ISAIA 11:12 - AMÜSÜH HÜM CL Bible (BSI)

¹² Apinü trükshihbo thsungkheak amütsan riphin khülang shuhkihbah, tüsho müzüta lakhi Israel tüsho hiumüzüta lakhi Juda alomi mühit phüyi chingnü bemukhungbah.

ISAIA 11:12 Iomraidhean Croise

MUNGSHIKHÜN 107:3

tüsho lomibo chingnü bemukhung, aniakhiuklim tüsho aniyüzahlimnü, dukulim tüsho düjinglimnü.

MUNGSHIKHÜN 147:2

Atungpuhnü Jirusalem laloshihchoh; apinü Israel ramtsorü bemukhungchoh.

MUNGSHIKHÜN 60:4

Nünü nü trerü kilim riphin jih, junangde athsümünimpü chingnü arü tsokhipü lakheah.

MUNGSHIKHÜN 68:22

Atungpuh nü tha, “Inü arübo Bashan chingnü belode arübah, inü arübo keto asükbo chingnü belode arübah,

ISAIA 11:10

Ju nimung Jesse ying kheaknü mihtsürübo kilim amütsan khülang nangde alabah; trükshihbonü api ki shomukhungbah, tüsho api lapung müretahde alabah.

ISAIA 18:3

Nüsa alomiküp ching larü alala, nüsa sherü alomi kheak lacho, küyimki amütsan riphin khülang awungbo kheak shuhkihbanü, kheahang! Küyimki hulipungpung mütbanü, aniang!

ISAIA 24:16

Alomi akheam chingnü isanü mungshikhünbo, Thiyuro-labuh Khülang müretahkhi shikhün isanü sochoh. Tüshe inü thachoh, I mülatsan, I mülatsan, I are! Mülapmüjirünü mülapmüjichoh, atsütsü mülapmüjirünü khide mülapmüjide rhimodo.

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

ISAIA 43:6

Inü dukulim thabah, “Tsoshang,” tüsho düjinglim, “Dütholo; I tsührübo limshu chingnü tüsho I tsührübebo alomi akheam chingnü bedarang–

ISAIA 49:22

Atungpuh Thrünpuhnü ha thachoh: “ Inü nahde trükshihbo ki I khah shuhkihbah, tüsho mihtsürü ki I yo riphin thokihbah; tüsho arünü nü tsührübo arü khüh kheaknü handarübah, tüsho nü tsührübebo arü dubuh kheaknü ashuhbah.

ISAIA 49:5

Tüsho kheakü Atungpuhnü thachoh, shepünü api yamlarü thsüpü nuyam ching I lashihkhea, api kilim Jakob belodarüpü, tüsho Israel api ki mukhungpü, tümüde Atungpuh miki I müretahkhi lah, tüsho I Thrünpuh ju I sühmüh kamdo–

ISAIA 54:7

Kim anükhüh thsungkheak inü nü bahyuk, tüshe amuzhokhi atonü inü nü bea lubah.

ISAIA 56:8

Atungpuh Thrünpuhnü ha thachoh, shepünü yankhita lakhi Israelrü bemukhungcho, inü bemukhunga larü lung püpürü bedarübah.

ISAIA 59:19

Jumonü aniyüzahlim Atungpuh mung trebah, tüsho aniakhiuklimrünü api müretahkhi trebah; tümüde ke bukkhi nangde api arübah, junangde Atungpuh pung yünbah.

ISAIA 60:4

Nü mükbo züngkihang tüsho mükamde kheahang; arü alala rukhüh mukhungchoh, arübo nü kilim arüchoh; nü tsührübo limshu chingnü arübah, tüsho nü tsührübebo arü mütrürü bin kheak shuhbah.

ISAIA 62:10

Hode yüang, chipiripitbo hode yüang, mihtsürübo thsungkheak limro thsakhamang; zünang, limtobo zünang, lungbo moa bahang, mihtsürübo kurungkheak amütsan shuhkihang.

