ISAIA 15:1 - AMÜSÜH HÜM CL Bible (BSI)

¹ Moab thsungkheaknü müchityu khülang. Tümütüsho Moab ching Ar tsüngrekhühnü thsümünima lah; tümütüsho Moab ching Kir tsüngrekhühnü thsümünima lah.

ISAIA 15:1 Iomraidhean Croise

2 KIULONG THSÜRÜ 3:25

Kiutobo arünü thsümünim, tüsho alo atsübo kheak murhungdoyi khiungde arü abannü lung jipa bah; kenü aban arünü yihdo, tüsho sang atsü aban arünü kiushaka keamshih. Akheam ching lunghitrünü zündode yan, tüsho Kir-heres kiuying aning.

ISAIA 11:14

Tüshe anenü aniyüzahlim Filistiarü düthsün kheak phinde yükibah, anenü thsürubah aniakhiuklim mihtsürü yankhia lubah. Anenü ane khah Edom tüsho Moab azhihde achungbah, tüsho Amonrünü arü ki mihyu anibah.

ISAIA 13:1

Amoz tsührü Isaianü Babilon dünkheak ngükhi müchityu.

ISAIA 14:28

Kiulongthsüpuh Ahaz shekhi kam ching ha müchityu arü:

ISAIA 16:11

Jumonü Moab thsungkheak bingshang nangde, tüsho Kir-heres thsungkheak I me nangde mulong rozhakchoh.

ISAIA 16:6

Isanü Moab kükheangkhi sodo– api küdükhüh she kükheangla!–api bukakhiukkhi, api kükheangkhi, tüsho api mulong zhipzhipkhi; tüshe api kükheangkhi akeangkeang lah.

ISAIA 16:7

Jumonü Moab tripde tüzhoshang, mihbüm abannü Moab thsungkheak tripshang. Kir-heres ching yikhap-mukuhkhi lümkhitkhinü shahde lüm dükheakang.

ISAIA 25:10

Tümüde Atungpuh khah ha wung kheak keambah. Moabrü ju arü lapung ching khih-shingkung ching müneang junakkhi nangde ajunakbah.

ISAIA 25:12

Api chipi achangnü ayünkhi thokheambah, akeamshihbah, alo kheak asungthulung ching thokhibah.

JEREMIA 9:26

Ijip, Juda, Edom, Amon, Moab, tüsho limshu loshelo ching larü alala. Tümüde ha trükshih alala tsütamübah, tüsho Israel yamkhün alala mulong ching tsütamübah.

WÜHKHE 21:28

Tümüde Heshbon chingnü mo, motru khülang Sihon kiuto chingnü akhiuk; junü Moab ching lakhi Ar thsümünim tüsho Arnon mujukbo muliuabah.

YUZÜNGTHALO 2:18

Khihni nüsa Ar limro yande Moab lomi hode ayübah.

YUZÜNGTHALO 2:19

Tüsho küyimki nüsa Amon mihtsürü phünide arübanü, arübo düthsümüchi yungsho bede dükeochih, tümüde Amonrü lo dangkhüh lang she inü nüsa kilim müjih, tümütüsho inü ha Lot tsühsoniusobo kilim yamalo thsüshihpü jihdo.”

YUZÜNGTHALO 2:9

Tüsho Atungpuhnü I ki tha, Moabrü kheak thsümütsü düjih yungsho arü bede dükeochih, tümüde arü lo dangkhüh lang she inü nüsa kilim müjih. Inü Ar ju Lot tsühsoniusobo kilim yamalo thsüshihpü jihdo.”