ISAIA 11:4 - AMÜSÜH HÜM CL Bible (BSI)

⁴ tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 11:4 Iomraidhean Croise

2 SAMUEL 8:15

Jumonü Israel alala kurungkheak Davidnü kiulongthsü; tüsho Davidnü thiyuro tüsho alungkinü api mihtsürü alala ki rhimo.

JOB HU H T ANYU 15:30

Api amiting chingnü mutsokhi; motrunü api dübitbo yüngkungbah, tüsho api mün sheaknü api yünde atsobah.

JOB HU H T ANYU 4:9

Thrünpuh sheak hode arü dükheakchoh, tüsho api bukakhiukkhi hode arü muyuabah.

MUNGSHIKHÜN 110:2

Atungpuhnü Zion chingnü nü sühmüh tso yüshihbah. Nü riribo phulung yakzan shuhang!

MUNGSHIKHÜN 18:8

Anupung chingnü mokhüh, tüsho amün chingnü motru le mokhihbo yükih.

MUNGSHIKHÜN 2:9

Nünü arübo yinchi tsonü yurijihbah, tüsho alophüh nangde adütre kamshihbah.”

MUNGSHIKHÜN 76:10

Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

ISAIA 1:17

atsü rhimopü anikhitang; thiyuro yimang, junoa larü bekhitang, mürerü tsungloang, khimoberü thsungkheak mushujang.

ISAIA 13:11

Amütsü-rhimo dünkheak inü alomiküp thsümüchibah, tüsho amülim dünkheak mihbukmuyuk thsümüchibah; inü kükheangküyangrü bukakhiukkhi akheam thsüshihbah, tüsho mihmukhiuh kükheangkhi keamkhishihbah.

ISAIA 14:30

Zhochihrü bolung zhochih traktrakrü yimtsühpü ngübah, tüsho küpkhukrü atsokhitkhi ching yapbah; tüshe inü nü ying akhümnü asheshihbah, tüsho nü kheaknü aningkhi inü alaksahbah.

ISAIA 16:5

judüki kiulongthsübinkiu khülang mihmuzho ching David khimyam ching thsakhambah, tüsho ju kheak athülünkhi yakzanshuhrü khülang thiyuro lungki yimrü tüsho alungki rhimopü niokheamrü binbah.

ISAIA 2:4

Apinü trükshihbo dükeak mahkhapbah, tüsho mihtsürü ahihdo thsungkheak khikzhakjihbah; arünü arü nukshangbonü thuwuh kingbah, tüsho arü thsühbonü arhebe nukjipbo kingbah; trükshihnü trükshih azhihde nukshang mushuhkih, yungsho arünü kheaküa thirithsüpü mümükheahde akambah.

ISAIA 26:6

Jingnü judodo, junoa larü jingnü, zhochihrü jingdükünü.

ISAIA 29:19

Azhihayihrünü Atungpuh kheak asühachihkhi rünkihbah, tüsho küpkhukrü mihtsürünü Israel Amüsühbuh Khülang kheak asühkhi labah.

ISAIA 3:14

Atungpuhnü azothsürü tüsho api mihtsürü yakzanshuhrü ki mahkhappü ching yüzahchoh: Nüsanü kurungasolu thsümünima bahkheah; zhochihrü thsümüchipü nüsa yambo ching lah.

ISAIA 30:28

api sheak thsükhi ju ketokhi ayung nangde hung khiunglah–athsümünimbe yikeangnü trükshihbo ayipü, tüsho mihtsürü münjak ching arü bephülappü münrhükbe lah.

ISAIA 30:31

Atungpuh tsonü ashikchoki, api düsheaknü Asiriarü ajanbah.

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

ISAIA 32:1

Kheahang, kiulongthsürü khülangnü thiyuro-lungki ching kiulongthsübah, tüsho yakzanshuhrübonü thiyuro ching yakzan shuhbah.

