ISAIA 16:1 - AMÜSÜH HÜM CL Bible (BSI)

¹ Lomi ching yakzanshuhrü kilim namfimihnunubo, Sela chingnü loshelo limro hode, Zion tsührübe wung lim yüshihchoh.

ISAIA 16:1 Iomraidhean Croise

2 SAMUEL 8:2

Apinü kheaküshe Moabrü kuk tüsho arübo alo kheak yapshihbah liunü ake; apinü asheshihpü liu yung mahnenü ake, tüsho yung khülang akekhi ju rhangdung lashihpü thsü. Tüsho Moabrü ju David yamlarü kamabah tüsho api kilim ruk jih.

2 KIULONG THSÜRÜ 14:7

Apinü Edomrü thimi jindükhün chingnü 10,000 laksah tüsho thirithsü chingnü Sela yankhia lubah ju Joktheel de ji, ju mung khihni khiungde lah.

2 KIULONG THSÜRÜ 3:4

Kheakü Moab kiulongthsüpuh Mesha ju namfimihnu akamrü lakheah, apinü Israel kiulongthsüpuh kilim namfimihnunu 100,000, tüsho namfimihnu 100,000 kheaknü anam jih.

EZRA 7:17

“Ha shonü moshibo, namfimihnubo, namfimihnunu, hi, tüsho yukhubo kümkangde thuloang tüsho Jirusalem ching nüsa Thrünpuh kingaün sadam kheak zojang.

ISAIA 10:32

Ha nimungnü api Nob ching labah, apinü Jirusalem awung, Zion tsührübe Müzüng kheak akhah zhimpungkhi niukbah.

ISAIA 42:11

Loshelo tüsho kiutobonü arü düsheak shuhkihang, Kedarrü lakhi kiulongbo; Sela ching larübonü asühkhi thsungkheak khün thsüshang, arünü awung mujukbo kheaknü ahoshang.

EZEKIEL 45:16

Lomi mihtsürü alalanü ha kingaün Israel ching kiulongthsüpuh jihbah.

MIKA 4:8

Tüsho nü, O namfimihnu aheangsadam, Zion wung, akhuhlim yakzan shuhkhi nü kheak arübah, Jirusalem kheak kiulongthsü arübah.