ISAIA 10:24 - AMÜSÜH HÜM CL Bible (BSI)

²⁴ Jumonü Wuto Atungpuhnü ha thachoh: O Zion ching lakhi I mihtsürü, Ijiprünü arhimokhi nangde Asiriarünü nüsa tsonü alakkhi tüsho nüsa azhihde shitso shuhkihkhi dütre.

ISAIA 10:24 Iomraidhean Croise

2 KIULONG THSÜRÜ 19:6

Isaianü arü ki tha, “Nüsa putungrü ki thaang, ‘Atungpuhnü ha thachoh: Nünü asokhi Asiria kiulongthsüpuhnü I mükhemürangde athakhi yu dünkheaknü dütre.

ABEKHIT 14:9

Ijiprü alala, Pharao khorabo le khora-lolungbe, tüsho khoraberü le api bonungrü alalanü arü Pi-hahiroth ki keto ching, Baalzephon müngüh binkheamchoki müshamde yünü yanphuh.

ABEKHIT 5:14

Tüsho azhorü limberübonü mokhitkhi Israelrü torübo kheak lakde keokhi, “Tümü thsükhi nüsanü müngühlim nangde yini tüsho khihni lotaklung müthsükhit le?”

ISAIA 10:5

Are, Asiria, I bukakhiukkhi tso–arü khah ching lakhi shitso ju I mulong zhipzhipkhi!

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 14:29

Nüsa shikkhi tso zhakmonü dasühachih, nüsa Filistiarü alala, tümüde phuruto ying chingnü lokung phuruto akhiukbah, tüsho ju asokhinü aphinkhi amüzhak phuruto labah.

ISAIA 27:7

Anihbe shikrü apinü ashikkhi nangde apinü anihbe shikdo de? Yungsho anihbe laksahrü laksahkhi nangde anihbe laksahdo de?

ISAIA 30:19

Atsütsü, O Zion ching mihtsürübo, Jirusalem ching larübo, nüsa kheaküa mütrip. Nüsanü azhikhi düsheak ching apinü tsükjide nüsa ki müthsümbah; küyimki apinü asoba, apinü nüsa ki alobah.

ISAIA 30:32

Tüsho Atungpuhnü arü kheak shitsonü ashik abande züpzüppü tüsho bingkhungbo düsheak labah; api bin hitde arü kheak keochihbah.

ISAIA 35:4

Mulong ajande alarü ki thaang, “ Reangzahang, dütre! Ha ching nüsa Thrünpuh lah. Apinü atrebe thsüde athrihlopü royimjihpü arübah. Api arübah tüsho nüsa khümkhitbah.”

ISAIA 37:22

Atungpuhnü api dünkheak asukkhi yu ha lah: Atsangkhit Zion tsührübenü nü mükhemürangchoh, anihbenü nü luhmünechoh; nü dunglim Jirusalem tsührübenü ku lukchoh.

ISAIA 37:6

Isaia nü arü ki tha, “ Nüsa putungrü ki thaang, Atungpuhnü ha thachoh: Nünü asokhi Asiria kiulongthsüpuh yamlarübonü I luhmünekhi yubo dünkheaknü tre.

ISAIA 4:3

Sherübo Zion ching tukloa la tüsho Jirusalem ching rhangdung thsungkheak thrütyukbah lanü amüsüh de ajibah.

ISAIA 46:13

Inü abekhitpü phünide handarüchoh, limshude yung, tüsho I akhümkhit mülakma; inü Zion ching akhümkhit yukbah, Israel thsungkheak müretahkhi labah.

ISAIA 51:13

Nünü nü Thrünrü, thüningbo jashihkhi tüsho alomi khimtanbuh Atungpuh mihdo. Nü mutuklode nimungroro ajunorü bukakhiukkhi hode trechoh, shepü athsümünimpü mükhüma la. Tüshe ajunorü bukakhiukkhi kükheak la?

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

ISAIA 7:4

tüsho api ki thaang, Aniang, zhikde laang, dütre, tüsho Rezin le Siria tüsho Remalia tsührü müküpde bukakhiukkhi, ha mozhuh aniukheamkhi mahne dünkheaknü nü mulong düjaniu.

ISAIA 9:4

Tümüde arü nolokhi sangkaplak tüsho arü dubuh ajapkhi sangdüdam, arü junokhi tso, Midiarü kukkhi nimung nangde nünü yihshak.

MIKA 5:5

tüsho api ju mungtsü khülang labah. Mürangkhüh Asiriarü isa lomi ching azahsho tüsho isa lo kheak jungsho, isanü isa limberü sühmüh larü arü bede keochihshihpü yüshihbah.