ISAIA 14:32 - AMÜSÜH HÜM CL Bible (BSI)

³² Trükshih yunithsürü ki shenü tümü aloba? Atungpuhnü Zion thsükhitdo, tüsho api mihtsürü bolung küpkhukrü ju ching tsoyukbah.

ISAIA 14:32 Iomraidhean Croise

2 SAMUEL 8:10

Toinü api tsührü Joram kiulongthsüpuh David ki salüm tüsho makshe jihshihpü yüshih tümütüsho apinü Hadadezer bede keochihbah api kuk. Kheakü Hadadezernü Toi kheak ahihdo ki thirithsüde alakheah. Joramnü shotoyinchi, suna tüsho müwayinchi han;

MUNGSHIKHÜN 102:16

Tümüde Atungpuhnü Zion thsülobah; anihbuh müretahkhi ching api akhiukbah.

MUNGSHIKHÜN 102:28

Nü yamlarübo tsührübo mutuklode alabah, tüsho arü tsühsoniusobo nü miki rünkih-a labah.”

MUNGSHIKHÜN 48:4

Kheahang, kiulongthsürübo mukhunga lah, arü rukhühnü hode arüdo.

MUNGSHIKHÜN 87:1

Api khimtan amüsüh müzüngbo kheak lah.

MUNGSHIKHÜN 87:5

Tüsho Zion dünkheak ha thabah, “Ha tüsho ju anihbe ching zübekheah; tüsho Khide Achangbuhnü anihbe düküngshihbah.”

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 25:4

Tümüde nü a zhochihrü tsoyukpung lakheah, küpkhukrü lümthsünüchoki tsoyukpung, tsüngpungtsüngpung chingnü kurampung tüsho atak chingnü alamme lah. Tsüngkam tsüngpungtsüngpung nangde mihmukhiuh sheak amütchoki,

ISAIA 28:16

jumonü Atungpuh Thrünpuhnü ha thachoh, Kheahang, inü Zion ching khimtan lung khimchoh, amüzhak lung, shoto amühit-lung, mütsandakkhi khimtan: “Shepünü akinbanü müshungnim.”

ISAIA 29:19

Azhihayihrünü Atungpuh kheak asühachihkhi rünkihbah, tüsho küpkhukrü mihtsürünü Israel Amüsühbuh Khülang kheak asühkhi labah.

ISAIA 37:32

tümüde Jirusalem chingnü aningkhi wukhiukbah, tüsho Zion Müzüng chingnü atsokhitrü bokhüh labah. Wuto Atungpuh künkhinü ha thsübah.

ISAIA 37:9

Kheakü kiulongthsüpuhnü Ethiopia kiulongthsüpuh dünkheak, “Apinü bede keochihpü tsahmusudo” de so. Küyimki apinü ha sokhea, apinü Hezekia kilim yunithsürü yüshihde tha,

ISAIA 39:1

Ju kim ching Baladan tsührü Merodak-baladan Babilon kiulongthsüpuhnü kihümbo le thsambahbo mühahbah yunithsürübo Hezekia kilim yüshih, tümüde api tukthsübah angukhi apinü so.

ISAIA 4:6

Haju animung alam chingnü ku alampung tüsho alamme labah tüsho chinthrüm le tsüng chingnü tsoyukpung tüsho jikpung labah.

ISAIA 44:28

shepünü Sairus dünkheak tha, “Api I mihnu neakrü, tüsho apinü I lümkhi alala rhimode ayübah;” tüsho shepünü Jirusalem dünkheak tha, “Ha athsülobah,” tüsho arüngyam dünkheak, “ Nü khimtan khimbah.”

ISAIA 54:11

O thsünükhi, chinthrüm-yünkhi, tüsho mushukheamkhi, inü nü khimtanbo shotolungbonü akhimbah,

ISAIA 57:13

Küyimki nünü azhibanü, nünü akümukhungkhi sangthsübonü nü bekhitshang! Apungnü arü yünde atsobah, sheak khülangnü arü yünde atsobah. Tüshe sherünü I kheak tsoyukbanü alomi lubah tüsho I yo amüsüh awung yamrüplurüp lubah.

EZEKIEL 48:35

Kiuto mükamkhi ju khahnap 18,000 labah. Tüsho ju kimnü ründe kiuto mung ju, “Atungpuh Ju Ching Lah” de alabah.

ZEPHANIA 3:12

Tümüde inü nüsa bolung azhihayih tüsho akheamkhibe mihtsürü zojihbah. Arünü Atungpuh mung ching tsoyukpung yimbah–

ZEKARIA 11:11

Jumonü ju nimung ha thsümünim, tüsho namfimihnu yinzüyindorü I kheak kheahde larübonü ha Atungpuh yu ah de mükheah.

ZEKARIA 11:7

Jumonü, namfimihnu yinzüyindorü thsung thsüde I alaksahpü akhukhi namfimihnu boto neakrü kamdo. Inü tso mahne ludo; khülang mung inü Mihmüthsüm, püpü ki Arihako de jilah, tüsho inü namfimihnu kümchoh.

MATHI 16:18

Tüsho nü Peter ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü ju mazhihkhuk.

IBRI 11:10

Tümüde apinü Thrünpuhnü akhude thrüna lakhi khimtanbo lakhi kiuto mikhuh kheahde alakheah.

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?