ISAIA 14:24 - AMÜSÜH HÜM CL Bible (BSI)

²⁴ Wuto Atungpuhnü thiyuchihchimdo: Inü alümkhi nangde, junangde alabah; tüsho inü alümkihkhi nangde, ju adünjibah:

ISAIA 14:24 Iomraidhean Croise

THRÜNTAN 41:32

Tüsho milim ju Pharao ki mahne ki huhdo, tümütüsho Thrünpuhnü ha thsakhama lah, tüsho Thrünpuhnü ha nahde adünjishihbah.

JOB HU H T ANYU 23:13

Tüshe api büthsülah tüsho shenü api müthrikhukpü? Apinü tümü künla, apinü rhimochoh.

MUNGSHIKHÜN 110:4

Atungpuhnü thiyuchihchimdo tüsho mülümalo, “Nü a Melkizedek yande lünnü amükeamrü khülang ah.”

MUNGSHIKHÜN 33:10

Atungpuhnü trükshih lümkhi zhomashihchoh; apinü arü lümkhi thsükhibo rhimopü zhipdochoh.

MUNGSHIKHÜN 92:5

O Atungpuh , nü rhimobo küdükhüh ato a! Nü lümkhibo khide süklah.

ABEKHIT 17:16

Apinü tha, “Tümütüsho khahbo ju Atungpuh kiulongthsü-binkiu lim shuhkih. Atungpuhnü Amalekrü azhihde lünnü lün thirithsübah.”

MÜCHITMUDU 19:21

Mihtsürü mulong ching lümkhi hihde lah tüshe Atungpuh lümthiyannü rhimochoh.

MÜCHITMUDU 21:30

Atungpuh azhihde lümlung yungsho anikhitkhi yungsho lümthiyan tümü müla.

ISAIA 10:5

Are, Asiria, I bukakhiukkhi tso–arü khah ching lakhi shitso ju I mulong zhipzhipkhi!

ISAIA 19:12

Kheakü nü yo lümlung larü küching la? Wuto Atungpuhnü Ijip azhihde lümkhi tümü lanü arünü nü ki thashang tüsho mükheahshang.

ISAIA 19:17

Tüsho Juda lomi ju Ijiprü ki atrebe kambah; Wuto Atungpuh nü arü azhihde lümkhi thsükhi Juda dünkheak thakhi sorü abannü atrebah.

ISAIA 55:8

Tümüde I lümkhibo ju nü lümkhibo yung, yungsho nü limrobo ju I limrobo yung, Atungpuhnü thachoh.

ISAIA 55:9

Tümüde yinmibo ju alomi kheaknü achangbe, junangde I limrobo ju nü limrobo kheaknü achangbe tüsho I lümkhibo ju nü lümkhi kheaknü achangbe.

JEREMIA 23:20

Api lümkhi mürhimoyiki tüsho akuk müngüyiki Atungpuh bukakhiukkhi murholo. Püpü nimungbo ching nüsanü mütsande anikhitbah.

JEREMIA 29:11

Tümüde inü nüsa thsungkheak lümkhi thsükhi inü mükheahlah, Atungpuhnü thachoh, nüsa arung thsungkheak lümkhibo tüsho athsümünimpü yung, nüsa kilim arübe mulonglam jihpü lah.

JEREMIA 44:26

Jumonü Atungpuh yu aniang, Ijip lomi ching larü nüsa Judarü alala: Kheahang, I mung ato hode inü thiyuchihchimchoh, Atungpuhnü thachoh, Ijip lomi alala ching Juda mihtsürü shepü münküp kheak she ‘ Atungpuh T H RÜ NPU H lah’ de dütha.

JEREMIA 49:20

Jumonü Atungpuhnü Edom, Teman ching larü azhihde lümkhi thsükhi aniang: Tsükjide mihnu aninibo yanyuka bahbah; arübo dünkheaknü apinü arü rimlopung shahde thsümünimbah.

JEREMIA 50:45

Jumonü Atungpuhnü Babilon tüsho Kaldearü lomi azhihde apinü lümkhi thsükhi aniang: Tsükjide mihnu nunubo yanyuka bahbah; apinü arü dünkheaknü arü rimlopung shahde thsümünimbah.

TÜZHOKHI 3:37

Atungpuhnü mümulongsho shepünü thiyukhüm jihpü tüsho ju rhimokhukpü?

EZEKIEL 12:25

Tüshe inü tümü lümbanü, I Atungpuhnü asukbah, tüsho ju muzhomade adünjibah. Tümüde nü nimungbo ching, O azhih yamkhün, inü tümüpürü thachonü inü adünjishihbah, Wuto Atungpuhnü thachoh.

EZEKIEL 39:4

Nü tüsho bonungrü le nü lung lakhi mihtsürü alala Israel müzüngbo kheak keambah. Inü nü shihtsüh wuhnu mungjibo tüsho mütüm shiwühbo tsühshihpü jihbah;

AMOS 3:6

Kiuto ching hulipungpung mütbah mihtsürübonü mütrecho de? Atungpuhnü mürhimode kiuto ching thsümütsü dünjicho de?

AMOS 8:7

Atungpuhnü Jakob mung tamde thiyuchihchimchoh: Tsükjide inü küyimkishe arü rhimobo mümihabah.

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

YUNIRÜBO RHIMO 4:28

ju nü wu tüsho nü lümkhinü pungkhia lakhi dünjipü rhimopü lakheah.

EFISIA 1:9

Tüsho Khrista ching apinü alümkihkhi atsü yande api aram lümkhi isa ki mükheahshih,

IBRI 4:3

Kheakü apinü athakhi nangde isa akinrübonü ju sühakhim ching yüzah, “Inü bukakhiukkhi ching thiyuchihchimkhi nangde, ‘Arü küyimkishe I sühakhim ching müyüzah.’ ” Tütüshe api rhimo a alomi thrünchokinü bana lakheah.

JIHUSUA 11:20

Israelrü bede keochihshihpü Atungpuhnü arü ki lümkihshih, junangde arübo shahde thsümünimde tüsho mihmuzho mülade laksahkhamshihpü thsü. Ha Atungpuhnü Mosa ki thiyukhüm jihkhi ah.