ISAIA 13:2 - AMÜSÜH HÜM CL Bible (BSI)

² Awung achang kheak riphin khülang shuhkihang, arü ki achangnü zhiang; mükheahmudurü ripit ching yüzahpü arü thsungkheak nü khah ayitang.

ISAIA 13:2 Iomraidhean Croise

MUNGSHIKHÜN 60:4

Nünü nü trerü kilim riphin jih, junangde athsümünimpü chingnü arü tsokhipü lakheah.

ISAIA 10:32

Ha nimungnü api Nob ching labah, apinü Jirusalem awung, Zion tsührübe Müzüng kheak akhah zhimpungkhi niukbah.

ISAIA 11:12

Apinü trükshihbo thsungkheak amütsan riphin khülang shuhkihbah, tüsho müzüta lakhi Israel tüsho hiumüzüta lakhi Juda alomi mühit phüyi chingnü bemukhungbah.

ISAIA 11:15

Tüsho Atungpuhnü Ijip keto ngahshihbah; tüsho api pung atak bede keto kheak akhah ayitbah; tüsho keru thüne chamnakbah, tüsho jingnü ahopü limro khülang kamshihbah;

ISAIA 18:3

Nüsa alomiküp ching larü alala, nüsa sherü alomi kheak lacho, küyimki amütsan riphin khülang awungbo kheak shuhkihbanü, kheahang! Küyimki hulipungpung mütbanü, aniang!

ISAIA 19:16

Ju nimung Ijiprü ju azoberü nangde alabah, tüsho Wuto A TU N GPU H khah arü azhihde ashuhkihkhi müngüh ajande atripbah.

ISAIA 31:9

Atrekhinü apinü nihbuh chipi bahbah atsobah, tüsho api torübonü riphin ngübah ajande atsobah, Atungpuhnü thachoh, shepü mo Zion ching la, tüsho shepü motru Jirusalem ching la.

ISAIA 5:26

Apinü limshu ching larü trükshih jipü amütsan jihbah, tüsho alomi akheam ching larü mihtsürübo thsungkheak mütbah; ha ching arü arüchoh, athride, nahnahde!

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

JEREMIA 50:41

Kheahang, mihtsürü khülang dukulimnü arüchoh; trükshih ato tüsho kiulongthsürü ahihdo limshu lomi chingnü thurumusuchoh.

JEREMIA 51:12

Babilon chipi yeande riphin khülang shuhkihang; akheahrü düküngshang; ajimrü thsakhamang; tümüde Atungpuhnü Babilon ching larü dünkheak tümü asukdünü lümkhi thsüdo tüsho rhimodo.

JEREMIA 51:25

Inü nü azhihde lah, O athsümünimrü wung, Atungpuhnü thachoh, küpü hode alomi abümnü thsümünimcho; inü nü azhihde I khah chungkihbah, tüsho inü nü lungku chingnü lungde yükishihbah, tüsho takabahkhi wung kamshihbah.

JEREMIA 51:58

Wuto Atungpuhnü ha thachoh: Babilon chipi ato ju alo arihde akambah, tüsho anihbe chipiripit achangbo monü atakbah. Mihtsürübo akeangkeang ching khichoh, tüsho trükshihbonü mo thsungkheak lang rhimochoh.