ISAIA 13:6 - AMÜSÜH HÜM CL Bible (BSI)

⁶ Tüzhode tripang, tümüde Atungpuh nimung thüninde lah; ju Wuto kilimnü athsümünimpü nangde arübah!

ISAIA 13:6 Iomraidhean Croise

JOB HU H T ANYU 31:23

Tümütüsho Thrünpuh kilimnü athsümüchibe ju inü trede alakheah, inü küyimkishe müthsükhuk.

ISAIA 10:25

Tümüde anükhüh kheaknü nüsa azhihde I mulong zhipzhipkhi arün thsübah tüsho arü thsümünimpü I bukakhiukbah.

ISAIA 10:3

Thsümüchi nimung ching, limshunü arüpü lakhi thsümütsü ching nünü tümü rhimoba? Shepü ki arung thsungkheak nü shande ayüba, tüsho nü lakhit kükheak bahba?

ISAIA 13:9

Kheahang, A TU N GPU H nimung, bukmükede tüsho müshakde bukakhiukde, alomi zhikabahshihpü, tüsho ju chingnü aneakrübo dükheakshihpü arüchoh.

ISAIA 14:23

Tüsho inü ju lungru lapung tüsho kepheanglo kamshihbah, tüsho inü athsümünimbe phütdungnü aphütbah, Wuto Atungpuhnü thachoh.

ISAIA 14:31

Tüzhode tripang, O chipiripit; zhiang, O kiuto, atrekhinü niuang, O Filistia, nüsa alala! Tümüde dukulimnü mokhüh akichoh, tüsho ju mulong zahkhi yakkihrü bonungrü ah.

ISAIA 2:12

Tümüde kükheangküyangrü tüsho changde-alümrü, ashuhkihkhi tüsho achangkhi alala azhihde Wuto Atungpuh nimung khülang lah;

ISAIA 23:1

Tair dünkheak müchityu. Mulong rozhakde zhiang, O Tarshish sangkungbo, tümüde nü thsümünimdo. Küyimki arü Saipra chingnü azahkheanü arünü ju mükheahdo.

ISAIA 34:2

Tümüde trükshih alala azhihde Atungpuh bukakhiukchoh, tüsho arü bonungrü alala azhihde mulong zhipzhipchoh; apinü arü shahde dükheakshihdo, apinü arü alaksahpü shuh-a jihdo.

ISAIA 34:8

Tümüde Atungpuhnü royimpü nimung khülang lah, Zion dünkheaknü thsümüchipü kam khülang lah.

ISAIA 47:11

Tüshe amütsü rhimo nünü wurüknü müthsükhikhukkhi nü kheak arübah; nünü müyanlokhukde thsümütsü nü kheak keambah; tüsho nünü tümü she mümükheahkhi zukleangnü nü kheak athsümünim arübah.

ISAIA 52:5

Kheakü jumonü I ha ching tümü la, Atungpuhnü tha, amütsan mülade I mihtsürü bede atsokhea? Arü yakzanshuhrübonü keangrümünechoh, tüsho mutukzhakde nimungroro I mung mükhemükim thsüchoh.

ISAIA 61:2

Atungpuh mulongkhi kam zhiyukpü, tüsho isa Thrünpuh royimkhi nimung zhiyukpü; tüzhode alarü alala shukheampü;

ISAIA 63:4

Tümüde royimkhi nimung I mulong ching lakheah, tüsho inü rhokhitpü kam arüdo.

ISAIA 65:14

I yamlarübo mulong asühkhinü khün thsübah, tüshe nüsa mulong rozhakkhinü atripbah, tüsho me thsünükhinü atüzhobah.

JEREMIA 25:34

Tüzhoang, nüsa mihnu neakrübo, tüsho zhiang; awahbo ching lungphülapang, nüsa mihnu boto atungrübo, tümüde nüsa laksahpü nimung arüdo, tüsho nüsa shoto phüh nangde ayokhia adannakbah.

JEREMIA 49:3

Mulong rozhakang, O Heshbon, tümüde Ai thsümünima yaplah! Zhiang, O Rabba tsührübebo! Shungliukhim rümkihang, tüzhoang tüsho yingyingde api yo amükeamrübo tüsho atorübo rukhühnü alihang, tümüde Molek ramtso ching yüpü lah.

