ISAIA 1:28 - AMÜSÜH HÜM CL Bible (BSI)

²⁸ Tüshe azhihrü tüsho aneakrübo rukhühnü adükheakbah, tüsho sherünü A TU N GPU H bahyukchonü muyuabahbah.

ISAIA 1:28 Iomraidhean Croise

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

2 KIUTHSÜYUKHEAN 21:10

Jumonü khihni khiungde Edomnü Juda yakzan shuhkhi kheak azhihde arü. Ju kim ching Libnanü she api yakzan shuhkhi kheak azhih, tümütüsho Jehoramnü jipürü Thrünpuh, Atungpuh bahyuk.

2 KIUTHSÜYUKHEAN 28:23

Tümüde apinü Damaska thrünpuhbo kilim kingaün jih, küpünü anihbuh kukkhea, tüsho tha, “Tümütüsho Asiria kiulongthsürübo thrünpuhbonü arü rung, inü arü ki kingaünbah, junangde arünü I rungbah.” Tüshe arü ju anihbuh tüsho Israel alala thsümünimrü lakheah.

2 KIUTHSÜYUKHEAN 28:6

Remalia tsührü Pekanü nimung khülang chingnü Juda ching athrungrü bonungrü 120,000 laksah, tümütüsho arünü Atungpuh arü jipürü Thrünpuh bahyuk.

JOB HU H T ANYU 31:3

Mihbukmuyuk thsungkheak athsümünim, amülim rhimorü thsungkheak thsümütsü yung de?

JOB HU H T ANYU 34:26

Apinü arübo arü mihbukmuyuk dünkheak mührünü ngüde shikchoh,

JOB HU H T ANYU 34:27

tümütüsho arünü api kheaknü rholo, tüsho api limrobo tümü she akin müla,

MUNGSHIKHÜN 1:6

tümüde Atungpuhnü thiyuro-lungkirü limro mükheahlah, tüshe mihbukmuyuk limro adükheakbah.

MUNGSHIKHÜN 104:35

Aneakrübo ju alomi chingnü muyuabahshang, tüsho mihbukmuyuk mülade kamshang. Atungpuh shiang, O I me! Atungpuh Shiang!

MUNGSHIKHÜN 125:5

Tüshe sherü akhürang limrobo lim rholode tsochonü Atungpuhnü amülim rhimorü lung yana bahbah. Israel kheak mungtsü lashang!

MUNGSHIKHÜN 37:38

Tüshe athsümünimrübo rukhühnü adükheakbah; mihbukmuyuk arübe kuhi ju adükheakbah.

MUNGSHIKHÜN 5:6

Akeangyu tharü nünü thsümünimchoh; thiyih bukrü tüsho mülapyukrü mihtsürü Atungpuhnü thraneanchoh.

MUNGSHIKHÜN 73:27

Atsütsü, sherü nü kheaknü limshude lanü adükheakbah; sherü müzammüram thsungkheaknü nü bahkhidünü nünü alala dükheakshihdo.

MUNGSHIKHÜN 9:5

Nünü trükshihbo thürüh, nünü mihbukmuyuk thsümünim; nünü arü mung lün thsungkheak nankhita bah.

MUNGSHIKHÜN 92:9

Tümüde kheahang, nü riribo, O Atungpuh , tümüde kheahang, nü riribo dükheakbah; amülim rhimorü alala hiumüzütbah.

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

ISAIA 24:20

Alomi ju amüshangrü nangde yingyinglah, yünshim nangde laplapchoh; amülim-rhimokhi ju kheak mülangde ajaplah, tüsho lungchoh tüsho alode masürü.

ISAIA 30:13

jumonü ha amülim nüsa thsungkheak rhü achang kheak atrükhi nangde mükitkhita, tüsho zukleangnü akeampü thsüde arübah;

ISAIA 33:14

Zion ching aneakrübo trede lah; Thrünpuh mümükheahrü ajande lah; “ Isa bolung shepünü aniuabahbe mo ching laba? Isa bolung shepünü akheam müla motru ching laba?”

ISAIA 50:1

Atungpuhnü ha thachoh: Inü nü be thiyia tsoshihkhi abah-hüm küching la? Yungsho inü nü yinkhi I sho putungpuh ju shepü a? Yung, nü neakbo dünkheaknü nü yinkheah, tüsho nünü alakmihkhibo dünkheak nü be tsoshihkheah.

ISAIA 50:11

Tüshe nüsa alala mo takkihrü, mozhuh takkihrü ah. Nü mo trukhi ching tüsho nünü atakkihkhi mozhuh bolung tsahang! Ha I khah chingnü nünü angübah: nü thsümütsü ching yapbah.

ISAIA 58:2

Tütüshe nimung abande arünü I yimchoh tüsho I limrobo mükheahpü asühchoh, arü ju thiyuro-lungki lakhi trükshih tüsho arü Thrünpuh yuzüng mübahyukkhi nangde; arünü I ki thiyuro-lungki mahkhapbo keokhichoh, arünü Thrünpuh kilim thüninpü asühchoh.

ISAIA 64:6

Isa alala mümüsührü nangde kamdo, tüsho isa thiyurolungki rhimo alala amüneankhi khim nangde lah. Isa alala sangyü nangde kamshihchoh, tüsho isa amülimnü apung nangde isa yünde tsochoh.

ISAIA 65:11

Tüshe nüsa sherünü Atungpuh bahyukcho, shepünü I wung amüsüh mihcho, shepünü kuhi thsungkheak dükhüm kheanga zocho tüsho kuhi-lalim thsungkheak pung ching yukhu yukcho;

ISAIA 66:17

Sherünü kheaknu shih, athraneanbebo tüsho phihnu tsühkhi bolung sangthsü dunglim ayündo ching yüpü nihbuh küdah thsüde tsangkhitchonü, arü rukhühnü adükheakbah, Atungpuhnü thachoh.

ISAIA 66:24

Tüsho arünü awukhiukbah tüsho I azhihde alakmihkhi mihtsürü ashemibo kheak kheahbah: tümüde musobo müshe, arü takkhi mo küyimkishe mümüt tüsho mihtsürü alala miki arübo athraneanbe labah.

JEREMIA 17:13

O Israel mulonglam! O Atungpuh ! Nü bahyukrü alala achih ngübah; sherü nü kheaknü rholode tsochonü alo ching thrütyukbah, tümüde arünü rhangdung ke-bukpung, Atungpuh bahyukdo.

JEREMIA 44:12

Ijip lomi ching lapü lümkihbah ayürü Juda aningkhi inü lude atsobah, tüsho arü mihbüm abannü adükheakbah; Ijip lomi ching arübo keambah; nukshang tüsho khümzungnü arübo dükheakbah; anikhühnü ato khiungde, arübo nukshang tüsho khümzungnü ashebah; tüsho arübo athruaji tüsho atrebe, muthrumünean tüsho münedung kambah.

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

1 TESALONIKA 5:3

Küyimki mihtsürünü, “Mungtsü tüsho akhümkhit” de athabanü mübünkeangkhi liberü kheak zübethsünükhi nangde zukleangnü arü kheak athsümünim arübah, tüsho arü mutsokhide alabah.

2 PETER 3:7

Ju yunü kheakü lakhi thüningbo tüsho alomi, mahkhap nimung tüsho amükinrü mihtsürü dükheakshihpü khiungde mo thsungkheak akhua zolah.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

1 SAMUEL 12:25

Tüshe nüsanü judü lang amütsü rhimosho, nüsa le nüsa kiulongthsüpuh chido phüta bahbah.”