ISAIA 1:27 - AMÜSÜH HÜM CL Bible (BSI)

²⁷ Zion ju thiyuronü rhokhitbah, tüsho ju ching larü thiyuro lakhinü müthrirübo rhokhitbah.

ISAIA 1:27 Iomraidhean Croise

ISAIA 35:10

Tüsho Atungpuh zuzu alodarübah tüsho khün thsüde Zion lim arübah; akheam mülakhi asühachihkhi arü ku kheak labah; arünü asühpü tüsho asühara ngübah, tüsho mulong rozhak tüsho sheak-dükip tsoabahbah.

ISAIA 35:9

Ju ching kekhüzü müla yungsho akhümkhi shiwüh ju kheak marü; arübo ju ching müngü tüshe rhokhita larü ju ching tsahbah.

ISAIA 5:16

Tüshe Wuto Atungpuh a thiyuro hode shuhkih tüsho thiyuro lakhi hode Amüsüh Thrünpuh anihbuh langzünü amüsühkhi huhchoh.

ISAIA 51:4

I ki aniang, I mihtsürü tüsho I ki anguhang, I trükshih; tümüde I kheaknü thsangyukhi khülang wukhiukbah, tüsho ayin khülang thsungkheaknü I yakzan ju mihtsürübo kilim labah.

ISAIA 52:3

Tümüde Atungpuhnü ha thachoh: Nü akeangkeang mo yinkheah, tüsho sho müjihde nü rhokhitbah.

ISAIA 54:14

Thiyuro-lungki ching nü rünkihbah; nü junopü chingnü limshude alabah, tümüde nü mütrede alabah, tüsho atrebe müla, tümüde ju nü phünide marü.

ISAIA 62:12

Arübo ki “Amüsüh Mihtsürü, Atungpuhnü Rhokhitkhi” de ajibah; tüsho nü ki “Ayimkhitkhi, Mübahyukkhi Kiuto” de ajibah.

ISAIA 63:4

Tümüde royimkhi nimung I mulong ching lakheah, tüsho inü rhokhitpü kam arüdo.

HOSEA 2:19

Tüsho inü nü lünnü I niube thsüpü lubah; inü nü thiyuro-lungki, thiyuro, muzhodakkhi, tüsho mihmüthsüm chingnü I niube thsüpü lubah.

MIKA 6:5

O I mihtsürü, Moab kiulongthsüpuh Balaknü tümü rük thsükheanü kheakü lümkhitang, Beor tsührü Balaamnü api ki tümü alokhea, tüsho Shittim chingnü Gilgal khiungde tümü dünjikhea, junangde nüsanü Atungpuh akhümkhit rhimobo mükheahbah.”

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.