JEREMIA 51:8

Zukleangnü Babilon lungabah tüsho ajan; anihbe thsungkheak tüzhoang! Anihbe thsünükhi thsungkheak moli luang; khükijua anihbe athsüngubah.

EZEKIEL 13:5

Atungpuh nimung keochih ching düküngde azhippü thsüde nüsanü chipi zhakkhibo ching Israel yamkhün thsungkheak thsülopü muwutu.

EZEKIEL 21:12

Zhiang tüsho tüzhoang, mihtsürü tsührü; tümüde ha I mihtsürü azhihkhi lah; ha Israel limberü alala azhihkhi lah. Arübo I mihtsürü lungnü alaksahpü lah. Jumonü nü khüh yümang.

DANIEL 5:26

Amütsan thanakkhi ha: M E N E, Thrünpuhnü nü kiulongthsü kheakheahdo tüsho akheam thsüshihdo;

DANIEL 5:9

Judüki kiulongthsüpuh Belshazzar ju khide treabah tüsho amiro pheakmulukdo kam, tüsho api putungrübo ju zhazhaabah.

JOEL 1:11

Mulong dükheakang, nüsa thulu thsürübo, tüzhoang, nüsa kurungasolu thsürübo, wheat hi tüsho barli hi dünkheak; tümüde thulu ching hibo thsümünima lah.

JOEL 1:13

Shungliukhim phuyuang tüsho tüzhoang, nüsa amükeamrübo; tüzhoang, nüsa kingaün sadam kheak tankihrübo. Arang, shungliukhim chingnü tsüngre hoshang, nüsa I Thrünpuh tankihrübo! Hi kingaün tüsho ayungbe kingaün nüsa Thrünpuh yam chingnü tukloa lah.

JOEL 1:15

Nimung thsungkheak aha! Tümüde Atungpuh nimung thüninde lah, tüsho athsümünimpü Wuto kilimnü arüchoh.

JOEL 1:5

Asürang, nüsa amüshangrübo, tüsho tripang; tüsho nüsa yukhu yungrü alala amühdo yukhu dünkheak tüzhoang, tümüde ju nüsa mün kheaknü mülade kamdo.

JOEL 2:1

Zion ching hulipungpung mütang; I amüsüh müzüng kheak alanang! Lomi mihtsürü alala ajanshang, tümüde Atungpuh nimung arüchoh, ha thüninde lah–

JOEL 2:11

Atungpuhnü api bonungrü kumung adüsheak thsüchoh; api bonungrü küdükhüh she hihla! api yukhüm anirü mükhebinkhi lah. Tsükjide Atungpuh nimung ato ah; atsütsü atrebe–shenü ju arümkhukba?

JOEL 2:31

Atungpuh nimung ato tüsho atrebe müngüh ani ju mitingdo akambah, tüsho khinu ju thiyih kambah.

AMOS 5:18

Nüsa sherünü Atungpuh nimung künchonü ayokhe! Tümüde nüsanü Atungpuh nimung küncho? Ha amiting ah, ayin yung;

ZEPHANIA 1:14

Atungpuh nimung ato thüninde lah, thüninde tüsho niokheamde arado; Atungpuh nimung düsheak ju akhüh lah, ju ching thirithsürünü tode zhichoh.

ZEPHANIA 1:7

Atungpuh Thrünpuh miki zhikde laang! Tümüde Atungpuh nimung khah ki lah; Atungpuhnü shuhmülanga jihpü thsakhamlah; apinü api hanrübo jiyukdo.

ZEKARIA 14:1

Kheahang, nüsa kheaknü yankhia lukhi nüsa bolung chama lupü Atungpuh nimung arüchoh.

MALAKI 4:5

Kheahang, Atungpuh nimung ato tüsho atrebe arüpü müngüh inü nüsa kilim wukihbuh Elija arüshihbah.

JAKOB 5:1

Nüsa alarübo kheakü aniang, nüsa kheak thsümütsü arüpü lakhi dünkheak tripang tüsho tüzhoang.

AMIKHEAKAKHIUKKHI 18:10

arünü anihbe thsünükhi trede limshu ching zhipbah athabah, “Are! Are! Nü Babilon ato kiuto! Kimkhü 1 chingnü nü mahkhappü arüdo.”