ISAIA 1:29 - AMÜSÜH HÜM CL Bible (BSI)

²⁹ Tümüde nünü kingaünkhi thülamdung dünkheak nü achih ngübah; tüsho nünü amokhitkhi ayündo dünkheak mi zhinbah.

ISAIA 1:29 Iomraidhean Croise

ISAIA 30:22

Judüki nüsanü shotoyinchinü alüpdokhi sangthsübo tüsho sunanü alüpdokhi sangthsübo müneanbah. Thiyih müneankhi khim nangde nüsanü hiumüzüta bahbah; nüsanü arü ki thabah, “Tsoabahang!”

ISAIA 31:7

Tümüde ju nimung nüsa khahnü neak yihbeakde athsükhi shotoyinchi tüsho suna sangthsübo nüsa alalanü jiba bahbah.

ISAIA 42:17

Arübo arholobah tüsho abümnü achih ngübah– sherünü azünkhi sangthsübo kheak kincho, sherünü anungkhi sangthsübo ki thacho, “ Nü isa thrünpuh.”

ISAIA 45:16

Arü alala achih ngüshih tüsho yingyingshih, sangthsü thsürübo rukhühnü yingyinglah.

ISAIA 57:5

nüsa thülamsang khüp, sangdung phüyak aban khüp müzammüramrübo; nüsa tsührübo jindükhün ching, lunghü khün ching laksahrübo?

ISAIA 65:3

mihtsürü shepünü I bukakhiukshihde I miro neaneashihcho, shahwünbo ching laksah-a kingaünde tüsho lotaklungbo kheak arhümthüneabe kingaünde;

ISAIA 66:17

Sherünü kheaknu shih, athraneanbebo tüsho phihnu tsühkhi bolung sangthsü dunglim ayündo ching yüpü nihbuh küdah thsüde tsangkhitchonü, arü rukhühnü adükheakbah, Atungpuhnü thachoh.

JEREMIA 2:20

Ashang tsodo, nünü nü sangkaplak yihshak tüsho thiyuchihchim yihshakabah, tüsho nünü tha, “ Inü mütankih!” Awung achang abande tüsho sangdung phüyak aban khüp müzammüramrü nangde nünü yap.

JEREMIA 3:6

Kiulongthsüpuh Josia nimungbo ching Atungpuhnü I ki tha: Anihbenü arhimokhi nünü ngünah, akin mülakhi khülang, Israel, künangde anihbenü awung aban yükihkhea tüsho sangdung phüyak aban khüp müzammüram rhimokhea?

EZEKIEL 16:63

Judüki inü küyimki nünü arhimokhi alala dünthsükhibanü, nünü alümkhitbah tüsho achihbah tüsho nü junokhi dünkheaknü küyimkishe nünü nü mün mükhimshuh, Wuto Atungpuhnü thachoh.

EZEKIEL 36:31

Judüki nü amütsü limrobo tüsho amütsü rhimobo nünü alümkhitbah; tüsho nünü nü amülimbo tüsho athranean rhimobo dünkheak thraneanbah.

EZEKIEL 6:13

Tüsho awung achang aban tüsho müzüng mujukbo kheak, sangdung düthreang tüsho thülamsang yüniuniu aban khüp arünü arü sangthsübo alala kilim rhümthüneabe jihkhi dangpungbo ching arü laksah-a yapchoki I Thrünpuh ah de arünü mükheahbah.

HOSEA 14:3

Asirianü isa mükhümkhit; isanü khorabo kheak mübin; isa khahnü athsükhi ki kheaküa, ‘ Isa thrünpuhbo,’ de mütha. Nü kheak mürerünü mihmüthsüm ngüchoh.”

HOSEA 14:8

O Ephraim, inü nü sangthsübo kheak tümü thsüba? Nü ki alorü tüsho nü kümrü ju I ah. I a lünnü aphüyak sang nangde lah; nü thülünde alapü I kilimnü arüchoh.”

HOSEA 4:13

Arünü müzüng mujukbo kheak laksah-a kingaünchoh, tüsho awungbo kheak, thülamsang, müyüh-kibe, tüsho mudungsang khüp kingaün jihchoh, tümütüsho arü alampung tsülah. Jumonü arü tsührübonü jilihjikhün ahorichoh, tüsho nü tsühmeakbebonü müzammüramchoh.

HOSEA 4:19

Arübo ju apungnü yünde atsobah, tüsho arünü shuhmülanga kingaünkhibonü arü kheak achih handarübah.

ROMRÜ KILIM PAULNÜ ATHRÜTKHI KIHÜM HUHTANYU 6:21

Dale tüsho kheakü nüsanü achihde alakhi rhimokhi chingnü nüsa tümü alü thsüde? Jurübo akheam ju ashekhi lah.