ISAIA 13:18 - AMÜSÜH HÜM CL Bible (BSI)

¹⁸ Arü sanglühbonü athunu mihtsürübo laksahbah; arünü nuyam sangaso kheak mihmüthsüm mülade alabah; arü müknü azürübo kheak kheah-a mümuzho.

ISAIA 13:18 Iomraidhean Croise

2 KIULONG THSÜRÜ 8:12

Hazaelnü keokhi, “Tümüde I tungpuh tripcho?” Apinü alo, “Tümütüsho nünü Israel mihtsürü kheak amütsü rhimo lakhi inü mükheahlah; nünü arü chipi monü atakbah, nünü arü athrününgtsüng mihtsürübo nukshangnü alaksahbah, khungarü aninibo ajip kamde jipa bahbah, tüsho mihlakhi azoberübo chakashungbah.”

2 KIUTHSÜYUKHEAN 36:17

Jumonü apinü arü azhihde Kaldearü kiulongthsüpuh bede wutu, apinü athunubo arü arüngyam ching nukshangnü laksah, tüsho athrününgtsüng mihtsürü yungsho anünürü, ashinbuhrü yungsho azobankhi kheak mihmuzho mülade kam; apinü arü alala api khah ching jih.

MUNGSHIKHÜN 127:3

Kheahang, tsührübo ju Atungpuh kilimnü yamrüplurüp lah, nuyam sangaso ju api thsambah.

ISAIA 13:16

Arü tsührü aninibo arü mük kinü adütre kamde yihthünakbah; arü khorabo yankhia lubah, tüsho arü niuberübo thsümünimbah.

ISAIA 47:9

Harü chido kim khülang, nimung khülang chingnü nü kheak arübah: nünü wurük ahihdo tüsho müchit-wu ato huhhuh she, tsührü dükheakpü tüsho khimoberü kampü kim dükde ching nü kheak arübah.

ISAIA 5:28

arü hühzobo züpzüplah, arü sanglühbo alala hündübümlah, arü khora biuobo molaklung nangde lah, tüsho arü lolungbe-jingbo chitmühean nangde lah.

JEREMIA 18:21

Jumonü arü tsührübo khümzungnü sheshang; arübo nukshang wu kilim jihang, arü niuberübo tsührü mülade tüsho khimoberü kamshang. Arü niubuhrübo tukthsünü sheshang, athunurübo keochih ching nukshangnü laksahshang.

JEREMIA 5:16

Arü hühzopung ju akhimshuhkhi kiuyuk nangde; arü alala sühmüh larü thirithsürü ah.

JEREMIA 50:30

Jumonü anihbe yo athrününgtsüngbo anihbe kiudunglimrobo ching keambah, tüsho anihbe bonungrü alala ju nimung dükheakbah, Atungpuhnü thachoh.

JEREMIA 50:42

Arünü sanglüh tüsho thsüh shuhlah, arübo bukmüke tüsho mihmüthsüm müla. Arü düsheak ju keto arungkhi nangde lah; arübo khorabo kheak binlah, keochihpü thirithsürü nangde duklanglah, nü azhihde, O tsührübe Babilon!

JEREMIA 51:22

nü hode inü athrürü tüsho aliberü yümnakchoh; nü hode inü ashinbuhrü mihtsürü tüsho athunu yümnakchoh; nü hode inü athrününgtsüng tüsho anünürü yümnakchoh;

JEREMIA 6:23

Arünü sanglüh tüsho thsüh thrüa luchoh, arü bukmüke tüsho mihmüthsüm müla, arü düsheak ju keto ahukkhi nangde lah; arübo khorabo kheak binlah, thirithsürü nangde nüsa azhihde züt thsülah, O Zion tsührübe!

EZEKIEL 9:10

Jumonü inü arü kheak muzhode mükheah yungsho arü maningshih, tüshe arünü arhimokhi inü arü nihbuh kubo kheak handarübah.”

DANIEL 7:5

Püpü mahnepü shiwüh akhiuk, ju akheahpü kuto nangde alakheah. Ju thripkhühnü zhip, tüsho amün ching ahü bolung arheangro mahsam lakheah tüsho tha, “Asürang, shih ahihdo tsühang!”

HOSEA 13:16

Samarianü anihbe mülimkhi hanbah, tümütüsho anihbenü Atungpuh azhihdo; arü nukshangnü akeambah, arü tsührü aninibo adütre kamde khapthünakbah tüsho arü mihlakhi liberübo chakphukbah.

NAHUM 2:1

Nü azhihde ayanrü atua lah! Chipibo aheangang; limro kheahang; nü chimbo rümang; keochihpü thsakhamang.

NAHUM 3:10

Tütüshe anihbe rama lubah ramtso ching yü; anihbe khungarübo she kiudunglimro yean aban ching adütre kamde kingthünak; anihbe mükheahmudurü dünkheaknü azanbo thsü, tüsho anihbe torü alala wuhrünliubo yuk.