ISAIA 1:7 - AMÜSÜH HÜM CL Bible (BSI)

⁷ Nüsa lomi zhikrangkhündo lah, nüsa kiutobo monü taka lah; nüsa mikinü khiungkerünü nüsa lo thsümünimdo; khiungkerünü lahyuka bahkhinü zhikrangkhündo lah.

ISAIA 1:7 Iomraidhean Croise

2 KIUTHSÜYUKHEAN 28:5

Jumonü Atungpuh api Thrünpuhnü anihbuh Siria kiulongthsüpuh khah ching jih, apinü anihbuh kuk tüsho api mihtsürü ahihdo rama lubah Damaska ching arü. Api ju Israel kiulongthsüpuh khah ching she jih, apinü ahihdo laksahde api kuk.

MUNGSHIKHÜN 107:34

aso asokhi lo ju akukruk lo kamshih, ju ching larü mihbukmuyukkhi hode alakheah.

MUNGSHIKHÜN 107:39

Küyimki arü junokhi, thsünükhi tüsho mulong rozhakkhi hode nungzüde tüsho abobe kamkhea,

MUNGSHIKHÜN 109:11

Shozüngrünü api lakhi alala lushang, tüsho hanrünü api rhimokhi yankhia lushang.

ISAIA 1:8

Tüsho Zion tsührübe lang kurungasolu ching yün nangde, liuheak lu ching yünshim nangde, azündokhi kiuto nangde aninga lah.

ISAIA 3:8

Tümüde Jirusalem jing mükhedo tüsho Juda angakdo, tümütüsho arü yu thakhi tüsho arü rhimobonü Atungpuh azhihkhi lah, api müretahkhi arün thsüshihdo.

ISAIA 34:9

Tüsho Edom yungzübo ju shingkung kambah, tüsho anihbe lo kelülülung kambah; anihbe lo motakkhi shingkung kambah.

ISAIA 49:19

Tsükjide nü yo athsümünimkhi tüsho zhikrangkhündo alakhi dangpungbo, tüsho abahkhitkhi nü lomi tsükjide kheakü lapü larü thsungkheak mathsangde alabah, tüsho nü muyurübo limshude alabah.

ISAIA 5:17

Judüki namfimihnunubo arü yimtsühpung ching nangde yimtsühbah, amüdangkhi tüsho anunubo athsümünimkhi bolung yimkipbah.

ISAIA 5:9

Wuto Atungpuhnü inü sode thiyuchihchim: Tsükjide thüyam ahihdo zhikabahbah; thüyam atoto tüsho akheahakham mihtsürü mülade akambah.

ISAIA 6:11

Judüki inü tha, “ Külokhüh, O Atungpuh ?” Tüsho apinü tha, “ Kiutobo she mülade thsümünima lakhi tüsho thüyambo mihtsürü mülade, lomi shahde azhikkhi khiungde;

ISAIA 60:15

Nü bahyuka tüsho thraneana shenü mütsahhode lalashe, inü nü lünnü wüntre-müretah kamshihbah, lün alala ching asühachihshihbah.

ISAIA 62:8

Atungpuhnü api khah tsülim tüsho Wuto khahnü thiyuchihchimdo: Inü kheaküa nü hi nüsa riri jim thsüpü müjih, tüsho nü khisahkhi chingnü khiungkerünü yukhu muyung;

ISAIA 64:10

Nü amüsüh kiutobo sunglo kamdo, Zion ju sunglo kamdo, Jirusalem zhikrangkhündo lah.

ISAIA 9:18

Tümüde mihbukmuyuknü mo nangde takchoh, khingphu tüsho ayangbo aniuabahchoh; hanü murung achak takkihchoh, tüsho mokhüh nangde yükihchoh.

ISAIA 9:5

Tümüde thirithsürü jingkhümpübo tüsho thiyih kihkhi khimmihbo alala mokhih nangde atakbah.

