ISAIA 14:5 - AMÜSÜH HÜM CL Bible (BSI)

⁵ Atungpuhnü mihbukmuyuk shitso, yakzanshuhrü tso yihshakdo,

ISAIA 14:5 Iomraidhean Croise

MUNGSHIKHÜN 125:3

Tümüde mihbukmuyuk tso thiyuro-lungkirü khilim akhukhi lomi kheak mükeam, jude yungsho thiyuro-lungkirünü amülim kheak arü khahnü aqiubah.

MÜCHITMUDU 28:15

Mihbukmuyuknü zhochihrü kurungkheak yakzan shuhkhi ju arungkhi kekhüzü yungsho kuto amürük nangde lah.

ISAIA 10:5

Are, Asiria, I bukakhiukkhi tso–arü khah ching lakhi shitso ju I mulong zhipzhipkhi!

ISAIA 13:11

Amütsü-rhimo dünkheak inü alomiküp thsümüchibah, tüsho amülim dünkheak mihbukmuyuk thsümüchibah; inü kükheangküyangrü bukakhiukkhi akheam thsüshihbah, tüsho mihmukhiuh kükheangkhi keamkhishihbah.

ISAIA 14:29

Nüsa shikkhi tso zhakmonü dasühachih, nüsa Filistiarü alala, tümüde phuruto ying chingnü lokung phuruto akhiukbah, tüsho ju asokhinü aphinkhi amüzhak phuruto labah.

ISAIA 14:4

nüsanü Babilon kiulongthsüpuh azhihde ha mükhemükimbah: “ Küdükhüh she ajunorü arün thsüde! Küdükhüh she api mulong zhipzhip arün thsüde!

ISAIA 14:6

küpünü bukakhiukkhi ching mutuklode mihtsürübo shika lungshihkhea, küpünü bukakhiukkhi ching trükshihbo yakzan shuhde mihmuzho mülakhi thsümüchikhea.

ISAIA 9:3

Nünü trükshih wüh bushih, nünü asühpü alü kamshih; yimluchoki asühkhi nangde arünü nü miki asühachihchoh, mihtsürübonü ayankhikhi kukruk chamchoki asühkhi nangde lah.

ISAIA 9:4

Tümüde arü nolokhi sangkaplak tüsho arü dubuh ajapkhi sangdüdam, arü junokhi tso, Midiarü kukkhi nimung nangde nünü yihshak.

TÜZHOKHI 1:21

I ashearakhi arünü sodo, shenü I mushukheam. I riribo alalanü I küpkhuk sodo; nünü ha rhimokhinü arü asühchoh. Nünü alokhikhi nimung hande arang tüsho arü she I ruk lashang.

HABAKKUK 1:17

Dale tüsho api keang yeahkeangde mihmüthsüm mülade trükshihbo laksahde alaba shi?