ISAIA 10:13 - AMÜSÜH HÜM CL Bible (BSI)

¹³ Tümüde apinü tha: “ I khah sühmüh tüsho I lümlungnü inü ha rhimodo, tümüde I anikhitkhi lah; inü mihtsürübo yo aredungbo lahakhindo, tüsho rahpungbo ludo; moshipung nangde inü kiulongthsübinkiu kheak binrü thokhido.

ISAIA 10:13 Iomraidhean Croise

2 KIULONG THSÜRÜ 15:29

Israel kiulongthsüpuh Peka nimungbo ching, Asiria kiulongthsüpuh Tiglath-pileser atu tüsho Ijon, Abel-beth-naaka, Janoa, Kedesh, Hazor, Gilead, tüsho Galilee, Naphtali lomi alala yan; tüsho apinü mihtsürübo rama lubah Asiria ching yü.

2 KIULONG THSÜRÜ 16:8

Ahaznü Atungpuh yam le kiulongthsüpuh rahpung-yam ching lakhi shotoyinchi tüsho suna she lu, tüsho Asiria kiulongthsüpuh kilim thsambah khülang mühah.

2 KIULONG THSÜRÜ 17:24

Asiria kiulongthsüpuhnü mihtsürübo Babilon, Kutha, Avva, Hamath, tüsho Sepharvaim chingnü bede arü, tüsho Israel müthri Samaria ching arübo lashih; arünü Samaria yamalo lu, tüsho kiutobo ching la.

2 KIULONG THSÜRÜ 17:6

Hoshea kam tukupü ching Asiria kiulongthsüpuhnü Samaria yankhit; apinü Israelrü bebah Asiria ching yü. Apinü arübo Hala, Gozan ching lakhi Habor ayung, tüsho Midia kiutobo ching binshih.

2 KIULONG THSÜRÜ 18:11

Asiria kiulongthsüpuhnü Israelrü bede yünü Hala ching, Habor kheak, Gozan ayungbo, tüsho Midia kiutobo ching lashih,

2 KIULONG THSÜRÜ 18:15

Hezekianü Atungpuh yam tüsho kiulongthsüpuh rahpungyam ching lakhi shotoyinchi alala api kilim jih.

2 KIULONG THSÜRÜ 18:32

I arübahle nüsa nihbuh lomi nangde alakhi, hi tüsho yukhu lomi, yikhap tüsho kurungasolu lomi, oliv müdangke tüsho mukhuke lomi ching bebah müyüyi khiungde, junangde nüsa labah tüsho müshe. Hezekianü nüsa bemüchihde ha thakhi dani, “Atungpuhnü isa bekhitbah.”

1 KIUTHSÜYUKHEAN 5:26

Jumonü Israel Thrünpuhnü Asiria kiulongthsüpuh me (Tiglath-pileser) thurumusujih, tüsho apinü Reubenrü, Gadrü, tüsho Manase trük chamkhüh Hala, Habor, Hara, tüsho Gozan ayung ching hande yünü kamruhroro laabahshih.

MÜCHITMUDU 28:11

Alarü mihtsürünü kamruhroro arü alarü ah de lümchoh, tüshe zhochih mihtsürü shepü anikhitkhi lanü atsübe mükheahlah.

ISAIA 10:8

Tümüde apinü tha: “ I yo limthorübo alala kiulongthsürü yung de?

ISAIA 5:21

Nüsa shepü nihbuh küdah lümlung lah tüsho rükri lah de lümchonü are!

JEREMIA 46:8

Nile nangde Ijip asürüchoh, ayungbo ke nangde abükchoh. Ha tha, I asürüanü, inü alomi zhipdoanü, inü kiutobo tüsho ju ching larübo thsümünimanü.

JEREMIA 48:14

“ Isa athrungrübo tüsho amüzhak thirithsürübo ah” de küde thsah nüsanü thakhukpü?

EZEKIEL 25:3

Amonrü ki thaang, Atungpuh T H RÜ NPU H yu aniang: Atungpuh Thrünpuhnü ha thachoh, Tümütüsho I arüngyam müneana lachoki, tüsho Israel lomi thsümünima lachoki, tüsho Juda yamkhün ramtso ching yüchoki nüsanü “Aha!” de tha;

EZEKIEL 26:2

Mihtsürü tsührü, tümütüsho Tairnü Jirusalem dünkheak mutukzhakde tha, “Aha, mihtsürübo chipiripitlimro thsümünima lah; ha I ki khimshuhmülih-a lah; kheakü thsümünima lakhi inü athsülobah.”

EZEKIEL 29:3

asukang, tüsho thaang, Atungpuh Thrünpuhnü ha thachoh: Inü nü azhihde lah, Ijip kiulongthsüpuh Pharao, shiwüh ato ayung phulung lakhinü thachoh, “ Nile ju I yo; ha I thsungkheak inü thsü.”

EZEKIEL 35:13

Tüsho nünü I azhihde nü münnü nü küdah thsüde kükheanga lu, tüsho I azhihde nü yubo alü kamshih; inü ju sodo.

DANIEL 4:27

Jumonü, O kiulongthsüpuh, inü athakhi yanang. Neak yihbeakpü tukloang, tümü alim lanü rhimoang, tüsho zhochihrü ki müthsümang. Junangde nü lalim tsüde alabah.”

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”

AMOS 5:27

jumonü inü nüsa Damaska hode ramtso ching bede ayübah, Wuto mung lakhi Thrünpuh, Atungpuhnü thachoh.

AMOS 6:13

Nüsa sherü Lodebar kukkhi ching asühachihcho, sherünü tha, “ Isanü isa sühmühnü Karnaim lukhi yung de?”

HABAKKUK 1:11

Junangde arünü apung nangde phütchoh; arünü lakmihchoh tüsho amülim kamchoh; arü nihbuh sühmüh ju lang arü thrünpuh ah!

HABAKKUK 1:16

Jumonü apinü anihbuh yo keang ki laksah-a kingaünchoh tüsho keang-qiuqiu ki api kingaünbo jihchoh; tümüde jurü hode api müthangmüsün ching lachoh, tüsho api tsühyungpü lakhit lah.

HABAKKUK 2:6

Hadürü mihtsürü ki mihbüm abannü mükhemükimde arü ki keangrüde müthaba de, “Shepünü ahühkhi kukruk tüsho jangkhijangrakhinü nihbuh alarü kamchonü ayokhe!” Hanü külokhüh yüba?

YUZÜNGTHALO 8:17

Jumonü nüsanü nihbuh wu tüsho sühmüh hode lakhit ngüdo de küyimkishe mülümbeah.

MAHKHAPRÜ 7:2

Atungpuhnü Gideon ki tha, “I thsungkheaknü Midiarü arü khah ching jihpü thsüde nü mihtsürü khide hihlah. Junangde anihbe sühmühnü api khümkhitkheah de Israelnü I azhihde mükükheang,