JEREMIA 2:15

Kekhüzübonü api azhihde arung, arünü achangnü arung. Arünü api lo abahkhi kamshih; api kiutobo mihtsürü mülade thsümünima lah.

JEREMIA 4:7

Kekhüzü khülang ajikpung achak chingnü wukhiukdo, trükshih thsümünimrü tsahmusudo; api nihbuh lapung chingnü nü lo thsümünimpü wukhiukdo; nüsa kiutobo sheshe mülade athsümünimbah.

JEREMIA 44:6

Jumonü Juda kiutobo tüsho Jirusalem kiudunglimrobo ching I bukakhiukkhi dungkih tüsho trushih; tüsho jurübo athsümünim tüsho zhikrangkhündo kamabah, jurübo khihni khiungde lah.

JEREMIA 6:8

Kurhangang, O Jirusalem, jude yungsho I nü kheaknü atsobah, tüsho nü ju azhikkhi, mihtsürü mülapung lomi kamshihbah.

JEREMIA 7:34

Tüsho inü asühachih tüsho asühara düsheak, yamkhün kamkhi thünio düsheak, Juda kiutobo tüsho Jirusalem kiudunglimrobo ching akheam thsüshihbah; tümüde alo thsümünimbah.

TÜZHOKHI 5:2

Isa yamrüplurüp mihsorü kilim tsodo, isa yambo khiungkerü kilim tsodo.

EZEKIEL 25:4

jumonü inü nüsa aniakhiuklim mihtsürü kilim yamalo thsüpü jihchoh. Arünü nüsa bolung binkheampung thsübah tüsho nüsa phulung ching arü khimyambo thsübah; arünü nüsa sangaso tsühbah, tüsho arünü nüsa niuhke yungbah.

EZEKIEL 30:12

Inü ayungbo kungshihbah tüsho lomi ju mihbukmuyuk khah ching yinbah; inü lomi tüsho ju ching lakhi lüpdükhi kheak athsümünim khiungkerübo khah hode handarübah; I Atungpuhnü asukdo.

HOSEA 7:9

Khiungkerünü asühmüh muyuabahdo, tüshe apinü ju mümükheah; api kuyü lakride buyiuka lah, tüshe apinü ju mümükheah.

HOSEA 8:7

Tümüde arünü apung yangchoh, tüsho arünü chitmühean yimlubah. Hidung ju munoyuk, hanü jim makhiuk; khükikhüh akhiuka lasho, khiungkerünü tsühabahbah.

LEVI 26:33

Inü nüsa trükshih bolung müzütshihbah tüsho nüsa azhihde nukshang thokhitbah; nüsa lo zhikabahbah tüsho kiutobo akeangkeang kambah.

LEVI 26:34

Nüsabo nüsa riri lomi ching lachoki alo zhikrangkhündo thsümünima lakhi khiungde alonü amunibo leangkhibah; tüsho alonü sühakhimbah tüsho amuni asühde leangkhibah.

MIKA 5:11

tüsho nüsa lomi kiutobo dükheakshihbah tüsho nüsa chipibo thokheambah;

MIKA 6:13

Jumonü inü nü neakbo dünkheaknü nü shikpü tankihkheah.

YUZÜNGTHALO 28:33

Nünü mümükheahkhi trükshihnü nü lo chingnü akhiukkhi sangaso tüsho nünü arhimokhitkhi tsühbah, tüsho nüsa mutuklode ajunobah tüsho azünakbah.

YUZÜNGTHALO 28:43

“Khiungkerü nü lung lakhi nü kheaknü achangbe achangbe yükihbah, tüshe nü a abolim abolim akibah.

YUZÜNGTHALO 29:23

‘ Alo athrünkhi kelülü lung, thimi tüsho atak ah; ha ching mümükhean, yungsho maso tüsho rim tümü she mumukhuh, ha Atungpuhnü abukakhiukchoki thsümünimkhi Sodom tüsho Gomorra, Adma, tüsho Zeboiim nangde alabah.’