ISAIA 15:5 - AMÜSÜH HÜM CL Bible (BSI)

⁵ I mulongnü Moab thsungkheak tripchoh; anihbe mihtsürü Zoar ching, Eglath-shelishiya ching tsodo. Tümüde Luhith mutuh kheak arü tripde wutuchoh; Horonaim limro ching arünü athsümünimkhi dünkheak zhichoh;

ISAIA 15:5 Iomraidhean Croise

THRÜNTAN 13:10

Lotnü zünga kheah tüsho Zoar thrippeang Jordan dükhün ju ke tsüde aduhkhi Atungpuh shahwün nangde, Ijip lomi nangde alakheah. (Ha akhuhlim Sodom tüsho Gomorra thsümünimkhi lakheah).

THRÜNTAN 14:2

Sodom kiulongthsüpuh Bera, Gomorra kiulongthsüpuh Birsha, Adma kiulongthsüpuh Shinab, Zeboiim kiulongthsüpuh tüsho Bela (ju Zoar) kiulongthsüpuh Shemeber bede thirithsüpü yü.

THRÜNTAN 19:22

Niokheamang, ju ching tsokhide yüang. Tümüde nü ju mukhiungyikia inü tümü she müthsükhuk.” Jumonü kiuto ki ju Zoar de ajikheah.

2 SAMUEL 15:23

Mihtsürü alala hode ayüchoki lomi athrünkhinü achangnü trip; kiulongthsüpuhnü Kidron ayung ho, tüsho mihtsürü alala sunglo lim yü.

2 SAMUEL 15:30

Tüshe Davidnü aku dukiubah jing keangkeangnü tsahde oliv wungbo lim tripde wutu; tüsho api lung mihtsürü alalanü nihbuh ku dukiubah tripde wutu.

ISAIA 16:14

Tüshe kheakü Atungpuhnü thachoh, Muloa-rhimoshihrü kambo nangde kam mahsam dükeak chingnü mih hihde lalashe Moab müretahkhi ju abahyukkhi kambah; tüsho sherü aninga labanü khide anükbah tüsho arü reangmüzahde alabah.

ISAIA 22:5

Tümüde Wuto Atungpuh Thrünpuh nimung khülang arhunganim tüsho junakpü tüsho yingyingrara michih jindükhün ching lah, rhübo kingkheamdo tüsho arung thsungkheak zhikhi awungbo ching lah.

ISAIA 59:7

Arü jing amütsü lim alihchoh, tüsho arünü amülim mülarü thiyih bukshihpü nanachihchoh; arü lümkhibo ju amülim lümkhibo lah, azhikkhi tüsho athsümünim arü limrobo ching lah.

JEREMIA 13:17

Tüshe nüsanü manisho, nüsa kükheangkhi thsungkheak I menü jikde atripbah; inü düsüknimde atripbah tüsho chikebo bukbah, tümütüsho Atungpuh namfimihnubo rammüzütdo.

JEREMIA 17:16

Inü nü mihnu neakde nü yankhi chingnü mutso, yungsho inü adükheakpü nimung mükün. I münküp chingnü tümü akhiukkheanü nünü mükheahlah; ha nü miki lakheah.

JEREMIA 4:19

I thsünükhi, I thsünükhi! I thsünü ching kolahchoh! O, I mulong thsünükhi! I mulong thüpthüpchoh; inü zhikde mülakhuk; tümüde inü hulipungpung düsheak thirithsüpü arhunganimkhi sochoh.

JEREMIA 4:20

Thsümütsünü thsümütsü yankihchoh, lomi abümnü thsümünima yaplah. Zukleangnü I khimyambo, khülang kinü zhindokhimbo thsümünima lah.

JEREMIA 48:3

Aniang! Horonaim ching zhikhi khülang, azhikkhi tüsho thsümünimkhi ato!

JEREMIA 48:5

Tümüde Luhith muduh kheak arübo tripdüsükde wutuchoh; tümüde Horonaim koyu kheak arünü thsünüde azhikhi sodo.

JEREMIA 50:46

Babilon keamkhi düsheaknü alomi ajanbah, tüsho anihbenü azhikhi düsheak trükshih bolung sobah.

JEREMIA 9:10

Awungbo thsungkheak trippü tankihang tüsho tüzhoang, tüsho sunglo rim thsungkheak lungriang, tümütüsho arübo thsümünima yaplah, junangde shenü mütsahho, tüsho moshi khungkhi muso; thüning wuhnubo tüsho shiwühbo chidonü alapde tsoabahdo.

WÜHKHE 21:29

Moabrübo nüsa ayokhe! Nüsa Kemosh kingaünrübo dükheakabahdo! Nüsa Thrünpuhnü athrürübo tsotsahrümtsahrü kamshih, tüsho aliberübo Amor kiulongthsüpuh khah ching aramrü kamshih.