ISAIA 10:14 - AMÜSÜH HÜM CL Bible (BSI)

¹⁴ I khahnü mihtsürübo lakhit wuhnu sap nangde ngükhitdo; tüsho khürünü abahyukkhi wuhnuke momukhungkhi nangde, inü alomi alala momukhung; tüsho shenü she aghi maphap, yungsho mün müka, yungsho mukhung.”

ISAIA 10:14 Iomraidhean Croise

2 KIUTHSÜYUKHEAN 32:13

I tüsho I jirüpürünü püpürü lomi mihtsürübo ki tümü rhimokheanü nüsanü mümükheah de? Jurü lomi trükshih thrünpuhbonü arü mihtsürü I khah chingnü bekhitkhukkhea de?

JOB HU H T ANYU 31:25

I lakhit tokhi yungsho I khah mikhi hode inü asüh-a lasho;

MÜCHITMUDU 18:12

Athsümünimpü müngüh mihtsürü mulong kükheangkhi lah, tüshe wüntrepü müngüh azhihayih lah.

ISAIA 14:6

küpünü bukakhiukkhi ching mutuklode mihtsürübo shika lungshihkhea, küpünü bukakhiukkhi ching trükshihbo yakzan shuhde mihmuzho mülakhi thsümüchikhea.

ISAIA 37:25

Inü kekhipbo kiu tüsho ke yungkheah, I jinglungnü Ijip kenü alala kungabahshih.’

ISAIA 5:8

Nüsa shepünü thüyam kheaknü thüyam müchinkihcho, shepünü thulu kheaknü thulu lukihchonü are, she thsungkheak she khiungshak mülakhi khiungde tüshe nü lang, tüsho nü alomi bolung ching nü langzü lapü aninga lah!

JEREMIA 49:16

Nünü bukmükekhi tüsho nü mulong kükheangkhinü nü mülapyukdo, nü shepü lungkubo ching lacho, shepü awung achang ramrihla. Nünü müleang nangde changde sap shushu she, ju chingnü inü nü thokhibah, Atungpuhnü thachoh.

EZEKIEL 35:13

Tüsho nünü I azhihde nü münnü nü küdah thsüde kükheanga lu, tüsho I azhihde nü yubo alü kamshih; inü ju sodo.

OBADIA 1:4

Nünü müleang nangde phinkihkih she, nü sap chining bolung lalashe, inü nü ju chingnü thokhibah, Atungpuhnü thachoh.

NAHUM 2:9

“Shotoyinchi luang, suna luang! Ju ching lakhit akheam müthsü! Shoto kukruk lüpdükhi suhdahlah!”