ISAIA 15:3 - AMÜSÜH HÜM CL Bible (BSI)

³ kiudunglimrobo ching arünü shungliukhim phuyuchoh; thüyam kumungbo tüsho wungdobo kheak mihbüm abannü chike bukde tüzhochoh tüsho düsüknimchoh.

ISAIA 15:3 Iomraidhean Croise

2 SAMUEL 3:31

Judüki Davidnü Joab tüsho api lung lakhi mihtsürü alala ki tha, “Nüsa khimmih rukrüpang, tüsho shungliukhim yukbah Abner dünkheak tüzhoang.” Tüsho kiulongthsüpuh Davidnü kung dunglim yan.

2 KIULONG THSÜRÜ 6:30

Küyimki kiulongthsüpuhnü alibe yu sokhea, apinü akhim thorüp, tüsho api kiuto chipi kheak tsahde alachoki api pang alunglim shungliukhim lah de mihtsürübonü ngü.

ISAIA 15:2

Dibon mihtsürübo arüngyam lim, achang dangpungbo ching atrippü wutudo; Nebo tüsho Medeba kurungkheak Moabnü tüzhochoh. Mihbüm aban ku hütdo, mükhühnam nipdo;

ISAIA 22:1

Jindükhün michih dünkheak müchityu. Nüsa alala, thüyam kumung wutukhi ha tümü a,

ISAIA 22:4

Jumonü inü tha: I kheaknü anguhde tsoang, inü tripdüsükde tripanü; inü muzhokhi mihtsürübo dükheakkhi thsungkheak I düshukheam.

ISAIA 3:24

Arhümkebe müthri arhümmükebe; tüsho pangrümbe müthri shungliu; tüsho kuyü-jangpü müthri kurakrak; tüsho suhdahkhi shulünkhim müthri shungliukhim rümkhi; akheahakham müthri achih labah.

JEREMIA 19:13

Tüsho Jirusalem yambo le Juda kiulongthsürü yambo ju Topheth nangde müneanshihbah–thüyam kumung kheaknü rhümthüneabe takde chining kingaünkhi tüsho püpü thrünpuhbo kilim yukhu buka bahkhi yambo alala.

JEREMIA 48:37

Tümüde mihbüm aban ku hüta lah tüsho mükhühnam nipa lah; alala khahbo kheak atsütkhibo lah, tüsho chim kheak shungliukhim lah.

TÜZHOKHI 2:10

Zion tsührübe azothsürübo alo kheak zhikde binlah; arünü arü ku kheak awah yihkih tüsho shungliukhim phuyu; Jirusalem athunu liberübonü arü ku alo lim mükhüm.

EZEKIEL 7:18

Arünü shungliukhim phuyubah tüsho atrebe khümbah. Arü mirobo kheak achihkhi labah tüsho arü kubo hütbah.

AMOS 8:10

Inü nüsa aniojikhibo atüzhokhi kamshihbah, tüsho nüsa khün alala atüzhokhi kamshihbah; inü alala chim kheak shungliukhim hande arübah, tüsho mihbüm aban ku hütshihbah; inü ju tsührü khülang lang alakhi thsungkheak tüzhokhi ruk kamshihbah, tüsho akheam ching ju akhüh nimung nangde akamshihbah.

MATHI 11:21

“Karazin, nü are! Bethsaida, nü are! Nüsa kheak rhimokhi khinthiyinbebo Tair tüsho Sidon ching rhimokhülaa, arünü müngühnü shungliukhim tüsho awah awuhde mulong müthria labah.

YUZÜNGTHALO 22:8

“Küyimki nünü thüyam aso thsübanü thüyam mün yande khudopü thsang, junangde ju kheaknü khürü ayokhikhi hode nü yam kheak thiyih bukkhi amülim marü.

JAKOB 5:1

Nüsa alarübo kheakü aniang, nüsa kheak thsümütsü arüpü lakhi dünkheak tripang tüsho tüzhoang.

1 SAMUEL 5:12

müshede alarübo mü akhiukshih tüsho kiuto ching khunganimkhi thüning khiungde yükih.