ISAIA 10:26 - AMÜSÜH HÜM CL Bible (BSI)

²⁶ Wuto Atungpuhnü Oreb Lungto kheak Midiarü shikkhi nangde arü azhihde rhaptso shuhkihbah; api shitso keto mikheak labah, tüsho Ijip ching rhimokhi nangde apinü ashuhkihbah.

ISAIA 10:26 Iomraidhean Croise

2 KIULONG THSÜRÜ 19:35

Ju tsüngrenü Atungpuh yunirü tsahmusu tüsho Asiria binpung ching 1,85,000 kinga lungshih; küyimki yapsu kamkhea, arü alala ashemi lakheah.

MUNGSHIKHÜN 35:23

Kurhangang, tüsho I tsungdopü asürang! I thsungkheak mürangjang I Thrünpuh tüsho Atungpuh .

MUNGSHIKHÜN 83:11

Nünü Oreb le Zeeb, Zeba tüsho Zalmunna kheak rhimokhi nangde arü limberü ki rhimoang,

ABEKHIT 14:16

Tüshe nü tso shuhkihang, tüsho keto kumung nü khah chungkihang tüsho ju azüshang, junangde Israelrünü akung lo kheaknü kero phulung hobah.

ISAIA 10:24

Jumonü Wuto Atungpuhnü ha thachoh: O Zion ching lakhi I mihtsürü, Ijiprünü arhimokhi nangde Asiriarünü nüsa tsonü alakkhi tüsho nüsa azhihde shitso shuhkihkhi dütre.

ISAIA 11:16

junangde Asiria chingnü limto khülang api mihtsürü aningkhi thsungkheak, Israelrü Ijip lomi chingnü atuchoki lakhi nangde alabah.

ISAIA 30:30

Tüsho Atungpuhnü api wüntre-müretah düsheak soshihbah tüsho api khah akikhi ngübah; bukakhiukde, aniuabahbe motru, amo-shokhi, chinthrüm tüsho aru belah.

ISAIA 30:31

Atungpuh tsonü ashikchoki, api düsheaknü Asiriarü ajanbah.

ISAIA 30:32

Tüsho Atungpuhnü arü kheak shitsonü ashik abande züpzüppü tüsho bingkhungbo düsheak labah; api bin hitde arü kheak keochihbah.

ISAIA 9:3

Nünü trükshih wüh bushih, nünü asühpü alü kamshih; yimluchoki asühkhi nangde arünü nü miki asühachihchoh, mihtsürübonü ayankhikhi kukruk chamchoki asühkhi nangde lah.

ISAIA 9:4

Tümüde arü nolokhi sangkaplak tüsho arü dubuh ajapkhi sangdüdam, arü junokhi tso, Midiarü kukkhi nimung nangde nünü yihshak.

AMIKHEAKAKHIUKKHI 11:18

Trükshihbonü bukakhiuk tüsho nü mulong zhipzhip, asherü mahkhappü kim arü, tüsho nü tankihrübo, wukihrübo tüsho amüsührü, nü mung trerü, anini tüsho ato chido thsambah jihpü, tüsho alomi thsümünimrü dükheakshihpü lah.”

AMIKHEAKAKHIUKKHI 19:15

Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh.

MAHKHAPRÜ 7:25

Tüsho arünü Midia limberü mahne Oreb tüsho Zeeb lu; arünü Midiarü yanchoki, Oreb lungto kheaknü Oreb laksah, tüsho Zeeb yukhu-nitpung kheaknü Zeeb laksah; tüsho arünü Oreb le Zeeb kubo Jordan hode Gideon kilim lubah arü.