ISAIA 14:19 - AMÜSÜH HÜM CL Bible (BSI)

¹⁹ tüshe nü a nü kiuyuk chingnü jipkhita bahlah, abahyukkhi sangkhah nangde, ashenü muhiudobahle, küpü nukshangnü düchipashungkhea, shepü Lungkhün ching yüzahkhea, ashemi khülang müphü khüp jungkhi nangde.

ISAIA 14:19 Iomraidhean Croise

1 KIULONG THSÜRÜ 21:19

Nünü api ki thaang, “Atungpuhnü ha thachoh: Nünü mihtsürü laksahdü de, tüsho yamalo she ludü de?” Nünü api ki thaang, “Atungpuhnü ha thachoh: khihnubonü Naboth thiyih müleakpung ching, khihnubonü nü thiyih she amüleakbah.”

1 KIULONG THSÜRÜ 21:24

Khürü Ahab betsührü shepü kiuto ching shebanü khihnubonü atsühbah; tüsho khürü mükeak chingnü shesho thüning wuhnubonü atsühbah.”

2 KIULONG THSÜRÜ 9:25

Jehunü api khoralolungbe torü Bidkar ki tha, “Api shuhkhitang tüsho Jezreelrü Naboth lo kheak bahang; lümkhitang, küyimki ike rukhüh abuh Ahab dunglim bede atsahkhea, Atungpuhnü api azhihde ha müchityu thakhi lümkhitang:

ISAIA 13:15

Shepü angükhitbanü chinkhitde adüchipbah tüsho shepü tholobanü nukshangnü akeamshihbah.

ISAIA 14:18

Trükshih kiulongthsürü alala müretahkhi ching, mihbüm abande nihbuh kiuyuk ching yaplah;

ISAIA 34:3

Arü laksahkhi jipkhita bahbah tüsho arü ashemibonü shuhrhüm münimde yükihshihbah; arü thiyih awungbo kheak bukbah.

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

JEREMIA 16:6

Ha lomi ching ato tüsho anini chido ashebah; arübo kiuyuka mübah, tüsho shenü arü thsungkheak mütüzho; arü thsungkheak tüzhode mütsüt yungsho ku mühüt.

JEREMIA 22:19

Donki mi bahkhi nangde api mi bahbah, Jirusalem chipiripitbo hode nimkhita tüsho jipkhita bahbah.

JEREMIA 41:7

Küyimki arübo kiuto phulung khiungkhea, Nethania tsührü Ishmael tüsho api mihtsürübonü arü laksah, tüsho arübo kekung ching bah.

JEREMIA 41:9

Kheakü Ishmaelnü mihtsürü laksahkhi pangbo alala yukkhi kekung ju kiulongthsüpuh Asanü Israel kiulongthsüpuh Baasha azhihkhi tsunglode athsükhi atobe lakheah; Nethania tsührü Ishmael nü kekung ju apinü alaksahkhinü mishih.

JEREMIA 51:4

Arübo Kaldearü lomi ching laksah-a yapbah, tüsho kiudunglimrobo ching yuribah.

EZEKIEL 32:23

Arü kiuyukbo ju alokhün asük ching lah tüsho anihbe kiuyuk mükamde bonungrü, rhangdung lapung lomi ching mihtrebe bushihrü alala nukshangnü laksah-a yapshihlah.

EZEKIEL 32:27

Tüsho arübo adüso athrungrü bolung müyap, sherü thirithsü thsühnuk bede Ashe-lomi ching yüzah, sherü nukshangbo arü kubo khüp zola, tüsho sherü tsungbo arü robo kheak la; tümüde athrungrübo trekhi rhangdung lapung lomi ching lakheah.