ISAIA 12:1 - AMÜSÜH HÜM CL Bible (BSI)

¹ Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 12:1 Iomraidhean Croise

NEHEMIA 8:10

Kheakü thüyam lim yüang tüsho aniojiang. Nüsanü tsühyungpü musuhdahrü ki chamachihang. Khihni ha isa Atungpuh kilim amüsüh ah, jumonü mulong dütukthsü. Asühpü Atungpuh nü ajihkhi hode nüsa reangzahshihbah.”

JOB HU H T ANYU 11:16

Nünü nü küpkhuk mihabahbah; nünü ju ke bukde atsokhi nangdü lang alümkhitbah.

JOB HU H T ANYU 13:16

Api ju I akhümkhit labah, tümüde rükthsürükheanrünü Api miki marü.

MUNGSHIKHÜN 30:5

Tümüde api bukakhiukkhi anükhüh kheak lang lachoh, tüshe api tsüyihkhi rhangdung amuyung lachoh; atripkhi ju tsüngre khülang thsungkheak lapü kuklah, tüshe yapsu asühachihkhi arüchoh.

MUNGSHIKHÜN 71:21

Nünü I tokhi rünkihshihbah, tüsho I mulong shukheamlobah.

MUNGSHIKHÜN 85:4

Isa laloshang, O isa akhümkhit Thrünpuh, tüsho isa kilim nü bukakhiukkhi kheamshang.

MUNGSHIKHÜN 86:17

I ki atsü thsungkheak amütsan khülang huhang, junangde sherünü I thraneanchonü ju ngübah tüsho achihbah, tümütüsho Atungpuh , nünü I rung tüsho I mulong shukheamjih.

MUNGSHIKHÜN 9:1

Inü I mulong athrünkhinü Atungpuh kilim makshe jihbah; inü amüyinsahbe rhimobo alala thabah.

ISAIA 10:25

Tümüde anükhüh kheaknü nüsa azhihde I mulong zhipzhipkhi arün thsübah tüsho arü thsümünimpü I bukakhiukbah.

ISAIA 10:4

Nüsa keochih ching laksahbah yungsho aramrü nangde thobah ayübah. Ha alala thsungkheak api bukakhiukkhi rholode mutso; api khah kheakü khiungde chungkih-a lah.

ISAIA 11:16

junangde Asiria chingnü limto khülang api mihtsürü aningkhi thsungkheak, Israelrü Ijip lomi chingnü atuchoki lakhi nangde alabah.

ISAIA 14:3

Küyimki nüsa thsünü le thsümüchi tüsho nüsa rhimo amüküp tankihpü chingnü Atungpuhnü nüsa sühakhimshihbanü,

ISAIA 2:11

Mük müzhingrü mihtsürü thokheambah, tüsho kükheangküyangrü aban aninibe kamshihbah; tüsho ju nimung ching Atungpuh lang ashuhkihbah.

ISAIA 25:1

O Atungpuh , nü I Thrünpuh ah; inü nü shuhkihbah, inü nü mung shibah; tümüde nünü adüsonü lüma zokhi thülünde tüsho tsükjide amüyinsahbe rhimodo.

ISAIA 25:9

Ju nimung thabah, Kheangang, ha isa Thrünpuh ah; isa khümkhitshihpü thsüde isanü api aleangkheah. Ha isanü aleangkhi Atungpuh lah; isanü api akhümkhit ching asühanü tüsho asühachihanü.

ISAIA 26:1

Ju nimung ha khün Juda lomi ching thsübah: Isa kiuto amüküp lah; apinü rhü tüsho chipi tsunglochoh.

ISAIA 35:10

Tüsho Atungpuh zuzu alodarübah tüsho khün thsüde Zion lim arübah; akheam mülakhi asühachihkhi arü ku kheak labah; arünü asühpü tüsho asühara ngübah, tüsho mulong rozhak tüsho sheak-dükip tsoabahbah.

ISAIA 49:13

Asühachihpü khün thsang, O thüningbo, tüsho khide asühang, O alomi; O awungbo, khün thsüde alankhitang! Tümüde Atungpuhnü api mihtsürü shukheamdo, tüsho api mihtsürü thsünürü kheak mihmüthsüm labah.

