ISAIA 12:4 - AMÜSÜH HÜM CL Bible (BSI)

⁴ Tüsho nünü ju nimung thabah: Atungpuh kilim makshe jihang. Api mung ching jiang; trükshih bolung api rhimobo mükheahshang; api mung shuhkihdo de zhiyukjang.

ISAIA 12:4 Iomraidhean Croise

1 KIUTHSÜYUKHEAN 16:8

O Atungpuh kilim makshe jihang, api mung jiang, mihtsürü bolung api rhimobo mükheahshang.

1 KIUTHSÜYUKHEAN 29:11

O Atungpuhnü ato, wu-sühmüh, müretahkhi, akukkhi, tüsho wüntremüretah; tümüde yinmi ching lakhi tüsho alomi kheak lakhi alala nü yo ah; kiulongthsü nü yo, O Atungpuh , tüsho nü alala kumung aku nangde shuhkih-a lah.

NEHEMIA 9:5

Tüshe Levirü, Jeshua, Kadmiel, Bani, Hashabneia, Sherebia, Hodia, Shebania tüsho Pethahia pürünü tha, “Zhipang tüsho Atungpuh nüsa Thrünpuh shiang, api akheam mülakhi lünnü lün shiang! Müngühmühi tüsho mungshikhi alala kurungkheak shuhkihkhi nü mung müretahkhi müngühmühi thsang!”

MUNGSHIKHÜN 105:1

O, Atungpuh ki makshe jihang! Api mung jiang; api rhimobo mihtsürü bolung mükheahshang.

MUNGSHIKHÜN 107:22

Arünü makshe jihde laksah-a kingaünkhi shuhmülanga jihshang, tüsho api rhimobo asühachihde khipkhitshang.

MUNGSHIKHÜN 113:5

Shepü ju achang kheak lakhi Atungpuh isa Thrünpuh nangde la,

MUNGSHIKHÜN 148:13

Arünü Atungpuh mung shishang, api müretah ju alomi tüsho thüning kumung lah.

MUNGSHIKHÜN 18:46

Atungpuh lah! I tsungdobuh shiang! I akhümkhit Thrünpuh shuhkihshang.

MUNGSHIKHÜN 21:13

O Atungpuh , nü sühmüh ching shuhkihang; isanü khün thsübah tüsho nü wu shijihbah.

MUNGSHIKHÜN 22:31

Müzübeyikhi mihtsürübo ki thabah: “Atungpuhnü api mihtsürü khümkhit.”

MUNGSHIKHÜN 34:3

I lung Atungpuh müretahshang, tüsho isa rukhühnü api mung shuhkihanü.

MUNGSHIKHÜN 40:5

Nünü isa thsungkheak ahihdo rhimojih, O Atungpuh isa Thrünpuh; nü nangde sheshe müla! Nünü isa thsungkheak amüyinsahbe lümkhibo ahihdo thsüjih. Inü jurü alala mükhekhuk– jurü khekhi hihdaklah!

MUNGSHIKHÜN 46:10

Zhikde laang, tüsho I Thrünpuh ah de mükheahang; trükshih bolung I shuhkihbah, alomi ching I shuhkihbah!

MUNGSHIKHÜN 57:5

O Thrünpuh, yinmibo kumung shuhkihang; nü müretahkhi alomi alala kumung lashang.

MUNGSHIKHÜN 68:5

Mürerü abuh tüsho khimoberü tsungdojihrü Thrünpuh ju api amüsüh lapung ching lah.

MUNGSHIKHÜN 73:28

Tüshe I thsungkheak a Thrünpuh thüninde ayüpü tsülah; inü Atungpuh T HRÜNPU H kheak kinlah, junangde inü nü rhimo alala khipkhitbah.

MUNGSHIKHÜN 9:11

Zion ching lakhi Atungpuh mung shikhi khün thsang! Mihtsürü bolung api rhimobo thaang!

MUNGSHIKHÜN 96:3

Trükshihbo lung api müretahkhi, mihtsürü alala bolung api amüyinsahbebo khipkhitang.

MUNGSHIKHÜN 97:9

Tümüde Atungpuh , nü alomi alala kurungkheak changlah; nü a thrünpuhbo alala kumung shuhkih-a lah.

ABEKHIT 15:2

Atungpuh ju I sühmüh tüsho I khün, tüsho api I khümkhitbuh kamdo; ha I Thrünpuh, tüsho inü api shibah, I buh pürü Thrünpuh, inü api shuhkihbah.

ABEKHIT 33:19

Tüsho apinü alo, “Inü nüsa müngüh I müretahkhi hoshihbah, tüsho inü nüsa müngüh Atungpuh mung zhiyukbah. Inü sherü kheak mihmüthsüm labanü mihmüthsüm labah, tüsho sherü kheak mihmuzho labanü mihmuzho labah.”

ISAIA 12:1

Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 2:11

Mük müzhingrü mihtsürü thokheambah, tüsho kükheangküyangrü aban aninibe kamshihbah; tüsho ju nimung ching Atungpuh lang ashuhkihbah.

ISAIA 2:17

Changdealümrü mihtsürü aninibe kamshihbah, tüsho mihbüm aban kükheangkhi thokheambah; tüsho ju nimung Atungpuh lang ashuhkihbah.

ISAIA 24:15

Jumonü aniakhiuklim Atungpuh ki müretah jihang; keto yean lomibo ching Atungpuh Israel Thrünpuh mung müretahshang.

ISAIA 25:1

O Atungpuh , nü I Thrünpuh ah; inü nü shuhkihbah, inü nü mung shibah; tümüde nünü adüsonü lüma zokhi thülünde tüsho tsükjide amüyinsahbe rhimodo.

ISAIA 26:8

Nü mahkhapkhi limro ching, O Atungpuh , isanü nü aleanglah; nü mung tüsho nü mungthu menü künde lah.

ISAIA 33:5

Atungpuh shuhkih-a lah, api achang kheak lah; apinü thiyuro tüsho thiyuro-lungkinü Zion mishihdo;

ISAIA 42:12

Arünü Atungpuh kilim müretahkhi jihshang, tüsho keyean lomibo ching api mungshi thashang.

ISAIA 48:20

Babilon chingnü wukhiukang, Kaldea chingnü tsoang, ha asühkhinü zhide thaang, zhiyukang, ha alomi akheam ching yüshang; thaang, “Atungpuhnü api yamlarü Jakob rhokhitdo!”

ISAIA 66:19

tüsho inü arü bolung amütsan khülang zobah. Arü bolungnü inü trükshihbo ching arhang larü yüshihbah, Tarshish lim, Put, tüsho Lud–sanglüh kiprü– Tubal tüsho Javan lim, I mungthu tüsho I müretah müngükhi limshu keyean lomibo ching; tüsho arünü trükshih bolung I müretahkhi khipkhitbah.

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

JOHAN 17:26

Inü arü ki nü mung khipkhitdo, tüsho ju khipkhitbah, junangde nünü I muzhokhi amuzho arü kheak labah tüsho I arü kheak labah.”