ISAIA 13:13 - AMÜSÜH HÜM CL Bible (BSI)

¹³ Jumonü Wuto Atungpuh müshakde abukakhiukkhi nimung ching inü thüningbo ajanshihbah, tüsho alomi ju ayappung kheaknü aniukshihbah.

ISAIA 13:13 Iomraidhean Croise

JOB HU H T ANYU 9:6

shepünü alomi adangpung chingnü niukcho tüsho dungjingbo ajancho;

MUNGSHIKHÜN 18:7

Judüki alomi niuk tüsho ajan; awung khimtanbo niuk tüsho ajan, tümütüsho api bukakhiuk.

MUNGSHIKHÜN 88:16

Nü mulong zhipzhip I kheak yükihdo; nü mihtrebe hode I dükheakshih.

ISAIA 2:19

Apinü alomi müzünpü asürüchoh, Atungpuh atrebe tüsho api wüntre-müretah chingnü tsokhide lungkhünbo tüsho alokhün ching yüzahbah.

ISAIA 21:1

Keto sunglo dünkheak müchityu. Negeb ching chitmühean yünkhi nangde, ha loshelo chingnü, atrebe lomi khülang chingnü arüchoh.

ISAIA 23:11

Api khah keto lim chungkihdo, apinü kiulongthsübo niukdo; Atungpuhnü Kanan dünkheak chipi thsümünimpü thiyukhüm jihdo.

ISAIA 24:1

Kheakü Atungpuhnü alomi akeangkeang lashihbah tüsho abahkhitshihbah, tüsho ami rhophülapbah tüsho ju ching larü hiumüzütbah.

ISAIA 24:18

Mihtrebe düsheak sobah sherü tsochonü shingkung ching keamyukbah; tüsho sherü shingkung chingnü künkhitchonü qimürip ching phuhbah. Tümüde thüning ayinripitbo khimshuhlah, tüsho alomi khimtan ajanchoh.

ISAIA 24:19

Alomi shahde thsümünimdo, alomi züngrüpabahdo, alomi thsümünimde niukdo.

ISAIA 34:4

Thüning kheak chiningbo alala niukrubah, tüsho thüningbo pheak nangde qiuabahbah. Chiningbo alala kurungaso yü yungsho khubaso aso nangde akeamkhibah.

ISAIA 47:1

Akiang tüsho asungthulung ching binang, atsangkhit tsührübe Babilon! Kiulongthsü-binkiu kheak yungde alo kheak binang, tsührübe Kaldea! Tümüde nü kheaküa athünak tüsho aliuhliuh de müji.

ISAIA 51:6

Nü mükbo thüning lim züngkihang tüsho abolim alomi kheak kheahang; tümüde mokhüh nangde thüningbo dükheakbah, khim khülang ruk alomi mürhütbah, tüsho ju ching larü somünakbo nangde ashebah; tüshe I akhümkhit lünnü alabah, tüsho I yo thiyuro-lungki küyimkishe mükheam.

ISAIA 9:19

Wuto A TU N GPU H bukakhiukkhi hode, alomi takkheah, tüsho mihtsürübo mokhih nangde kam. Khülangnü khülang maningshih.

JEREMIA 51:1

Atungpuhnü ha thachoh: Inü Babilon azhihde tüsho Lebqamai ching larü azhihde athsümünimbe apung rhumusupü lah;

TÜZHOKHI 1:12

Nüsa I tsahhorübo alala, nüsa ki tümü müla de? Mürüngang tüsho kheahang, mulong rozhakkhi khürü I nangde la shi, küpü I kheak hande arükhea, küpü Atungpuhnü api bukakhiuk nimung I thsümüchikhea.

JOEL 3:16

Atungpuhnü Zion chingnü arungchoh, tüsho Jirusalem chingnü api düsheak thsüchoh, tüsho thüningbo le alomi niukchoh. Tüshe Atungpuh ju api mihtsürü tsoyukpung, Israel mihtsürü thsungkheak amüküp chipi lah.

MATHI 24:29

“Jurü nimungbo ching thsümütsü-ato dunglim yanalünde ani mitingde akambah, tüsho khinunü ayin müjihde akambah; thüning chingnü chiningbo keamkhibah, tüsho thüning sühmühbo niukbah.

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

2 PETER 3:10

Tüshe Atungpuh nimung ju ahührü khülang nangde arübah. Judüki thüningbo arungde tsoabahbah; chiningbo atakkhinü niuabahbah, tüsho alomi le ju ching lakhi rhimobo aniuabahbah.

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.