ISAIA 10:34 - AMÜSÜH HÜM CL Bible (BSI)

³⁴ Apinü murung akheah ju awünü akiukheambah, tüsho Lebanon atsüdak sangdungbo she akeambah.

ISAIA 10:34 Iomraidhean Croise

MUNGSHIKHÜN 103:20

Nüsa api yunirübo, sherü sühmüh hodakla, sherünü api yukhüm anicho, sherünü apinü athakhi anicho, Atungpuh shiang.

ISAIA 10:18

Api müretahkhi murung tüsho sangaso lo Atungpuhnü me tüsho pang ane chido thsümünimbah, tüsho ju ashebe tukthsünü mihtsürü thsümünimkhi nangde alabah.

ISAIA 2:13

Lebanon cedarbo alala, changdealümrü tüsho shuhkih-a lakhi azhihde; tüsho Bashan thülamsang alala azhihde;

ISAIA 31:8

Judüki Asiria ju nukshangnü alungbah, mihtsürü nuknü yung; tüsho mihtsürü nukshangnü yungde api muyubah; api nukshang kheaknü atsobah, tüsho api mihtsürü athunubo azhorü kambah.

ISAIA 33:9

Alonü mitripchoh tüsho thsünüde lah; Lebanon achihdo tüsho yiuhabahchoh; Sharon ju loshelo nangde lah; tüsho Bashan le Karmel kheak sangyübo aniungkhichoh.

ISAIA 37:24

Nü yamlarübo hode nünü I Atungpuh keangrüdo, tüsho nünü tha, ‘ I yo khora-lolungbe ahihdo bebah inü awung achangbo kheak, Lebanon wung achangbe khiungde yükihdo; inü cedar ashangbe, amokhitkhi saipress sangbo kiushakdo; inü achangdakkhi, murungto ching arü.

ISAIA 37:36

Judüki Atungpuh yunirü tsahmusu tüsho Asiriarü binkheampung ching 185,000 laksah; küyimki ayinkhikhea, arübo alala ashemibo lakheah.

JEREMIA 22:7

Inü nü azhihde thsümünimrü, arü alala thsühnuk shuhbahle tsanglungbah; arünü nü yo amokhitkhi cedarbo kiushakbah tüsho mo ching jipyukbah.

JEREMIA 48:2

Moab shikhi kheaküa müla. Heshbon ching arünü anihbe azhihde amütsü lümkhi thsüdo: “Arang, isanü anihbe trükshih lakhi chingnü dükheakshihanü!” O Madmen kiuto, nü she zhikrangkhündo akambah; nukshangnü nü yande müshambah.

EZEKIEL 31:3

Asiria lümakheahang, Lebanon cedar khülang, akhahbo atsü tüsho alamdokhi murung, tüsho tode amo khiungde achangkhi.

DANIEL 4:23

Küyimki kiulongthsüpuhnü kheahde lakheanü, yinmi chingnü yunirü khülang aki tüsho tha, ‘ Sangdung kiushakang tüsho thsümünimang, tüshe ame tüsho ayingbo yinchi tüsho müwayinchinü hingbah rimkiu bolung alo ching yapshang; tüsho ayinkenü api pangshang, tüsho api ju ching shiwüh bolung kam thüne lashang’—

NAHUM 1:12

Atungpuhnü ha thachoh, “Arübo sühmüh lakhi tüsho hih-a lalashe, arü athsümünimbah tüsho adükheakbah. Inü nü thsümüchia lalashe, inü kheaküa nü müthsümüchi.

2 TESALONIKA 1:7

tüsho thsünüde alarü nüsa le isa kilim sühakhim jihbah. Ha yinmi chingnü api yo wulakhi yunirübo lungnü mo trude Atungpuh Jisu amikheak akhiukchoki dünjibah.

2 PETER 2:11

tüshe yunirübo sühmüh tüsho wu atobe lalashe, Atungpuh miki arü azhihde amütsü masukchoh.

AMIKHEAKAKHIUKKHI 10:1

Judüki inü püpü wuto yunirü amo ching hingbah, aku kheak mürechin kihde thüning chingnü akide ngü, tüsho amiro ju ani nangde, tüsho ajingbo ju mo dungtobo nangde alakheah.

AMIKHEAKAKHIUKKHI 18:21

Judüki wuto yunirünü hizübelung ato nangde lung khülang shuh-a lu tüsho keto ching jipa bahde tha, “Hanangde ato kiuto Babilon thsümünimde jipkhia bahbah, tüsho küyimkishe müngülo;