ISAIA 11:14 - AMÜSÜH HÜM CL Bible (BSI)

¹⁴ Tüshe anenü aniyüzahlim Filistiarü düthsün kheak phinde yükibah, anenü thsürubah aniakhiuklim mihtsürü yankhia lubah. Anenü ane khah Edom tüsho Moab azhihde achungbah, tüsho Amonrünü arü ki mihyu anibah.

ISAIA 11:14 Iomraidhean Croise

ISAIA 14:29

Nüsa shikkhi tso zhakmonü dasühachih, nüsa Filistiarü alala, tümüde phuruto ying chingnü lokung phuruto akhiukbah, tüsho ju asokhinü aphinkhi amüzhak phuruto labah.

ISAIA 15:1

Moab thsungkheaknü müchityu khülang. Tümütüsho Moab ching Ar tsüngrekhühnü thsümünima lah; tümütüsho Moab ching Kir tsüngrekhühnü thsümünima lah.

ISAIA 16:14

Tüshe kheakü Atungpuhnü thachoh, Muloa-rhimoshihrü kambo nangde kam mahsam dükeak chingnü mih hihde lalashe Moab müretahkhi ju abahyukkhi kambah; tüsho sherü aninga labanü khide anükbah tüsho arü reangmüzahde alabah.

ISAIA 25:10

Tümüde Atungpuh khah ha wung kheak keambah. Moabrü ju arü lapung ching khih-shingkung ching müneang junakkhi nangde ajunakbah.

ISAIA 33:1

Nü are, O athsümünimrü, nü müthsümünimyi! Nü are, O thsungyukjihrü, nü muthsungyukyi! Küyimki nünü athsümünimpü tuklobanü, nü thsümünimbah; küyimki nünü athsungyukpü tuklobanü, nü thsungyukbah.

ISAIA 59:19

Jumonü aniyüzahlim Atungpuh mung trebah, tüsho aniakhiuklimrünü api müretahkhi trebah; tümüde ke bukkhi nangde api arübah, junangde Atungpuh pung yünbah.

ISAIA 60:14

Nü junorü tsühsoniusobonü nü ki mükhümde arübah, tüsho nü mükhemükimrü alala nü jing ki khukningde arübah; arünü nü ki Israel Amüsüh Thrünpuh yo Zion, Atungpuh kiuto de ajibah.

ISAIA 63:1

“ Edom ching lakhi Bozra chingnü rung-khiungkhi khim yihbah arücho ju shepü a? Müretahkhinü züt thsübah, wu ato chingnü arücho ju shepü a?” “Ha I, thiyuro-lungki ching asukchoh, akhümkhitpü wu lah.”

ISAIA 9:12

Siriarü aniakhiuklim tüsho Filistiarü aniyüzahlim, Israel muyupü arü mün kaa lah. Ha alala thsungkheaknü api bukakhiukkhi rholode mutso; api khah kheakü khiungde chungkhih-a lah.

JEREMIA 40:11

Junangde, küyimki Babilon kiulongthsüpuhnü Juda ching aninga lashihkhi tüsho arü kurungkheak Shaphan tsührü Ahikam tsührü Gedalia kovünor mokhitkhi Moab ching, Amonrü lung, Edom ching tüsho püpü lomibo ching larü Jihudarübo alalanü asokhea,

JEREMIA 48:40

Tümüde Atungpuhnü ha thachoh: Kheahang, api müleang nangde phinkhibah, tüsho Moab azhihde aghidükeangbo chutreakbah;

JEREMIA 49:2

Jumonü, tsükjide kim arüchoh, Atungpuhnü thachoh, küyimki inü Amonrü yo Rabba azhihde keochih düsheak arhunganimba; ha azhikkhi wungduduh kambah tüsho kiulongbo monü atakbah; judüki Israelnü api yankhita bahrü yankhitbah, Atungpuhnü thachoh.

JEREMIA 49:22

Kheahang, müleang nangde apinü müheankihbah tüsho phinkhibah, tüsho Bozra azhihde api ghidükeang chutreakbah, tüsho ju nimung Edom thirithsürübo ju aliberü khungarü ngüpü thsünükhi nangde alabah.

JEREMIA 49:28

Babilon kiulongthsüpuh Nebukednezarnü akukkhi Kedar tüsho Hazor kiulongthsübo dünkheak Atungpuhnü ha thachoh: Asürang, tüsho Kedar yanang; tüsho Aniakhiuklim mihtsürü dükheakshang!

EZEKIEL 25:14

I mihtsürü Israel khah hode inü Edom kheak royimkhi labah; tüsho I bukakhiukkhi tüsho I mulong zhipzhip yande arünü Edom ching rhimobah; tüsho arünü I royimkhi ngübah, Atungpuh Thrünpuhnü thachoh.

DANIEL 11:41

Apinü akheah atsü lomi ching yüzahbah, tüsho chithürü thürü laksahbah, tüshe Edom le Moab tüsho Amon limberübo api wu chingnü atsokhitbah.

JOEL 3:19

Juda mihtsürü ki arü lomi ching arünü amülim-mülarü thiyih bukde amütsü rhimokhi hode Ijip ju azhikkhi kambah tüsho Edom a abahkhi sunglo kambah.

AMOS 9:12

junangde arünü Edom aningkhi tüsho I mung tamde ajikhi trükshihbo alala kuka lubah, ha rhimobuh Atungpuhnü thachoh.

HABAKKUK 1:8

Arü khorabo ju sangtsung kheaknü athribe, are tsahbe rimre kheaknü alü amüshakbe; arü khorabonü khuchoh. Arü khoraberübo limshu chingnü arüchoh; arünü müleang phinkhi nangde shih tsühpü yungde akichoh.

ZEPHANIA 2:5

Ah, keyean larübo, nü Kerethrü trükshih! Atungpuh yunü nü azhihde lah, O Kanan, Filistia lomi; inü sheshe maningshihde nü dükheakshihbah.

ZEPHANIA 2:7

Kemungyean ju Juda yamkhün aningkhi yamalo thsüde, ju kheak arünü mihnu boto yimkipbah, tüsho Ashkelon yambo ching arünü azhing ching yapbah. Tümüde Atungpuh arü Thrünpuhnü arü kümbah tüsho arü kuhibo jihlobah.

ZEPHANIA 2:9

Jumonü Wuto Atungpuh Israel Thrünpuhnü thachoh, I lale, Moab ju Sodom nangde tüsho Amonrü ju Gomorra nangde ayangbo tüsho thimi khün lakhi lomi kambah, tüsho lünnü thsümünima labah. I mihtsürü aningkhinü arü yankhia lubah tüsho I trükshih rhangdung larünü arü müküh-a lubah.

WÜHKHE 24:17

Inü api ngüchoh, tüshe kheakü yung; inü api kheahchoh, tüshe müphüni– Jakob kheaknü chining khülang akhiukbah; shoto tso khülang Israel bolungnü asürübah; apinü Moab aredungbo zünakbah tüsho Seth tsührübo alala keamshihbah.

MATHI 8:11

Tüsho aniakhiuklim le aniyüzahlimnü ahihdo arübah yinmi kiulongthsü ching Abraham, Isak, tüsho Jakob ki binbah de inü nüsa ki thachoh.

MAHKHAPRÜ 6:3

Küyimki Israelrü mükheande alakhea, Midiarü le Amalekrü tüsho aniakhiuklim mihtsürünü atubah arü yan;