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

ISAIA 54:7

Kim anükhüh thsungkheak inü nü bahyuk, tüshe amuzhokhi atonü inü nü bea lubah.

ISAIA 54:8

Kim khülang thsungkheak bukakhiukkhinü I miro nü kheaknü jik tüshe akheam mülakhi amuzhonü inü nü kheak amuzho labah, Atungpuh , nü Rhokhitbuhnü thachoh.

ISAIA 54:9

Ha I ki Noa nimungbo nangde lah: Inü thiyuchihchimkhi nangde Noa kebo küyimkishe alomi kheak müyü, junangde nü kheak bukmakhiuk tüsho nü müthürüh de inü thiyuchihchim.

ISAIA 60:10

Khiungkerübonü nü chipibo thsüjihbah, tüsho arü kiulongthsürübonü nü tankihbah; tümüde I bukakhiukkhi ching inü nü kingmülün, tüshe I mung chingnü nü kheak I amüthsüm lakheah.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

ISAIA 64:5

Asühde alungki rhimorü nü limrobo ching nü lümkhitrü nünü shoruchoh. Tüshe nü bukakhiukde alakheah, tüsho isanü neak yihbeak; hanangde isanü mutuklode rhimosho, küde thsah isa khümkhitba?

ISAIA 65:18

Tüshe inü athrünkhi ching lünnü asühbah tüsho asühachihbah; tümüde inü Jirusalem ju asühkhi thrünpü thsüchoh, tüsho ha mihtsürü asühpü labah.

ISAIA 66:13

Berünü tsührü shukheamkhi nangde, inü nüsa shukheambah; Jirusalem ching nüsa mulong shukheambah.

JEREMIA 30:19

Jurü chingnü makshe jihkhi arübah tüsho asühachihrü düsheak sobah. Inü arübo hihde akamshihbah tüsho arü nükde müla; inü arü müretahde kamshihbah tüsho arü khenoa müla.

JEREMIA 31:13

Judüki anünürübonü asühde atsünbah, tüsho athrününgtsüng le azobuhrünü asüharabah. Inü arü tüzhokhi asühpü kamshihbah, inü arü shukheambah tüsho mulong rozhak thsungkheak arü ki asühpü jihbah.

HOSEA 11:8

Küde thsah inü nü dükhepü, Ephraim? Küde thsah inü nü bahyukpü O Israel? Küde thsah inü nü Adma nangde kamshihpü? Küde thsah inü nü Zeboiim kheak nangde arhimopü? I mulong alunglim müthrido; nü thsungkheaknü I muzho todaklah.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

ZEKARIA 1:16

Jumonü Atungpuhnü ha thachoh, Inü muzhode Jirusalem kilim rholodo, I yam ju ching thsübah, Wuto Atungpuhnü thachoh, tüsho kiuto thsülobah.

ZEKARIA 14:20

Ju nimung khora yinchibo kheak dokih-a labah, “Atungpuh Amüsüh thsang.” Tüsho Atungpuh yam ching dükihthüra phühbo ju kingaün sadam miki amüsüh phurusükbo nangde amüsüh labah;

ZEKARIA 14:9

Tüsho Atungpuh ju lomi alala kurungkheak kiulongthsüpuh kambah; ju nimung Atungpuh khülang tüsho api mung khülang labah.

ZEKARIA 8:11

Tüshe kheaküa inü ha mihtsürü aningkhi ki adüso nimungbo nangde mürhimo, Wuto Atungpuhnü thachoh.

ZEKARIA 8:19

Wuto Atungpuhnü ha thachoh: Khinu phüyi ching khümkeakkhi, phüngü ching khümkeakkhi, thüne ching khümkeakkhi, tüsho thürüpü ching khümkeakkhi ju asühachih tüsho asühara akheahmünchibo, tüsho Juda yamkhün thsungkheak asühkhi thüniobo labah: jumonü thiyuro tüsho mungtsü muzhoang.

ROMRÜ KILIM PAULNÜ ATHRÜTKHI KIHÜM HUHTANYU 11:15

Arü bahyukkhi ju alomi tsüarihkhi a sho, arü leangkhikhi ju a ashe chingnü rhangdung laba shi?