ISAIA 1:11 - AMÜSÜH HÜM CL Bible (BSI)

¹¹ Nüsanü hihdakde laksah-a kingaünkhibo I ki tümü la? Atungpuhnü thachoh; namfimihnupungbo tüsho yimkipkhi shiwühbonü I suhdahde taka kingaündo; inü moshibo yungsho namfimihnunu, yungsho mihnubo thiyih ching masüh.

ISAIA 1:11 Iomraidhean Croise

MUNGSHIKHÜN 40:6

Nünü laksah-a kingaünkhi tüsho jihchungkhi mulune; nünü I nükhünbo yeahshungjih; taka kingaün tüsho neak kingaün nünü mükheang.

MUNGSHIKHÜN 50:8

Inü nünü laksah-a kingaünkhi yungsho mutukzhakde I miki taka kingaünkhi dünkheak nü müthürüh.

MUNGSHIKHÜN 51:16

Tümüde nünü laksah-a kingaünkhi mulune, jude yungkhülaa inü jih-a labah; nünü taka kingaünkhi ching masühchoh.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

MÜCHITMUDU 21:27

Mihbukmuyuknü shuhmülanga jihkhi ju athraneanbe; mihbukmuyuk lümkhi thsüde apinü hande arükhi a küdükhüh she alaba!

MÜCHITMUDU 21:3

Laksah-a kingaünkhi kheaknü thiyuro-lungki tüsho thiyuro rhimopü ju Atungpuh kilim alü aleangkhikhukbe lah.

ISAIA 58:2

Tütüshe nimung abande arünü I yimchoh tüsho I limrobo mükheahpü asühchoh, arü ju thiyuro-lungki lakhi trükshih tüsho arü Thrünpuh yuzüng mübahyukkhi nangde; arünü I ki thiyuro-lungki mahkhapbo keokhichoh, arünü Thrünpuh kilim thüninpü asühchoh.

ISAIA 66:3

Sherünü moshipung laksahchonü mihtsürü laksahrü ruk; sherünü namfimihnununü kingaünchonü, khihnu hung yihshakrü ruk; sherünü hi kingaün jihchonü, kheaknu thiyih jihrü ruk; sherünü mümihpü jinjinlak jihchonü, sangthsü ki tamkhüntamnükhi ruk ah. Harünü arü nihbuh limrobo mokhitdo, tüsho arü athraneanbebo ching arü menü asühchoh;

JEREMIA 6:20

Sheba chingnü jinjinlak arükhi yungsho limshu lomi ching niungyidung I ki tümü yihnüpü la? Nüsanü taka kingaünkhibo müleangkhi, yungsho nüsanü shuhmülanga jihkhibonü I asühbe yung.

JEREMIA 7:21

Wuto Atungpuh , Israel Thrünpuhnü ha thachoh: Nüsanü shuhmülanga jihkhi ching taka kingaünkhibo yukajakang, tüsho ashihtsü tsühang.

HOSEA 6:6

Tümüde inü mihmüthsüm lunelah tüsho laksah-a kingaünkhi yung, taka kingaünkhi kheaknü Thrünpuh mükheahkhi lunelah.

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

AMOS 4:5

phaüm yukkhi yikhapnü makshe jihkhi kingaün handarang, mulongkhi kingaün zhiyukang, jurü dünkheak kükheangang; tümüde judürü rhimopü nüsanü muzholah, O Israel mihtsürü! Atungpuh Thrünpuhnü thachoh.

AMOS 5:21

Inü thraneanlah, inü nüsa thüniobo khenochoh, tüsho nüsa arüngako mukhungbo ching inü masüh.

AMOS 5:22

Nüsanü I kilim taka kingaünkhi tüsho hi kingaün jihjih she, inü jurü müleangkhi; tüsho nüsa mungtsü kingaün amüdangkhi shiwühbo kheak inü akheah she mükheah.

MIKA 6:7

Atungpuhnü namfimihnupung chithürübo, müdangke ayung chithürübo kheak asühba de? Inü alakmihkhi thsungkheak I tsührü jihba shi, I me neak thsungkheaknü I pang chingnü asokhi jihba shi?”

HAGGAI 2:14

Haggainü tha, junangde ha mihtsürü tüsho I miki lakhi trükshihbo kheak hade lah, Atungpuhnü thachoh; tüsho arü khah rhimo aban kheak lah; tüsho arünü ajihkhi ching amümüsüh lah.

ZEKARIA 7:5

Lomi mihtsürü alala tüsho amükeamrübo ki thaang: Nüsanü ha kam nerü khinu phüngü tüsho thüne ching khümkeak thsükhi tüsho tüzhokhi ju I thsungkheak lakhea de?

MALAKI 1:10

O, nüsa khürünü arüngyam ripitbo rihkhülaa, junangde nüsanü akeangkeang ching I kingaün sadam kheak mo mütakkih! Inü nüsa kheak asühkhi müla, Wuto Atungpuhnü thachoh, tüsho inü nüsa khah chingnü kingaün müleangkhi.

WÜHKHE 7:45

taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

MATHI 22:4

Kheaküshe apinü yamlarü püpürü thiyia yüshih, ‘Ajiyukrübo ki thaang, “Kheahang, inü jimpung thsakhamlah; I moshipungbo tüsho ashih-kihkhi moshibo laksahdo, tüsho lüpdükhi thsakhamlah. Arhangrü thünio ching arang.”

MATHI 9:13

Yüang tüsho ha amütsan anikhitang: Inü mihmüthsüm lunelah, tüsho laksah-a kingaünkhi yung. Tümütüsho amüsührü yungde amüneanrü jipü I arükheah.”

1 SAMUEL 15:22

Tüsho Samuelnü tha, “Atungpuh yu anikhi kheaknü taka kingaünkhi tüsho laksah-a kingaünkhi ching Atungpuhnü alü asühcho de? Tsükjide, laksah-a kingaünkhi kheaknü a mihyuanikhi atsübe, tüsho namfimihnu pung müdang kheaknü mihyuanikhi atsübe.