ISAIA 66:19

tüsho inü arü bolung amütsan khülang zobah. Arü bolungnü inü trükshihbo ching arhang larü yüshihbah, Tarshish lim, Put, tüsho Lud–sanglüh kiprü– Tubal tüsho Javan lim, I mungthu tüsho I müretah müngükhi limshu keyean lomibo ching; tüsho arünü trükshih bolung I müretahkhi khipkhitbah.

JEREMIA 23:3

Inü I mihtsürübo aningkhi lomibo ching yanmüzütkhi bemukhungbah, tüsho arübo nihbuh lapung lomi ching bedarübah, tüsho arübo tsührü labah tüsho wüh jabah.

JEREMIA 30:17

Tümüde inü nü shihphü tsüloshihbah, tüsho nü mübo inü athsüngubah, Atungpuhnü thachoh, tümütüsho arünü nüsa ki ayankhitkhi de jido: “Ha Zion; shenü anihbe thsungkheak mükümchoh!”

JEREMIA 50:4

Atungpuhnü thachoh, ju nimung ching, ju kim ching, Israel mihtsürü tüsho Juda mihtsürü rukhüh arübah; arünü Atungpuh arü Thrünpuh yimde tripde arübah.

JEREMIA 51:12

Babilon chipi yeande riphin khülang shuhkihang; akheahrü düküngshang; ajimrü thsakhamang; tümüde Atungpuhnü Babilon ching larü dünkheak tümü asukdünü lümkhi thsüdo tüsho rhimodo.

EZEKIEL 28:25

Atungpuh Thrünpuhnü ha thachoh: Küyimki inü arü hiumüzütpung mihtsürü bolungnü Israel yamkhün bemukhungba, tüsho trükshihbo miki I amüsüh arü kheak akhiukba, judüki inü I yamlarü Jakob kilim jihkhi arü nihbuh lo kheak arünü alabah.

HOSEA 1:11

Juda mihtsürü tüsho Israel mihtsürü rukhüh mukhungbah, tüsho arünü arü thsungkheak limberü khülang mokhitbah; tüsho arünü alo müküh-a lubah, tümüde Jezreel nimung ju ato labah.

HOSEA 2:2

Nü be ki thürühang, thürühang, tümüde anihbe I niube yung tüsho I aniubuh yung. Anihbenü müzammüramkhi tüsho beyapkhi tukloshang.

ZEPHANIA 3:10

Ethiopia ayungbo hode alakhi chingnü, I kingaünrübo inü hiumüzütshihrünü I kilim kingaün hande arübah.

ZEKARIA 10:6

Inü Juda yamkhün düküngde akamshihbah, tüsho Josep yamkhün inü khümkhitbah. Inü arü belode arübah, tümütüsho arü kheak I muzhokhi lah, tüsho arü ju inü mübahyukkhi nangde alabah; tümüde I ju Atungpuh arü Thrünpuh tüsho inü arü ki alojihbah.

ZEKARIA 8:7

Wuto Atungpuhnü ha thachoh: Inü I mihtsürübo aniakhiuklim tüsho aniyüzahlim lomibo chingnü akhümkhitbah;

JOHAN 7:35

Judüki Jihudarübonü arü bolung thaachih, “Api küching yüpü lümkhi isanü api müngüpü? Api ju isa mihtsürü lapung Greekrü lung yübah Greek thsangyupü lümla shi?

YUZÜNGTHALO 32:26

Inü hade thakhülaa, Inü arü ashang ching hiumüzütshihbah, inü arü mihtsürü bolungnü alümkhitpü arün thsüshihbah,

JAKOB 1:1

Thrünpuh tüsho Atungpuh Jisu khrista tankihrü Jakob kilimnü, Hiumüzüta lakhi trük thürükheak mahne kilim: Salüm.

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,

AMIKHEAKAKHIUKKHI 7:1

Ha dunglim yunirü phüyi apungnü alomi yungsho keto yungsho sangdung kheak müyünshihpü alomi pungbo tholobah alomi mühit phüyi kheak zhipde inü ngü.