ISAIA 16:14 - AMÜSÜH HÜM CL Bible (BSI)

¹⁴ Tüshe kheakü Atungpuhnü thachoh, Muloa-rhimoshihrü kambo nangde kam mahsam dükeak chingnü mih hihde lalashe Moab müretahkhi ju abahyukkhi kambah; tüsho sherü aninga labanü khide anükbah tüsho arü reangmüzahde alabah.

ISAIA 16:14 Iomraidhean Croise

THRÜNTAN 31:1

Kheakü Laban tsührübonü athakhi yubo Jakobnü so, “Isa abuh yo alala Jakobnü ludo, tüsho api lakhit alala isa abuh yo chingnü lakhitdo.”

ESTER 5:11

Apinü kükheangde alakhit, tsührü athrürü hihde alakhi, kiulongthsüpuhnü atorü kamshihkhi, tüsho püpürü torü kheaknü kiulongthsüpuhnü api alü yihnüpü thsüde azokhi arü ki huh.

JOB HU H T ANYU 14:6

mulomüthsürü khülang api nimung bankhi nangde, api sühakhimshihpü thsüde nü api kheaknü anguhde tsoang.

JOB HU H T ANYU 7:1

Alomi kheak mihtsürü khülang ju rhimo achak lah yung de, tüsho api nimungbo ju mulomüthsürü nimungbo ruk yung de?

ISAIA 11:14

Tüshe anenü aniyüzahlim Filistiarü düthsün kheak phinde yükibah, anenü thsürubah aniakhiuklim mihtsürü yankhia lubah. Anenü ane khah Edom tüsho Moab azhihde achungbah, tüsho Amonrünü arü ki mihyu anibah.

ISAIA 15:5

I mulongnü Moab thsungkheak tripchoh; anihbe mihtsürü Zoar ching, Eglath-shelishiya ching tsodo. Tümüde Luhith mutuh kheak arü tripde wutuchoh; Horonaim limro ching arünü athsümünimkhi dünkheak zhichoh;

ISAIA 16:13

Ha Atungpuhnü Moab dünkheak ahokhi kim ching asukkhi yu lakheah.

ISAIA 17:4

Ju nimung Jakob müretahkhi abobe kamshihbah, tüsho shih kihkhi trukabahbah.

ISAIA 21:16

Tümüde Atungpuhnü I ki ha thado: Muloa rhimorü khülang kambo yande, kam khülang dükeaknü Kedar müretahkhi alala arün thsübah;

ISAIA 23:9

Wuto Atungpuhnü müretah kükheangküyang alala khenopü tüsho alomi wüntrekhi alala bahyukpü ha lümkhi thsüdo.

ISAIA 25:10

Tümüde Atungpuh khah ha wung kheak keambah. Moabrü ju arü lapung ching khih-shingkung ching müneang junakkhi nangde ajunakbah.

ISAIA 25:11

Ju bolung arü khah chungkihkih she, kephungrünü arü khah ayitkhi nangde, arü khah ayityit she arü kükheangkhi keamkhishihbah.

ISAIA 7:16

Tümüde azübuhnü amütsü reanglopü tüsho atsü mokhitpü mümükheahyide, nünü kiulongthsürü mahne trede alakhi lomi zhikrangkhündo akambah.

JEREMIA 48:42

Trükshih khülang lakhi chingnü Moab thsümünimbah, tümütüsho apinü Atungpuh azhihde wusudo.

JEREMIA 9:23

Atungpuhnü ha thachoh: Lümlung larü arü lümlung ching dükükheangshih, sühmüh larü arü sühmüh ching dükükheangshih, alarü arü lakhit ching dükükheangshih;

YUZÜNGTHALO 15:8

tüshe nünü api kilim nü khah trünang tüsho api yihnüpü lakhi salade api kilim suhdahde nipjang.