ISAIA 1:5 - AMÜSÜH HÜM CL Bible (BSI)

⁵ Tümüde nüsanü kheaküshe laka lupü yimcho? Tümüde nüsanü mutuklode azhihcho? Ku abümnü tukthsülah, tüsho mulong abümnü keahkhichoh.

ISAIA 1:5 Iomraidhean Croise

2 KIULONG THSÜRÜ 1:13

Kheaküshe kiulongthsüpuhnü asampü thünim yo wühkenorü lung api mihtsürü 50 yüshih. Junangde asampü thünim yo wühkenobuhnü wutu, tüsho arübah Elija miki khukning, tüsho api ki mushu, “O Thrünpuh mihtsürü, muzhobah I rhangdung tüsho harü nü yamlarübo 50 rhangdung ha nü miki shoto kamshang.

2 KIUTHSÜYUKHEAN 28:22

Kiulongthsüpuh Ahaznü anihbuh lümthsünü ching lachoki Atungpuh kilim alübe thiyuro mülakhi kam.

NEHEMIA 9:34

Isa jipürübo, kiulongthsürübo, limberübo tüsho amükeamrünü nü yakzan müyan. Arünü nü yukhüm tüsho müzünde athakhi mani.

ISAIA 1:23

Nü yo yakzanshuhrübo azhihrü tüsho ahührü müyamrübo lah. Mihbüm abannü buknim muzhochoh tüsho thsambahbo dunglim alihchoh. Arünü mürerü mutsunglo, tüsho khimoberü dünkheak arü miki marü.

ISAIA 31:6

Nüsanü tode azhihbuh kilim rholoang, O Israel mihtsürü.

ISAIA 33:24

Tüsho lomi ching larü shenü, “ I tukthsülah” de mütha; ju ching larü mihtsürübo arü mülimkhi neak bahjihbah.

ISAIA 9:13

Mihtsürübonü arü shikbuh api kilim manguh, yungsho Wuto Atungpuh müyim.

ISAIA 9:21

Manasenü Ephraim tsüh, Ephraimnü Manase tsüh, tüsho rukhühnü arünü Juda azhih. Tümüde ha alala thsungkheaknü api bukakhiukkhi rholode mutso; api khah kheakü khiungde chungkih-a lah.

JEREMIA 13:23

Ethiopiarünü arü küp müthrikhukba de, yungsho sangtsungbonü arü yak müthrikhukba de? Jushu lang nünü she amütsü rhimode alakhi atsü rhimobah.

JEREMIA 17:9

Mulong ju alala kheaknü mülapmüjikhi lah tüsho athsüngupü münchi holah, shepünü ju anikhitkhukba?

JEREMIA 2:30

Inü akeangkeang ching nüsa tsührübo shikdo; athsülangkhi arünü tümü müleangkhi. Nü nukshangnü nüsa yo wukihrübo athsümünimbe kekhüzünü nangde muyuabahdo.

JEREMIA 44:15

Judüki arü niuberübonü püpürü thrünpuhbo kilim rhümthüneabe takchoh de mükheahrü, athrürü alala, tüsho amukhungrü ato miki zhiprü aliberübo alala, Ijip lomi Pathros ching larü mihtsürü alalanü Jeremia ki alo:

JEREMIA 5:3

O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

JEREMIA 5:5

I atorü kilim yübah tüsho arü ki asukanü; tsükjide arünü Atungpuh limro, arü Thrünpuh yakzan mükheahlah.” Tüshe arü rukhühnü sangkaplak yihshakdo, arü rhükkhi rukshakdo.

JEREMIA 9:3

Arünü akeangyu thsungkheak arü mulobo sanglüh nangde hünchoh; arübo lomi ching thiyuro thsungkheak amürangrü yung; tümüde arünü amütsü chingnü amütsü ching yüdo, tüsho arünü I mümükheah, Atungpuhnü thachoh.

TÜZHOKHI 5:17

Ha dünkheaknü isa mulong tukthsülah, harübo hode isa mükbo tsünshelakdo kamdo:

EZEKIEL 24:13

Tütüshe küyimki inü nü makhamaleak münean chingnü müsühkhea, amünean chingnü nü müsühde mükam; nü kheak I reangkeamde bukmakhiukyi khiungde nü müsühde mükamlo.

EZEKIEL 34:16

Inü adükheakkhi yimbah, tüsho inü hiumüzütkhi belode arübah, tüsho inü yurikhi rümjihbah, tüsho tukthsükhi inü düküngshihbah, tüshe amüdangkhi tüsho reangzahkhi inü thsümünimbah. Inü thiyuronü arü yimkipbah.

EZEKIEL 34:4

Nüsanü ayiuhyiuh müdüküngshih, nüsanü tukthsü müthsüngu, nüsanü yurikhi mürümjih, nüsanü amüzütkhi belode marü, nüsanü adükheakkhi müyim, tüshe nüsanü thsokihde tüsho müküpde arü ki yakzan thsüdo.