang, apinü kekung-lobo asungthulung dübün nangde düpütkihchoh.

ISAIA 40:24

Nükde arübo khimdo, nükde yangdo, nükde adungbonü alo ching aying chinyuk, küyimki apinü arü kheak yünkhea, arübo yiuhabah, tüsho chinthrümnü arübo lungjinim nangde hanbah tso.

ISAIA 41:11

Am, nü azhihde bukakhiukrü alala achih ngübah tüsho akinashu mülade akambah; sherünü nü azhihpü mürangchonü tümü mülade akambah tüsho adükheakbah.

ISAIA 8:7

jumonü ju azhihde Atungpuhnü Ayung Keking ato, Asiria kiulongthsüpuh tüsho api müretahkhi alala lude atuchoh; keru alala kumung yükihbah tüsho ayung alala bukmibah;

DANIEL 2:35

Judüki yinchi, alo, müwayinchi, shotoyinchi, tüsho suna alala ju adütre kamde yihthünak tüsho muzhu rhimopung yo hitsüt nangde kam; tüsho apungnü jurü yünde tsoabah, junangde arü ru müngükhukde kam. Tüshe sangthsü kingkhi lung junü müzüng ato khülang kam tüsho alomi athrünkhi mi.

HOSEA 13:3

Jumonü arübo ju yapsu shumuliu nangde yungsho mükikde kheamabahkhi ayinke nangde, rhimopung chingnü hitsüt yüna tsoshihkhi nangde yungsho ayinripit ching mokhüh nangde alabah.

ZEPHANIA 2:2

hitsüt nangde nü yüna mutsoshihyikinü, Atungpuh mulong zhipzhip nü kheak marüyichokinü, Atungpuh bukakhiukkhi nimung nü kheak marüyichokinü!