ISAIA 17:12 - AMÜSÜH HÜM CL Bible (BSI)

¹² Ah, mihtsürü ahihdo arhunganimkhi, arünü keto ahuhkhi nangde alanchoh! Ah, trükshihbo arungkhi, arünü ke ato ahukkhi nangde ahukchoh!

ISAIA 17:12 Iomraidhean Croise

MUNGSHIKHÜN 18:4

Ashe liubonü I hingdoa lah, athsümünim düchinü I zhidoa lah;

MUNGSHIKHÜN 29:3

Atungpuh düsheak kebo kumung lah; müretahkhi Thrünpuhnü tsüngmukchoh; Atungpuh ju muliuke kumung lah.

MUNGSHIKHÜN 83:2

Kheahang, nü riribo arhunganimchoh; tüsho nü thraneanrünü arü ku shuhkihdo.

ISAIA 13:4

Aniang, awungbo kheak alankhi boto ato khülang nangde! Aniang, kiulongthsübo arhunganimkhi, trükshihbo rukhüh shomukhungkhi! Wuto Atungpuhnü keochihpü thsungkheak bonungrü kitmukhungchoh.

ISAIA 28:17

Tüsho inü akebe-liu thiyuro kamshihbah, tholang-liu thiyuro-lungki kamshihbah; arübonü arükchih tsoyukpungbo phüta bahbah, tüsho kebonü jikpung zhidobah.

ISAIA 54:17

Nü azhihde athsükhi thsühnuk tümü she mütsüp, tüsho mahkhap ching nü azhihde athakhi yubo alala nünü alokhukbah. Ha Atungpuh yamlarü yamrüplurüp tüsho I kilimnü arü thiyuro-mütsan lah, Atungpuhnü thachoh.

ISAIA 8:9

Rukhüh mukhungang, nüsa mihtsürübo, tüsho treang; aniang, nüsa limshu lomi alala; keochihpü thsakhamang tüsho treang; keochihpü thsakhamang tüsho treang!

ISAIA 9:5

Tümüde thirithsürü jingkhümpübo tüsho thiyih kihkhi khimmihbo alala mokhih nangde atakbah.

JEREMIA 6:23

Arünü sanglüh tüsho thsüh thrüa luchoh, arü bukmüke tüsho mihmüthsüm müla, arü düsheak ju keto ahukkhi nangde lah; arübo khorabo kheak binlah, thirithsürü nangde nüsa azhihde züt thsülah, O Zion tsührübe!

EZEKIEL 43:2

Tüsho ju ching Israel Thrünpuh müretahkhi ju aniakhiuklimnü arüde alakheah; düsheak ju keto ato düsheak nangde alakheah; tüsho api müretahkhinü alomi tah.

DANIEL 7:2

I, Danielnü, azhing ching thüning lim apung phüyinü keto ato rhumüneande I michih ching ngü,

MIKA 4:11

Kheakü trükshih ahihdo nü azhihde mukhungbah thachoh, “Anihbe müneanshang, tüsho isa mükbonü Zion kheak kheahshang.”

WÜHKHE 10:35

Tüsho tangzüng sangdan shuhakhinchoki Mosanü tha, “O Atungpuh , asürang tüsho nü riribo hiumüzütshang, tüsho nü mükheahnerü nü müngüh tsoshang.”

LUKNÜ ATHRÜTKHI THIYUSHEAK-ATSÜ HUHTANYU 21:25

“Tüsho judüki ani ching, khinu ching tüsho chiningbo ching amütsanbo labah; alomi kheak trükshih lümthsünü, tüsho keto ahukde abukkhinü ayingyingkhi labah;

AMIKHEAKAKHIUKKHI 17:1

Yunirü thüne bolung khülang shepü phurusük thüne lakheanü arü tüsho I ki tha, “Arang, kebo ahihdo kheak binkhi müzammüramberü ato thsümüchikhi inü nü ki huhbah.

AMIKHEAKAKHIUKKHI 17:15

Tüsho apinü I ki tha, “Nünü angükhi kebo, müzammürambe binkhi ju, mihtsürübo, botobo, trükshihbo tüsho thiyuthabo ah.