ISAIA 14:2 - AMÜSÜH HÜM CL Bible (BSI)

² Tüsho trükshihbonü arübo arü lapung ching bedarübah, tüsho arübo Atungpuh khah ching Israel yo athrürü tüsho aliberü azhorü thsübah; arünü arü ramrü rama lubah, tüsho arü junorü kurungkheak yakzan shuhbah.

ISAIA 14:2 Iomraidhean Croise

EZRA 2:65

kheaküshe athrürü tüsho aliberü yamlarübo 7337, khün thsürü athrürü tüsho aliberü 200,

MUNGSHIKHÜN 68:18

Aramrübo api lung bebah achangbo kheak yükihchoh; azhihrü mihtsürübo kheaknü she apinü thsambahbo leangkhichoh, Atungpuh Thrünpuh ju ching labah.

ISAIA 18:7

Ju kim ching Wuto Atungpuh kilim, mihtsürü ashang tüsho küpshahshah, trede alakhi mihtsürü aphüni tüsho limshu, wulakhi tüsho akuk ngükhi trükshih, ayungbonü chamnakbah alakhi lomi ching larünü Wuto Atungpuh mung lapung Zion Müzüng ching thsambahbo handarübah.

ISAIA 31:8

Judüki Asiria ju nukshangnü alungbah, mihtsürü nuknü yung; tüsho mihtsürü nukshangnü yungde api muyubah; api nukshang kheaknü atsobah, tüsho api mihtsürü athunubo azhorü kambah.

ISAIA 45:14

Atungpuhnü ha thachoh: Ijip lakhit tüsho Ethiopia yinzüyindo, Seba atoashangbonü nü kilim arübah tüsho nü yo thsübah, arünü nü yanbah; arübo wuhrünliu yukbah arübah tüsho nü ki khukningbah. Arünü nü ki mushude athabah, “Thrünpuh nü lung lang lah, tüsho püpü müla; api hobah püpü thrünpuh müla.”

ISAIA 49:22

Atungpuh Thrünpuhnü ha thachoh: “ Inü nahde trükshihbo ki I khah shuhkihbah, tüsho mihtsürü ki I yo riphin thokihbah; tüsho arünü nü tsührübo arü khüh kheaknü handarübah, tüsho nü tsührübebo arü dubuh kheaknü ashuhbah.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ISAIA 49:25

Tüshe Atungpuhnü ha thachoh: “ Wutonü aramkhi she alubah tüsho bukmüke shih she abekhitbah; tümüde nü kheak shochihrü kheak inü shochihbah, tüsho inü nü tsührübo khümkhitbah.

ISAIA 54:3

Tümüde nü tsülim tüsho huzulim bude ayübah, tüsho nü tsühsoniusobonü trükshihbo lubah tüsho abahkhitkhi kiutobo ching labah.

ISAIA 60:14

Nü junorü tsühsoniusobonü nü ki mükhümde arübah, tüsho nü mükhemükimrü alala nü jing ki khukningde arübah; arünü nü ki Israel Amüsüh Thrünpuh yo Zion, Atungpuh kiuto de ajibah.

ISAIA 60:4

Nü mükbo züngkihang tüsho mükamde kheahang; arü alala rukhüh mukhungchoh, arübo nü kilim arüchoh; nü tsührübo limshu chingnü arübah, tüsho nü tsührübebo arü mütrürü bin kheak shuhbah.

ISAIA 61:5

Jaksorübonü azhipbah tüsho nü mihnu boto yimkipbah, khiungkerübonü nü lo kiubah tüsho nü yo kurungasolubo mupungbah;

ISAIA 66:12

Tümüde Atungpuhnü ha thachoh: Inü anihbe kilim lalim atsü ayung nangde akamshihbah, tüsho trükshihbo lakhit kenü müleamde abukkhi nangde akamshihbah; nüsa mütrübah tüsho anihbe bin kheak shuhbah tüsho anihbe mukhuk kheak zobah.

JEREMIA 30:16

Tüshe sherünü nü tsühabahchonü alala tsühabahbah, tüsho nü riri alala, mihbüm abannü ramtso ching yübah; sherünü nü yankhia luchonü arübo yankhia lubah, tüsho sherünü nü shih tsühchonü nü arübo ju shih kamshihbah.

JEREMIA 49:2

Jumonü, tsükjide kim arüchoh, Atungpuhnü thachoh, küyimki inü Amonrü yo Rabba azhihde keochih düsheak arhunganimba; ha azhikkhi wungduduh kambah tüsho kiulongbo monü atakbah; judüki Israelnü api yankhita bahrü yankhitbah, Atungpuhnü thachoh.

EZEKIEL 39:10

Arünü thulu chingnü sang yihpü yihnüpü müla yungsho murungbo ching sangbo tümü mükiushak, tümüde arünü thsühnukbonü arü mo thsübah; arü jangkhirübo arünü jangkhia lubah, tüsho arü yankhia lurübo arünü yankhia lubah, Atungpuh Thrünpuhnü thachoh.

DANIEL 7:18

Tüshe Khide Achangbuh yo amüsührübonü kiulongthsü leangkhibah tüsho lünnü lün kiulongthsü labah.”

JOEL 3:8

Inü nüsa tsührübo tüsho tsührübebo Juda mihtsürü ki yinbah, tüsho arünü arübo ju limshude alakhi trükshih khülang, Sabeanrü ki yinbah; tümüde Atungpuhnü asukdo.

LEVI 25:44

Nü thsungkheaknü athrürü tüsho aliberü azhorü yihnüpü thsüsho, nü mühide alakhi trükbo chingnü arübo thuloang.

OBADIA 1:17

Tüshe Zion Müzüng kheak atsokhitrü labah tüsho ju amüsüh labah; tüsho Jakob yamkhünnü arü yankhita bahrü yamalo lubah.

ZEKARIA 2:13

Mihtsürü alala Atungpuh miki zhikde laang; tümüde api amüsüh lapung chingnü api arüchoh.

ZEKARIA 2:9

Kheakü kheahang, inü arü azhihde I khah shuhkihbah, tüsho arübo ju arü nihbuh azhorübonü yankhia lupü kambah. Judüki Wuto Atungpuhnü thiyido de nüsanü mükheahbah.

LUKNÜ ATHRÜTKHI THIYUSHEAK-ATSÜ HUHTANYU 12:45

Tüshe yamlarünü mulong ching, ‘I putungrü arüpü ruhde lah,’ de thasho, tüsho yamlarübo le yamlaberübo shikpü tüsho tsühyungde amüshangpü tankihsho,

ROMRÜ KILIM PAULNÜ ATHRÜTKHI KIHÜM HUHTANYU 15:27

arünü ju rhimopü pungkhi, tüsho atsütsü, arübo kilim arü shozüng lah, tümüde khiungkerünü arü me müngühmühi ching shihcham lusho, arünü kukruk müngühmühi chingnü arü rungbeah.

2 KORINT 10:5

Thrünpuh mükheahmudu lim atsangachih tüsho lülüshishi limkhudo aban isanü thsümünimchoh, tüsho lümkhi aban Khrista yu anipü ramde arüchoh.

GALATIA 5:13

Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang.

EFISIA 4:8

Jumonü ha tha, “Küyimki api achang kheak yükihkheanü apinü aramrü boto khülang be tüsho apinü mihtsürübo kilim thsambahbo jih.”

AMIKHEAKAKHIUKKHI 3:9

Arimri sinagog ching larübo, arü Jihudarü ah de akeangyu tharü nü jing ki khukningshihbah tüsho inü nü muzhokhi mükheahshihbah.