ISAIA 14:3 - AMÜSÜH HÜM CL Bible (BSI)

³ Küyimki nüsa thsünü le thsümüchi tüsho nüsa rhimo amüküp tankihpü chingnü Atungpuhnü nüsa sühakhimshihbanü,

ISAIA 14:3 Iomraidhean Croise

ISAIA 11:10

Ju nimung Jesse ying kheaknü mihtsürübo kilim amütsan khülang nangde alabah; trükshihbonü api ki shomukhungbah, tüsho api lapung müretahde alabah.

ISAIA 12:1

Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 32:18

I mihtsürübo mungtsü lapung ching kurampung tüsho keamramde sühakhimpung ching labah.

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

JEREMIA 17:4

Nüsa nihbuhnü arhimokhi hode inü nüsa kilim jihkhi yamrüplurüp dükheakbah, tüsho nüsanü mümükheahkhi lomi ching inü nüsabo nüsa riribo tankihshihbah, tümüde I bukakhiukkhi ching lünnü atakpü mo khülang takkih-a lah.

JEREMIA 30:10

Tüshe nü thsungkheak a, dütre, I yamlarü Jakob, Atungpuhnü thachoh, tüsho mulong dübah, O Israel; tümüde inü nü limshu chingnü akhümkhitbah, tüsho nü tsührübo arübo ramde ayükhi lomi chingnü akhümkhitbah. Jakob alodarübah tüsho mungtsü le keamramkhi labah, tüshe shenü api mümüyinsahshih.

JEREMIA 30:8

Wuto Atungpuhnü thachoh, ju nimung, inü api hung kheaknü sangkaplak yihshakbah, tüsho api yinchiliu yihkhitjihbah, tüsho khiungkerübonü kheaküa api azhorü mükamshih.

JEREMIA 50:34

Arü Rhokhitbuh sühmüh lah; Wuto Atungpuh ju api mung. Apinü tsükjide arü dünkheak müküpde azhipbah, junangde apinü aningkhi lomi kilim sühakhim jihbah, tüshe Babilon ching larü kilim sühakhim mülakhi jihbah.

EZEKIEL 28:24

Israel yamkhünnü kheaküa amükeakbe khingphu yungsho achinkhitbe ayang arü bahyukde arhimorü arü yamhingrü bolung müngü. Tüsho I Atungpuh de arünü mükheahbah.

ZEKARIA 8:2

Wuto Atungpuhnü ha thachoh: Inü Zion kheak mükthsülah, tüsho anihbe thsungkheak inü tode mulong zhipzhiplah.

ZEKARIA 8:8

tüsho inü arübo Jirusalem ching lashihpü bede arübah. Athülünkhi tüsho thiyuro-lungki ching arübo I mihtsürü thsübah tüsho I arü Thrünpuh thsübah.

YUZÜNGTHALO 28:48

jumonü nüsanü khümde, kethüride, bünkeang, tüsho kimkethürü mükheakde Atungpuhnü nüsa azhihde arüshihkhi nüsa riri tankihbah; tüsho nüsa müsheshihyi khiungde apinü nüsa hung ching yinchi-khrih yihkihjihbah;

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!