ISAIA 14:23 - AMÜSÜH HÜM CL Bible (BSI)

²³ Tüsho inü ju lungru lapung tüsho kepheanglo kamshihbah, tüsho inü athsümünimbe phütdungnü aphütbah, Wuto Atungpuhnü thachoh.

ISAIA 14:23 Iomraidhean Croise

1 KIULONG THSÜRÜ 14:10

jumonü, Jeroboam yamkhün ching inü thsümütsü handarübah. Israel ching azhorü tüsho zuzu lakhi athrürü aban Jeroboam kheaknü akheamshihbah, tüsho khürünü alala mükheamkhamyi khiungde khih takkhi nangde Jeroboam yamkhün aniuabahshihbah.

2 KIULONG THSÜRÜ 21:13

Samaria thsungkheak akebe-liu, tüsho Ahab yamkhün thsungkheak awukbe-liu inü Jirusalem binghode ayübah; khürünü phuru müsühkhi nangde inü Jirusalem nana bahbah tüsho aniukphülapbah.

ISAIA 13:20

Ju ching küyimkishe müla yungsho lün alala ching müla; Arabrünü ju ching arü khimyam müthsü, mihnu neakrünü ju ching arü mihnubo müyapshih.

ISAIA 13:6

Tüzhode tripang, tümüde Atungpuh nimung thüninde lah; ju Wuto kilimnü athsümünimpü nangde arübah!

ISAIA 21:1

Keto sunglo dünkheak müchityu. Negeb ching chitmühean yünkhi nangde, ha loshelo chingnü, atrebe lomi khülang chingnü arüchoh.

JEREMIA 50:26

Thrip aban chingnü anihbe azhihde arang; anihbe jakambo khimshuhang; hi wumujungkhi nangde anihbe mujungshang, tüsho shahde anihbe thsümünimang; anihbe yo tümü she daningshih.

JEREMIA 50:3

Tümüde dukulimnü trükshih khülang anihbe azhihde arübah; junü anihbe lomi zhikshihbah, tüsho ju ching she müla; mihtsürü tüsho shiwühbo chido tsoabahbah.

JEREMIA 51:62

tüsho thaang, ‘ O Atungpuh , nünü ha dangpung ching mihtsürü yungsho shiwüh mülapü thsüde athsümünimpü müzündo, tüsho ha lünnü azhikkhi labah.’

ZEPHANIA 2:14

Moshi, mihnu tüsho mütüm shiwüh lüpdükhi ju ching labah; loshelo lungru tüsho amüsükbe lungru dungjingku kheak labah; lungrunü ayinripit kheak khungbah, khüjaknü ripit-limro kheak khungbah; tümüde cedar sangnü arhimokhi ju aleangkheak labah.

AMIKHEAKAKHIUKKHI 14:8

Püpü yunirü, mahnepünü tha, “Lungdo! Babilon ato lungdo! Alibenü anihbe yüliyüra yukhu trükshih alala yungshih.”

AMIKHEAKAKHIUKKHI 18:2

Tüsho apinü düsheak atonü ji, “Lungdo, ato Babilon lungdo! Ha arimri lapung kamdo, amünean me, tüsho athraneanbe wuhnu mungpung kamdo;