ISAIA 14:14 - AMÜSÜH HÜM CL Bible (BSI)

¹⁴ inü amo kumung kheak yükihbah, inü I küdah thsüde Khide Achang kamshihbah.

ISAIA 14:14 Iomraidhean Croise

THRÜNTAN 3:5

Tümütüsho küpü nimung nüsanü hoju tsühbanü nüsa mük khimshuhbah tüsho nüsa ju Thrünpuh nangde atsü tüsho amütsü mükheahbah de Thrünpuhnü mükheahlah.”

JOB HU H T ANYU 20:6

Apinü thüning khiungde künkihkih she, tüsho api kunü amobo khiungkhiung she,

ISAIA 21:1

Keto sunglo dünkheak müchityu. Negeb ching chitmühean yünkhi nangde, ha loshelo chingnü, atrebe lomi khülang chingnü arüchoh.

ISAIA 47:1

Akiang tüsho asungthulung ching binang, atsangkhit tsührübe Babilon! Kiulongthsü-binkiu kheak yungde alo kheak binang, tsührübe Kaldea! Tümüde nü kheaküa athünak tüsho aliuhliuh de müji.

ISAIA 47:8

Kheakü jumonü ha aniang, nüsa shih muzhorübo, shepü keamramde la, shepünü mulong ching thacho, “ I ah, tüsho I hobah she müla; I khimoberü kama mübin yungsho tsührü dükheakkhi mümükheah.”

JEREMIA 51:1

Atungpuhnü ha thachoh: Inü Babilon azhihde tüsho Lebqamai ching larü azhihde athsümünimbe apung rhumusupü lah;

EZEKIEL 28:2

Mihtsürü tsührü, Tair yakzanshuhrü ki thaang, Atungpuhnü ha thachoh: Tümütüsho nü kükheanglah tüsho nünü tha, “ I thrünpuh khülang ah, inü ketobo phulung ching thrünpuhbo binpung binchoh,” tütüshe nünü nü lümkhi thrünpuh lümkhi kheak akeke she nü a mihtsürü khülang ah tüsho thrünpuh yung.

EZEKIEL 31:10

Jumonü Atungpuh Thrünpuhnü ha thachoh: Tümütüsho ha changde rünkih tüsho amobo lung yükih tüsho achangkhinü mulong kükheangde kam,

DANIEL 11:36

“ Kiulongthsüpuhnü anihbuh lümkhi rhimobah. Apinü aküdah thsüde anihbuh shuhkihbah tüsho thrünpuh kheaknü atobe lümbah, tüsho thrünpuhbo bolung Thrünpuh azhihde mükhemükimyu thabah. Bukakhiuk kim muhoyi khiungde api kukzamde alabah, tümütüsho tümü lümkihlanü arhimopü tsütsü.

DANIEL 11:37

Apinü api jipürü thrünpuh yungsho aliberübonü amuzhokhi ki manijih; apinü püpü thrünpuh ki akin müjih, tümüde apinü alala kheaknü anihbuh atobe de alümbah.

2 TESALONIKA 2:4

Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.