ISAIA 1:25 - AMÜSÜH HÜM CL Bible (BSI)

²⁵ Inü nü azhihde I khah rholobah; yinchikhih tsangkhitkhi nangde nü münean alala yihkhita bahjihbah.

ISAIA 1:25 Iomraidhean Croise

MUNGSHIKHÜN 119:119

Nünü lomi ching mihbukmuyuk alala müneang nangde tsoshihchoh; jumonü inü nü yukhümbo muzholah.

ISAIA 1:22

Nü yo shotoyinchi ju yinchikhih kamdo, nü yukhu ju ke lung dungrudo.

ISAIA 27:9

Jumonü hanü Jakob amülim dün shaklobah tüsho ha api neak yihkhita bahkhi sangaso labah: Küyimki apinü lung kingaün sadambo alala athrütbe-lung nangde adütre kamde züthünakbanü, Ashera sangthsü yungsho rhümthüneabe kingaün sadambo tümü aninga müzhip.

ISAIA 4:4

Küyimki Atungpuhnü Zion liberü münean tüsho Jirusalem thiyih bukkhi mahkhapkhi me tüsho motakkhi menü müsühjihbanü,

JEREMIA 6:29

Moyünbe müshakde yünchoh, yinchikhihbo monü aniuabahchoh, tümüde mihbukmuyukbo yihkhita mübah.

JEREMIA 9:6

Junokhi kheak junokhi, mülapmüji kheak mülapmüji! Arünü I mükheahpü thsunglochoh, Atungpuhnü thachoh.

JEREMIA 9:7

Jumonü Wuto Atungpuhnü ha thachoh: Inü kheakü arü tsangkhitbah tüsho rükakibah, tümüde I mihtsürü neak dünkheak inü tümü thsükhukba?

EZEKIEL 20:38

Nüsa I azhihrü inü müsühkhitbah. Arü lakhi chingnü inü arübo bekhitkhit she, arübo Israel lomi ching müyüzah. Judüki I Atungpuh de nüsanü mükheahbah.

EZEKIEL 22:19

Jumonü Atungpuh Thrünpuhnü ha thachoh. Tümütüsho nüsa alala yihnüpü mülade kamdo, inü nüsa Jirusalem ching bemukhungbah.

EZEKIEL 22:20

Khürünü shotoyinchi, sunalung, yinchi, yinchithünak, tüsho yinchiliolio aniushihpung hanmukhunga, jurübo niushihpü mo kheak mütkhi nangde; inü I bukakhiukkhi tüsho mulong zhipzhip ching nüsa bemukhungbah, tüsho inü nüsa yuka niuthünakshihbah.

EZEKIEL 22:22

Aniube ching shotoyinchi niuthünakkhi nangde, nü ju ching niuthünakbah tüsho I Atungpuhnü nü kheak mulong zhipzhip dungkihdo de nünü mükheahbah.

ZEPHANIA 3:11

Ju nimung nünü I azhihde arhimokhi alala dünkheaknü nü achih müngü; tümüde inü nüsa bolungnü kükheangde asühachihrübo yihkhita bahbah, tüsho nüsanü kheaküa I yo amüsüh müzüng kheak lülüshishi müthsü.

MALAKI 3:3

api ju atsangkhitbe tüsho shotoyinchi tsangkhitbe nangde abinbah tüsho apinü suna le shotoyinchi tsangkhitkhi nangde Levi tsühsoniusobo tsangkhitbah, junangde arünü thiyuro-lungki ching Atungpuh kilim kingaünbo hande arübah.

MATHI 3:12

Api khah ching phürü shuhlah, tüsho apinü rhimopung tsüde amüsühbah tüsho api jakam ching hi hanmukhungbah; tüshe apinü atsütbo a amümütbe mo ching takbah.”

YUZÜNGTHALO 32:43

O trükbo, Atungpuh mihtsürübo shiang; tümüde api yamlarübo laksahrü alala kheak apinü royimchoh, tüsho api riri kheak royimchoh, tüsho api lo le amihtsürü neak bahjihchoh.

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.