ISAIA 16:7 - AMÜSÜH HÜM CL Bible (BSI)

⁷ Jumonü Moab tripde tüzhoshang, mihbüm abannü Moab thsungkheak tripshang. Kir-heres ching yikhap-mukuhkhi lümkhitkhinü shahde lüm dükheakang.

ISAIA 16:7 Iomraidhean Croise

2 KIULONG THSÜRÜ 3:25

Kiutobo arünü thsümünim, tüsho alo atsübo kheak murhungdoyi khiungde arü abannü lung jipa bah; kenü aban arünü yihdo, tüsho sang atsü aban arünü kiushaka keamshih. Akheam ching lunghitrünü zündode yan, tüsho Kir-heres kiuying aning.

1 KIUTHSÜYUKHEAN 12:40

Kheaküshe, arü yamhingrü Issakar, Zebulun, tüsho Naphtali chingnü tsühyungbe donki, kemel, khoranunu tüsho moshipungbo kheaknü suhdahkhi tsühyungpü, kurungaso yikhap, kurungaso mukuh, yukhu, müdangke, moshipungbo tüsho namfimihnu hanbah arü, tümütüsho Israel ching asühachihkhi lakheah.

1 KIUTHSÜYUKHEAN 16:3

tüsho apinü Israel ching athrürü tüsho aliberü aban kilim yikhap, shihtsan, tüsho kurungaso mukuh khap khülang khülang chama jih.

ISAIA 16:11

Jumonü Moab thsungkheak bingshang nangde, tüsho Kir-heres thsungkheak I me nangde mulong rozhakchoh.

ISAIA 8:19

Küyimki mihtsürübonü dapdaprururü mesherü tüsho me-larü ki keoang de nü ki thabanü, mihtsürübonü arü Thrünpuh ki mükeobea de? Tümüde arhang larü thsung thsüde asherü ki keokhicho?

JEREMIA 48:20

Moab achih ngüshihdo, tümüde ha thsümünimdo; tüzhoang tüsho tripang! Moab thsümünima yaplah de Arnon ayung yeande mükheahshang.

JEREMIA 48:31

Jumonü inü Moab thsungkheak mulong rozhakde tripchoh, inü Moab alala thsungkheak tripchoh; Kir-heres mihtsürü thsungkheak inü mitripchoh.