ISAIA 32:7

Amütsü mihtsürü lümkhi amütsübo ju rhimo amütsü lah; küpkhukrünü amushuchoki alungki lachoki thsüthsü she arünü akeangyubo thade zhochihrü thsümünimpü lümkhi thsüchoh,

ISAIA 33:22

Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

ISAIA 40:7

Küyimki ju kheak Atungpuh sheaknü amütbanü, sangrung yiuhchoh, sangbün keamkhichoh; tsükjide mihtsürübo a sangrung ah.

ISAIA 49:2

Apinü I mün nukshang ayuk nangde kamshih, api khah alamme ching I jika zo; apinü I ananshahshah hühzo khülang kamshih, api hühzopung ching I jika zo.

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

JEREMIA 33:15

Ju nimungbo tüsho ju kim ching inü David thsungkheak thiyuro-lungki sangkhah akhiukshihbah; tüsho apinü lomi ching thiyuro tüsho thiyuro-lungki rhimobah.

JEREMIA 5:28

arübo wu tüsho lakhit lah. Arünü mihbukmuyuk rhimobo ching mahiung; akuk ngüshihpü thsüde arünü thiyuronü mürerü mahmükhap, tüsho müthsümülarü alim mutsungdojih.

HOSEA 6:5

Jumonü inü arübo wukihrübo hode lipshaka bahshih, I yubo hode inü arü laksah, tüsho I mahkhapkhi tsün nangde mikhuh yüchoh.

ZEPHANIA 2:3

Atungpuh yimang, nüsa lomi ching azhihayihrü alala, sherünü api yukhümbo rhimocho; thiyuro-lungki yimang, azhihayih yimang; khükijua Atungpuh bukakhiuk nimung nü tsokhitbah.

MALAKI 4:6

Apinü bebuhrü mulongbo arü tsührübo kilim rholoshihbah, jude yungsho I arübah tüsho ju muthrumüneannü lomi shikbah.

MATHI 11:5

Müktukrünü ngüchoh tüsho jingkikrünü tsahchoh; apham kihrü müsühkhitdo tüsho nükhünpeangrünü sochoh; asherü arhang kamloshihdo tüsho zhochihrü ki thiyusheak atsü thsangyudo.

MATHI 5:5

Tsüyihrübo asühpü, tümüde arünü alomi yamrüplurüp lubah.

YUNIRÜBO RHIMO 9:1

Tüshe Saulnü judü lang Atungpuh jingyanrübo thsümüchide laksahde alakheah. Apinü achangbe amükeambuh ki yü

2 KORINT 10:1

I Paulnü, Khrista amuzho tüsho azhihayih hode nüsa ki mushuchoh–nüsa ki a I azhihayihdo, tüshe nüsa kheaknü atrütsho müküplah!

GALATIA 5:23

azhihayih, nihbuh danyukkhi; hadürü azhihdüa yakzan müla.

2 TESALONIKA 2:8

Judüki mihbukmuyuk ju amikheak akhiukbah, tüshe küyimki Atungpuh Jisu arübanü, api mün sheaknü anihbuh laksahbah tüsho api müretahde arükhinü anihbuh dükheakshihbah.

TITA 3:2

she dün amütsü masukpü, mungtsü tüsho müyamrü thsüpü tüsho alala ki thiyuro azhihayih huhpü arü ki lümkhitshang.

JAKOB 3:13

Nüsa bolung shepü lümlung tüsho anikhitkhi la? Api rhangdung atsü hode azhihayih lümlung chingnü api rhimobo huhshang.

AMIKHEAKAKHIUKKHI 1:16

api khah tsülim apinü chining thüne shuh, amün chingnü nukshang khülang khülim khülim ahüyuk akhiuk, tüsho api miro ju ani müzhakde athsahkhi nangde alakheah.

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.

AMIKHEAKAKHIUKKHI 19:15

Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh.

AMIKHEAKAKHIUKKHI 2:16

Jumonü mulong müthriang. Jude yungsho, I nü kilim arübah tüsho I mün chingnü akhiukkhi nukshangnü arü azhihde thirithsübah.