ISAIA 13:20 - AMÜSÜH HÜM CL Bible (BSI)

²⁰ Ju ching küyimkishe müla yungsho lün alala ching müla; Arabrünü ju ching arü khimyam müthsü, mihnu neakrünü ju ching arü mihnubo müyapshih.

ISAIA 13:20 Iomraidhean Croise

2 KIUTHSÜYUKHEAN 17:11

Filistiarü khürünü Jehoshaphat kilim thsambahbo tüsho ruk thsungkheak shotoyinchi hande arü; tüsho Arabrünü she namfimihnu pung 7700 tüsho mihnupung 7700 api kilim handarü.

JOB HU H T ANYU 3:7

Am, ju tsüngre yihnüpü mülakhi kamshang; asühachihkhi düsheak düsoshih.

KHÜNBOLUNGKHÜN 1:7

I ki thaang, nü shepü I menü muzhocho, nü mihnu boto küching yimkipcho, animuro nünü kükheak yapshihcho; tümüde nü müyamrü mihnu boto ki I kudukiukhi liberü nangde alapü?

ISAIA 14:23

Tüsho inü ju lungru lapung tüsho kepheanglo kamshihbah, tüsho inü athsümünimbe phütdungnü aphütbah, Wuto Atungpuhnü thachoh.

ISAIA 21:1

Keto sunglo dünkheak müchityu. Negeb ching chitmühean yünkhi nangde, ha loshelo chingnü, atrebe lomi khülang chingnü arüchoh.

ISAIA 25:2

Tümüde nünü kiuto amujung kamshihdo, chipi ayünkhi kiuto thsümünimdo; khiungkerü yo kiulongthsürü yambo lakhi kiuto kheaküa müla, ha küyimkishe müthsülo.

ISAIA 34:17

Apinü arü thsungkheak azan thsü, api khahnü arü kilim akhude chama jih; arünü ju lünnü amükühbah, lün chingnü lün ju ching arü labah.

JEREMIA 49:33

Hazor ju shirung lapung akheam mülakhi abahkhi kambah; ju ching sheshe müla.

JEREMIA 50:13

Atungpuh bukakhiukkhinü Babilon ching she mülade zhikrangkhündo alabah; Babilon horü abannü müyinsahbah tüsho anihbe mübo alala thsungkheaknü ish thsübah.

JEREMIA 50:21

Merathaim lomi lim wutuang; anihbe azhihde wutuang, tüsho Pekod ching larü yanang tüsho shahde arü dükheakshang, Atungpuhnü thachoh; inü nü ki thiyukhüm jihkhi alala rhimoang.

JEREMIA 50:3

Tümüde dukulimnü trükshih khülang anihbe azhihde arübah; junü anihbe lomi zhikshihbah, tüsho ju ching she müla; mihtsürü tüsho shiwühbo chido tsoabahbah.

JEREMIA 50:39

Jumonü mütüm shiwühbo tüsho wuyihbo Babilon ching labah, tüsho kewühtopübo ju ching labah; ha küyimkishe mihtsürü mülalo, yungsho lün alala thsungkheak müla.

JEREMIA 50:45

Jumonü Atungpuhnü Babilon tüsho Kaldearü lomi azhihde apinü lümkhi thsükhi aniang: Tsükjide mihnu nunubo yanyuka bahbah; apinü arü dünkheaknü arü rimlopung shahde thsümünimbah.

JEREMIA 51:25

Inü nü azhihde lah, O athsümünimrü wung, Atungpuhnü thachoh, küpü hode alomi abümnü thsümünimcho; inü nü azhihde I khah chungkihbah, tüsho inü nü lungku chingnü lungde yükishihbah, tüsho takabahkhi wung kamshihbah.

JEREMIA 51:29

Alomi ajanchoh tüsho niukchoh, tümüde Babilon azhihde Atungpuh lümkhi, Babilon lomi mihtsürü mülade azhikkhi kamshihpü lah.

JEREMIA 51:37

tüsho Babilon ju athsümünim mujung, shirungbo yam, mihtrebe kukruk tüsho ish thsübe, mihtsürü mülade akambah.

JEREMIA 51:43

Anihbe kiutobo zhikrangkhündo, akung lomi, tüsho loshelo, she mülakhi lomi, tüsho mihtsürünü muhokhi kamdo.