ISAIA 10:5 - AMÜSÜH HÜM CL Bible (BSI)

⁵ Are, Asiria, I bukakhiukkhi tso–arü khah ching lakhi shitso ju I mulong zhipzhipkhi!

ISAIA 10:5 Iomraidhean Croise

THRÜNTAN 10:11

Ju lomi chingnü api Asiria ching yü tüsho Nineve, Rehoboth-Ir, Kala thsü,

2 KIULONG THSÜRÜ 18:25

Kheaküshe, inü Atungpuh mübede ha dangpung azhihde atubah ju thsümünimkhea de? Atungpuhnü I ki tha, Ha lomi azhihde wutuang tüsho ju thsümünimang.”

2 KIULONG THSÜRÜ 19:25

Müngühlimnü inü lümkihdo de nünü muso de? Awün nimungbo chingnü inü lüm, kheakü tümü inü hande arücho, junangde nünü chipi ayünkhi kiutobo müneanmuru mujung kamshihdo.

MUNGSHIKHÜN 125:3

Tümüde mihbukmuyuk tso thiyuro-lungkirü khilim akhukhi lomi kheak mükeam, jude yungsho thiyuro-lungkirünü amülim kheak arü khahnü aqiubah.

MUNGSHIKHÜN 17:14

O, Atungpuh , hadürü mihtsürü ha rhangdung ching shihcham larü, jika lakhi nü lakhitnü bukthsüshihkhi khah chingnü I khümkhitang. Arü tsührübo kheak arü reangkeamchoh, tüsho arünü arü tsührübo khilim lakhit thsakhama zochoh.

ISAIA 10:15

Awünü alangzü achebuh kumung yükihba de, yungsho sangrhütbenü arhütbuh azhihde kükheangba de? Shitso khülangnü mihtsürü khülang mushuhkih; mihtsürü khülangnü shitso shuhkihchoh!

ISAIA 10:25

Tümüde anükhüh kheaknü nüsa azhihde I mulong zhipzhipkhi arün thsübah tüsho arü thsümünimpü I bukakhiukbah.

ISAIA 13:5

Arübo limshu lomi chingnü arüchoh, thüningbo akheam chingnü, A TU N GPU H bukakhiukkhi thsühnukbonü lomi athrünkhi thsümünimpü lah.

ISAIA 14:24

Wuto Atungpuhnü thiyuchihchimdo: Inü alümkhi nangde, junangde alabah; tüsho inü alümkihkhi nangde, ju adünjibah:

ISAIA 14:25

Inü Asiriarü I lomi chingnü dükheakshihbah, tüsho I yo awung kheak müphü khüp api jungbah; api sangkaplak, tüsho api hahmülang arü dubuh kheaknü lahkhia bahbah.

ISAIA 23:13

Kaldearü lomi kheahang! Ha mihtsürü kheakü mükheyukde lah; ha Asiriarünü mütüm shiwühbo khilim akhukheah. Arünü ayanpü aheangpungbo thsüa zhipshih, arünü anihbe kiulongthsürü-yambo thokheam, arünü anihbe athsümünimkhi kamshih.

ISAIA 26:20

Arang, I mihtsürü, nü yo khiungshak ching yüzahang, tüsho nü dunglim ripitbo rihang; bukakhiukkhi muhoyi khiungde anükhühkheak nü jikang.

ISAIA 29:2

Tütüshe inü Ariel lümthsünü jihbah, tüsho ju ching mitripkhi tüsho atüzhokhi labah, tüsho alibe ju I ki Ariel nangde alabah.

ISAIA 30:27

Kheahang, Atungpuh mung, limshu chingnü, api bukakhiukde, tüsho mokhüh kheahde liukihde arüchoh; api münküp bukakhiuknü milah, tüsho api mulo aniuabahbe mo nangde lah;

ISAIA 30:30

Tüsho Atungpuhnü api wüntre-müretah düsheak soshihbah tüsho api khah akikhi ngübah; bukakhiukde, aniuabahbe motru, amo-shokhi, chinthrüm tüsho aru belah.

ISAIA 30:9

Tümüde arübo azhihrü mihtsürü, akin mülakhi tsührübo, Atungpuhnü thsangdankhi manipü lakhi tsührübo;

ISAIA 34:2

Tümüde trükshih alala azhihde Atungpuh bukakhiukchoh, tüsho arü bonungrü alala azhihde mulong zhipzhipchoh; apinü arü shahde dükheakshihdo, apinü arü alaksahpü shuh-a jihdo.

ISAIA 66:14

Nüsanü angübah tüsho nüsa mulong asühbah; nüsa robo rimkiu nangde shih kihbah; tüsho Atungpuh khah api yamlarübo kheak lah de mükheahbah, tüsho abukakhiukkhi api riribo azhihde lah.

ISAIA 7:17

Asiria kiulongthsüpuh Ephraim, Juda chingnü chamachihkhi nimungnü ründe marükhi hadürü nimungbo nü tüsho nü mihtsürü tüsho nüsa jipürü yamkhün kheak Atungpuhnü handarübah.”

ISAIA 7:20

Ju nimung Atungpuhnü nüsa kuyü, jingnam tüsho nüsa mükhühnam she ahütshihpü ke thripkhühnü kuyüliuh– Asiria kiulongthsüpuh– muloa handarübah.

ISAIA 8:4

tümüde khungarünü “Abuh” yungsho “Aba” de ajipü mümükheahyide Damaska lakhit tüsho Samaria ching yankhikhi kukrukbo Asiria kiulongthsüpuhnü lude atsobah.

ISAIA 8:7

jumonü ju azhihde Atungpuhnü Ayung Keking ato, Asiria kiulongthsüpuh tüsho api müretahkhi alala lude atuchoh; keru alala kumung yükihbah tüsho ayung alala bukmibah;

EZEKIEL 22:31

Jumonü inü arü kheak I mulong zhipzhip dungkihkheah; arü rhimo dünkheak I bukakhiukkhi monü inü arü thsümünimbah; Atungpuh Thrünpuhnü thachoh.

EZEKIEL 7:10

Israel thsungkheak thsümütsü nimung arüchoh. Laksahachihkhi alü kamchoh, kükheangküyang kumung lim lah.

DANIEL 11:36

“ Kiulongthsüpuhnü anihbuh lümkhi rhimobah. Apinü aküdah thsüde anihbuh shuhkihbah tüsho thrünpuh kheaknü atobe lümbah, tüsho thrünpuhbo bolung Thrünpuh azhihde mükhemükimyu thabah. Bukakhiuk kim muhoyi khiungde api kukzamde alabah, tümütüsho tümü lümkihlanü arhimopü tsütsü.

NAHUM 1:1

Nineve dünkheak müchityu. Elkoshrü Nahum michih hüm.

HABAKKUK 1:12

Nü adüsonü lah yung de, O Atungpuh I Thrünpuh, I yo Amüsüh Khülang? Nü müshe. O Atungpuh , mahkhapshihpü nünü arü mokhit; tüsho O Lung, nünü thsünüshihpü arü lashih.

ZEPHANIA 2:13

Tüsho dukulim azhihde api khah chungkihbah, tüsho Asiria thsümünimbah; tüsho apinü Nineve ju azhikkhi, loshelo nangde abahkhi akung kamshihbah.

WÜHKHE 24:24

Sangkungbo Kittim chingnü arübah; arünü Asshurrü tüsho Eber junobah tüshe arü she adükheakbah.”