ISAIA 10:29 - AMÜSÜH HÜM CL Bible (BSI)

²⁹ arübo alakshak-limro hode yüdo, Geba ching arü tsüngrekhüh thsungkheak binkheamlah; Rama ajanchoh, Saul yo Gibea tsodo.

ISAIA 10:29 Iomraidhean Croise

1 KIULONG THSÜRÜ 15:23

Kheakü Asa rhimo aningkhi alala, api wu-sühmüh, apinü arhimokhi alala, tüsho apinü athsükhi kiutobo Juda kiulongthsürübo yukhean hüm ching thrüta müla de? Tüshe api ashinbuhrü kamchoki ajing ching tukthsü lakheah.

JEREMIA 31:15

Atungpuhnü ha thachoh: Rama ching düsheak khülang, atüzhokhi tüsho düsüknimde atripkhi sochoh. Rachelnü anihbe tsührü thsungkheak tripchoh; alibenü anihbe tsührübo thsungkheak shukheamkhi thsunglochoh, tümütüsho kheaküa arü müla.

HOSEA 10:9

Gibea nimungbo chingnü nünü neak yihbeakdo, O Israel; ju ching arünü mutuklode la. Gibea ching amütsü-rhimorü thirithsünü akukkhi yung de?

HOSEA 5:8

Gibea ching shihjuh mütang, Rama ching hulipungpung mütang. Beth-aven ching arhunganim düsheak thsang; nü dunglim mürüngang, Benjamin!

HOSEA 9:9

Arünü Gibea nimungbo ching nangde arü zangrü sükde thsümünimdo; apinü arü amülim-rhimobo lümkhitbah, apinü arü neakbo dün thsümüchibah.

JIHUSUA 21:17

Benjamin trük chingnü rimlopungbo bebah ajihkhi: Gibeon, Geba,

1 SAMUEL 10:26

Saul she api yam lim Gibea ching yü, tüsho api lung Thrünpuhnü mulong qiukhi adüküng bonungrübo yü.

1 SAMUEL 11:4

Küyimki yunithsürübo Saul lapung Gibea ching arükhea, arünü mihtsürübonü sode amütsan yusheak thaa huh; tüsho mihtsürü alala achangnü trip.

1 SAMUEL 13:16

Saul, atsührü Jonathan, tüsho ane lung lakhi mihtsürübo Benjamin ching lakhi Gibea ching la; tüshe Filistiarü Mikmash ching binkheam.

1 SAMUEL 13:2

Israel bolung ching Saulnü 3000 mokhit; 2000 ju Mikmash tüsho Bethel awung lomi ching Saul lung lakheah, tüsho 1000 ju Benjamin lomi Gibea ching Jonathan lung lakheah; aningkhi mihtsürübo apinü nihbuh khimyambo ching thiyia yüshih.

1 SAMUEL 13:23

Kheakü Filistia thirithsürü boto khülang Mikmash wung limro zhipdopü yü.

1 SAMUEL 14:2

Saul a Migron ching tsarümkiu sang bukkhüp Gibea ki lakheah; api lung bonungrü 600 ngüm lakheah,

1 SAMUEL 14:4

Ahungnim dükeak Jonathannü Filistia thirithsürü boto lim wutupü mürangkhi lim ju thripkhüh lungku khülang tüsho püpü thrip lungku khülang de alakheah; khülang mung Bozez, tüsho püpü mung Sene.

1 SAMUEL 14:5

Lungku khülang Mikmash miki dukulim tüsho püpü Geba miki düjinglim abina lakheah.

1 SAMUEL 15:34

Judüki Samuel ju Rama ching yü; tüsho Saul a nihbuh yam lim Gibea ching yü.

1 SAMUEL 7:17

Tüsho apinü Rama lim alode arü, tümüde ju ching api yam lakheah; apinü ju ching she Israel kheak mahkhap, tüsho Atungpuh kilim kingaün sadam thsü.