ISAIA 13:19 - AMÜSÜH HÜM CL Bible (BSI)

¹⁹ Tüsho kiulongthsübo müretahkhi Babilon, Kaldea atsüdak tüsho mungthu ju Thrünpuhnü Sodom tüsho Gomorra dükheakshihchoki nangde akambah.

ISAIA 13:19 Iomraidhean Croise

THRÜNTAN 19:24

Judüki Atungpuhnü molung tüsho mo thüning chingnü Sodom tüsho Gomorra kheak akishih.

THRÜNTAN 19:25

Hanangde apinü kiutobo, adükhün alala, kiuto ching larü alala, tüsho alo kheak mukhuhkhi yüngthrüm.

ISAIA 13:1

Amoz tsührü Isaianü Babilon dünkheak ngükhi müchityu.

ISAIA 21:9

Kheahang, ju ching arü arüchoh, khoraberübo, khoraberü mahnene!” Tüsho apinü thalo, “Babilon lungdo, lungdo; tüsho anihbe sangthsü thrünpuhbo alala alo kheak keamthünaka yaplah.”

ISAIA 47:5

Zhikde binang, tüsho amiting ching yüzahang, tsührübe Kaldea! Tümüde nü kheaküa kiulongthsüberü de müji.

ISAIA 48:14

Nüsa alala mukhungang, tüsho aniang! küpü sangthsünü ha müchitkhea? Atungpuhnü api muzholah, apinü anihbuh lümkhi Babilon kheak rhimobah, tüsho api khahnü Kaldea azhihkhi labah.

JEREMIA 25:12

Jushu kam nerü dunglim, Babilon kiulongthsüpuh, ju trükshih tüsho Kaldearü lomi arü mülimkhi dün alomi ju lünnü zhikrangkhündo akamshihbah, Atungpuhnü thachoh.

JEREMIA 49:18

Sodom le Gomorra tüsho arü yamhingrü lahyuka bahchoki nangde, ju ching she mihtsürü müla, Atungpuhnü thachoh.

JEREMIA 50:40

Atungpuhnü thachoh, Thrünpuhnü Sodom tüsho Gomorra thsümünimchoki nangde sheshe ju ching müla, yungsho she mihtsürü ju ching müla.

JEREMIA 51:26

Amühit lung yungsho khimtan lung nü kheaknü mulu, tüshe nü a kamruhroro abahkhi labah, Atungpuhnü thachoh.

JEREMIA 51:29

Alomi ajanchoh tüsho niukchoh, tümüde Babilon azhihde Atungpuh lümkhi, Babilon lomi mihtsürü mülade azhikkhi kamshihpü lah.

JEREMIA 51:41

Küde alomi lüpdükhi kükheangkhi Sheshak rama lude! Küde Babilon trükshih bolung mihtrebe kama la!

JEREMIA 51:62

tüsho thaang, ‘ O Atungpuh , nünü ha dangpung ching mihtsürü yungsho shiwüh mülapü thsüde athsümünimpü müzündo, tüsho ha lünnü azhikkhi labah.’

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”

AMOS 4:11

Thrünpuhnü Sodom tüsho Gomorra lahyuka bahchoki nangde inü nüsa khürü lahyuka bah, tüsho nüsa ju mo takkhi chingnü adukkhitkhi mozhuh nangde alakheah; tütüshe nüsanü I kilim murholo, Atungpuhnü thachoh.

ZEPHANIA 2:9

Jumonü Wuto Atungpuh Israel Thrünpuhnü thachoh, I lale, Moab ju Sodom nangde tüsho Amonrü ju Gomorra nangde ayangbo tüsho thimi khün lakhi lomi kambah, tüsho lünnü thsümünima labah. I mihtsürü aningkhinü arü yankhia lubah tüsho I trükshih rhangdung larünü arü müküh-a lubah.

ROMRÜ KILIM PAULNÜ ATHRÜTKHI KIHÜM HUHTANYU 9:29

Tüsho Isaianü müchit, “Wuto Atungpuhnü isa tsühsoniusobo maningshihkhülaa isa Sodom nangde kama labah tüsho Gomorra nangde alabah.”

YUZÜNGTHALO 29:23

‘ Alo athrünkhi kelülü lung, thimi tüsho atak ah; ha ching mümükhean, yungsho maso tüsho rim tümü she mumukhuh, ha Atungpuhnü abukakhiukchoki thsümünimkhi Sodom tüsho Gomorra, Adma, tüsho Zeboiim nangde alabah.’

AMIKHEAKAKHIUKKHI 18:11

Tüsho alomi shothsümolorünü anihbe dünkheak tripchoh tüsho tüzhochoh, tümütüsho kheaküa shenü arü kukrukbo muthulo,

AMIKHEAKAKHIUKKHI 18:19

Tüsho arünü arü kubo kheak awah sukkihbah trip tüsho tüzhode zhi, “Are, are, keto ching sangkungbo larü anihbe lakhit hode alarü kampung, ato kiuto! Kimkhü 1 chingnü anihbe thsümünima lah.”