ISAIA 14:25 - AMÜSÜH HÜM CL Bible (BSI)

²⁵ Inü Asiriarü I lomi chingnü dükheakshihbah, tüsho I yo awung kheak müphü khüp api jungbah; api sangkaplak, tüsho api hahmülang arü dubuh kheaknü lahkhia bahbah.

ISAIA 14:25 Iomraidhean Croise

2 KIUTHSÜYUKHEAN 32:21

Tüsho Asiria kiulongthsüpuh binkheampung ching athrungrü thirithsürü alala tüsho limthorü le atorübo dükheakshihpü Atungpuhnü yunirü khülang thiyi. Jumonü api mihmuzho mülakhi ching anihbuh lomi lim alode yü. Küyimki apinü anihbuh thrünpuh yam ching arükhea, api tsührübo khürünü ju kheak nukshangnü api kiumülün.

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

ISAIA 14:5

Atungpuhnü mihbukmuyuk shitso, yakzanshuhrü tso yihshakdo,

ISAIA 33:1

Nü are, O athsümünimrü, nü müthsümünimyi! Nü are, O thsungyukjihrü, nü muthsungyukyi! Küyimki nünü athsümünimpü tuklobanü, nü thsümünimbah; küyimki nünü athsungyukpü tuklobanü, nü thsungyukbah.

ISAIA 52:2

Asungthulung chingnü nü dütrünang, asürang, O aramkhi Jirusalem; arhükkhibo nü hung chingnü trünang, O aramkhi Zion tsührübe!

ISAIA 9:4

Tümüde arü nolokhi sangkaplak tüsho arü dubuh ajapkhi sangdüdam, arü junokhi tso, Midiarü kukkhi nimung nangde nünü yihshak.

EZEKIEL 32:22

Ju ching bonungrü bede Asiria lah; nukshangnü akeamshihkhi kiuyukbonü anihbe mükamdolah.

EZEKIEL 39:4

Nü tüsho bonungrü le nü lung lakhi mihtsürü alala Israel müzüngbo kheak keambah. Inü nü shihtsüh wuhnu mungjibo tüsho mütüm shiwühbo tsühshihpü jihbah;

MIKA 5:5

tüsho api ju mungtsü khülang labah. Mürangkhüh Asiriarü isa lomi ching azahsho tüsho isa lo kheak jungsho, isanü isa limberü sühmüh larü arü bede keochihshihpü yüshihbah.

MIKA 5:6

Arünü Asiria lomi nukshangnü, tüsho Nimrod lomi nukshang dukkhitbah yakzan shuhbah; mürangkhüh arünü isa lomi ching yungsho isa aredungyean ching thrümsho arünü Asiriarü kheaknü isa khümkhitbah.

NAHUM 1:13

Tüsho kheaküa inü api sangkaplak nü kheaknü ayihshakbah tüsho nü rhükkhi wuhrünliu yihshakbah.”

ZEKARIA 10:11

Arünü lümthsünü keto tsahhobah, tüsho keto abükkhibo kingkheambah tüsho Nile asükbo alala ngahbah. Asiria kükheangkhi abobe kambah tüsho Ijip tso chamde atsobah.