ISAIA 1:10 - AMÜSÜH HÜM CL Bible (BSI)

¹⁰ Atungpuh yu aniang, nüsa Sodom yakzanshuhrübo! Isa Thrünpuhnü thsangyukhi aniang, nüsa Gomorra mihtsürübo!

ISAIA 1:10 Iomraidhean Croise

THRÜNTAN 13:13

Tüshe Sodom mihtsürübo hodakde mihbukmuyuk tüsho Atungpuh azhihde neak yihbeaka lakheah.

ISAIA 28:14

Jumonü nüsa lülüshishirübo, sherü Jirusalem ching ha mihtsürü yakzan shuhchonü, Atungpuh yu aniang.

ISAIA 3:9

Arü miro kheak kheahkhinü arü azhihkhi thiyumütsan huhchoh; arünü arü neak Sodom nangde zhiyukchoh, arünü ju müram. Arübo ayokhe! Tümüde arünü amütsü rhimo arü kheak handarüdo.

ISAIA 30:9

Tümüde arübo azhihrü mihtsürü, akin mülakhi tsührübo, Atungpuhnü thsangdankhi manipü lakhi tsührübo;

ISAIA 33:22

Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

JEREMIA 23:14

Tüshe Jirusalem ching wukihrü bolung inü khide atrebe ngüdo: Arünü müzammüramchoh tüsho akeangyu ching tsahchoh; arünü amütsü rhimorü khah düküngloshihchoh, junangde sheshe mihbukmuyuk chingnü murholo; arü alala I ki Sodom nangde kamdo, tüsho ha ching larübo Gomorra nangde lah.

JEREMIA 9:26

Ijip, Juda, Edom, Amon, Moab, tüsho limshu loshelo ching larü alala. Tümüde ha trükshih alala tsütamübah, tüsho Israel yamkhün alala mulong ching tsütamübah.

EZEKIEL 13:2

Mihtsürü tsührü, müchitrü Israel wukihrü azhihde müchitang. Arü nihbuh lümkhi chingnü müchitrü ki thaang: “Atungpuh yu soang!”

EZEKIEL 16:35

Jumonü nü müzammüramrü, Atungpuh yu aniang!

EZEKIEL 16:46

Nü chi azopü ju Samaria lakheah, shepü anihbe tsührübebo lung dukulim lakhea; tüsho nü chi akheambe, anihbe tsührübe lung düjinglim lakhi ju Sodom lakheah.

EZEKIEL 16:49

Kheakü ha nü chi Sodom neak lakheah: Alibe tüsho anihbe tsührübebo bukmüke, bukchihbukhean tüsho muzhomüyi mülakhi lakheah; arünü zhochihrü tüsho müthsümülarü murung.

AMOS 3:1

O Israel mihtsürü, Atungpuhnü Ijip lomi chingnü bekhitkhi yamkhün alala azhihde asukkhi yu ha aniang:

AMOS 3:8

Kekhüzünü arungchoki, shenü mütrepü? Atungpuh Thrünpuhnü asukchoki, shenü mümüchitpü?

AMOS 9:7

Nüsabo I kilim Ethiopiarü ruk yung de, O Israel mihtsürü? Atungpuhnü thachoh. Inü Israelrü Ijip chingnü, tüsho Filistiarü Kaphtor chingnü tüsho Siriarü Kir chingnü mübekhit de?

MIKA 3:1

Tüsho inü tha: Aniang, nüsa Jakob akuthsürübo tüsho Israel yamkhün yakzanshuhrübo! Nüsanü thiyuro mümükheahbea de?–

ROMRÜ KILIM PAULNÜ ATHRÜTKHI KIHÜM HUHTANYU 9:29

Tüsho Isaianü müchit, “Wuto Atungpuhnü isa tsühsoniusobo maningshihkhülaa isa Sodom nangde kama labah tüsho Gomorra nangde alabah.”

YUZÜNGTHALO 32:32

Tümüde arü kurungaso ju Sodom kurungaso kheaknü, tüsho Gomorra lubo chingnü arülah; arü kurungasobo ju müzümbo ah, adüchibo ju khühlah;

AMIKHEAKAKHIUKKHI 11:8

tüsho ane ashemibo ju amütsan thsüde Sodom tüsho Ijip de ajikhi, arü Atungpuh yümkihpung, ato kiuto kiudunglimro ching yapbah.