ISAIA 16:12 - AMÜSÜH HÜM CL Bible (BSI)

¹² Küyimki Moabnü ayübanü, küyimki api achang dangpung kheak keaksahbanü, küyimki apinü arüng-yam ching tamkhüntamnüpü arübanü, ju atsü mükam.

ISAIA 16:12 Iomraidhean Croise

1 KIULONG THSÜRÜ 11:7

Judüki Solomonnü Jirusalem aniakhiuklim awung kheak, Moab athraneanbe thrünpuh Kemosh, tüsho Amonrü athraneanbe thrünpuh Molek thsungkheak kingaünpung thsü.

1 KIULONG THSÜRÜ 18:29

Animuro hobah, arelim taka kingaünpü khiungde arünü mutuklode kolahkochide dapdapruru. Tüshe düsheak müla, tümü she malojih.

2 KIULONG THSÜRÜ 19:12

I buh pürünü athsümünimkhi trükshihbo, Gozan, Haran, Rezeph tüsho Telassar ching lakhi Eden mihtsürübo arü thrünpuhbonü bekhitkhea de?

2 KIULONG THSÜRÜ 3:27

Judüki api khah müthripü lakhi atsührü athrürü adüjibuh apinü lu, tüsho chipi kheak taka kingaünkhi jih. Tüsho bukakhiukkhi ato Israel kheak arü, jumonü arünü api kheaknü tuklo tüsho arü nihbuh lomi lim alode yü.

MÜCHITMUDU 1:28

“Judüki arünü I ki jibah, tüshe inü malojih; arünü I düshihde ayimbah, tüshe arünü I müngü.

ISAIA 15:2

Dibon mihtsürübo arüngyam lim, achang dangpungbo ching atrippü wutudo; Nebo tüsho Medeba kurungkheak Moabnü tüzhochoh. Mihbüm aban ku hütdo, mükhühnam nipdo;

ISAIA 16:13

Ha Atungpuhnü Moab dünkheak ahokhi kim ching asukkhi yu lakheah.

ISAIA 26:16

O Atungpuh , lümthsünü ching arünü nü yim, nünü arü thsümüchichoki arünü nü ki tamkhüntamnü.

ISAIA 37:38

Apinü anihbuh thrünpuh Nisrok yam ching kingaünchoki, api tsührübo Adrammelek tüsho Sharezernü nukshangnü api laksah, tüsho ane a Ararat lomi ching tsokhiabah. Api tsührü Esarhaddonnü api müthri.

ISAIA 47:13

Lümlung-jihrü ahihdo kheak nü khia lah; sherünü thüningbo tüsho chiningbo khecho, tüsho khinu aso aban nü kheak dünjipü müchitchonü asürüshang tüsho nü khümkhitshang.

JEREMIA 10:5

Arü sangthsübo ju liuheak lu ching wuhnu-dütrütbe nangde lah, tüsho arünü masukachihkhuk; arübo ahanbeah, tümüde arünü mütsahkhuk. Arü ki dütre, tümüde amütsü müthsükhuk, yungsho arü kheak atsü thsüpü müla.

JEREMIA 48:13

Judüki Moab ju Israel yamkhünnü Bethel kheak kinkhi hode achih ngükhi nangde Kemosh dünkheaknü achih ngübah.

JEREMIA 48:35

Atungpuhnü thachoh, Moab ching sherünü achang dangpung ching laksah-a kingaüncho tüsho arü thrünpuhbo kilim taka kingaünchonü inü akheamshihbah.

JEREMIA 48:46

Nü are O Moab! Kemosh mihtsürü dükheakdo, tümüde nü tsührübo tüsho nü tsührübebo ramde tsodo.

JEREMIA 48:7

Tümütüsho nünü nü sühmüh tüsho nü lakhitbo kheak kindo, nü she bede atsobah; nü thrünpuh Kemosh ramtso ching, api yo amükeamrübo tüsho yakzanshuhrübo bede dükde ayübah.

WÜHKHE 21:28

Tümüde Heshbon chingnü mo, motru khülang Sihon kiuto chingnü akhiuk; junü Moab ching lakhi Ar thsümünim tüsho Arnon mujukbo muliuabah.

WÜHKHE 22:39

Jumonü Balaamnü Balak lung yü, tüsho ane Kiriath-huzoth ching arü.

WÜHKHE 22:41

Jumonü ashidopü, Balaknü Balaam bebah Bamoth Baal ching wutu, tüsho ju chingnü apinü Israel mihtsürü chamkhüh ngü.

WÜHKHE 23:14

Jumonü apinü Balaam ju Zophim lu, Pisga wung ching bebah arü, tüsho kingaün sadam thüne thsübahle ju abande moshipung 1 tüsho mihnupung 1 de kingaün.

WÜHKHE 23:28

Jumonü Balaknü Balaam ju loshelo abina kheahpung Peor wung mujuk ching bebah yü.

WÜHKHE 24:17

Inü api ngüchoh, tüshe kheakü yung; inü api kheahchoh, tüshe müphüni– Jakob kheaknü chining khülang akhiukbah; shoto tso khülang Israel bolungnü asürübah; apinü Moab aredungbo zünakbah tüsho Seth tsührübo alala keamshihbah.