ISAIA 11:2 - AMÜSÜH HÜM CL Bible (BSI)

² Atungpuh me api kheak labah, lümlung tüsho anikhitkhi me, lümthiyan tüsho Wuto me, mükheahmudu tüsho Atungpuh wüntrekhi me.

ISAIA 11:2 Iomraidhean Croise

2 SAMUEL 23:3

Israel Thrünpuhnü asukdo, Israel Lungtonü I ki thado: Shepünü mihtsürü kurungkheak thiyuronü yakzan shuhchonü, Thrünpuh wüntrekhi chingnü yakzan shuhchonü,

MUNGSHIKHÜN 72:2

Apinü nü mihtsürü thiyuro-lungkirü, tüsho zhochihrübo ki alungkinü mahkhapbah.

ABEKHIT 28:3

Inü lümlung jihkhi athsüso mihtsürübo ki api tsangkhitde Aron khimmihbo thsüjihpü thaang, junangde apinü I ki amükeamrü thsüde tankihbah.

ISAIA 28:6

tüsho mahkhap ching binbuh kilim thiyuro me khülang, tüsho chipiripit ki keochih khamlorü kilim sühmüh labah.

ISAIA 32:15

achang kheaknü me khülang isa kheak mudungkihyi khiungde tüsho sunglo ju aso-asokhi lu mükamyi khiungde, tüsho alo atsü lu murung nangde mükamyi khiungde alabah.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 48:16

I ki phünide arang, ha aniang! Atankih chingnü inü ramde masuk, ha dünjipü lachoki I lakheah. Tüsho kheakü Atungpuh Thrünpuhnü api me bede I thiyikheah.

ISAIA 59:21

Tüsho I thsungkheak a, ha arü ki inü tangzüngkhi lah, Atungpuhnü thachoh: nü kheak lakhi I me, tüsho inü nü mün ching yukjihkhi I yubo nü mün chingnü, yungsho nüsa tsührübo mün chingnü, yungsho nüsa tsührü tsührübo mün chingnü kheakünü ründe tüsho lünnü müchamachih, Atungpuhnü thachoh.

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

ZEKARIA 4:6

Apinü I ki tha, “Ha Zerubbabel ki Atungpuh yu lah: ‘ Sühmühnü yung yungsho wunü yung, tüshe me hode lah,’ Wuto Atungpuhnü thachoh.

MATHI 3:16

Küyimki Jisu baptikhea, apinü ke chingnü nahde akhiuk; tüsho kheahang, api kilim yinmibo khimshuh, tüsho Thrünpuh Me müthrithrümpü nangde api kheak aki keamde apinü ngü.

JOHAN 14:17

ju thiyuro Me. Alominü api müleangkhikhuk, müngü yungsho api mümükheah; tüshe nüsanü api mükheahlah, tümüde api nüsa lung lah tüsho nüsa kheak labah.

JOHAN 15:26

“Tüshe küyimki I Buh kilimnü inü nüsa kilim thiyipü lakhi arungrü arüba, Abuh kilimnü arükhi thiyuro Menü I dünkheak khipkhitbah.

JOHAN 16:13

Judüalalashe, küyimki thiyuro Me arübanü apinü nüsa thiyuro alala ching bebah; tümüde apinü nihbuh thiyukhümsühmühnü mütha, tüshe tümüpürü apinü asobanü athabah; tüsho adünjipü lakhi apinü nüsa ki thabah.

JOHAN 3:34

Tümüde shepü Thrünpuhnü athiyikheanü Thrünpuh yubo asukchoh, tümütüsho Thrünpuhnü me ju adünbah müjihchoh.

YUNIRÜBO RHIMO 10:38

Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

YUZÜNGTHALO 34:9

Kheakü Nun tsührü Jihusua lümlung menü mithülamde lakheah, tümüde Mosanü akhah api kheak nimkih; jumonü Israel tsührübonü api yu ani, tüsho Atungpuhnü Mosa ki thiyukhüm jihkhi nangde rhimo.

2 TIMOTHI 1:7

tümüde Thrünpuhnü isa kilim trechihtrean me jihkhi yung tüshe wu, amuzho tüsho zangrü danyukkhi me ah.

AMIKHEAKAKHIUKKHI 1:4

Johan kilimnü, Asia ching lakhi borü thüne kilim: Shepü la tüsho shepü lakhea tüsho shepü arüpü la, tüsho api kiulongthsü-binkiu miki lakhi me thüne kilimnü nüsa kilim amüthsüm tüsho mungtsü laang,