IBRI 9:7 - AMÜSÜH HÜM CL Bible (BSI)

⁷ tüshe achangbe amükeamrü lang alungbe khiungshak ching kam ching khülangki yüzah, tüsho api le mihtsürübonü mümükheahde ayihbeakkhi neak dünkheak jihkhi thiyih muludüa müyüzah.

IBRI 9:7 Iomraidhean Croise

2 SAMUEL 6:7

Uzza kheak Atungpuh bukakhiukkhi alü kam; tüsho ju ching Thrünpuhnü api kheak shik tümütüsho apinü sangdan kheak akhah chungkhit; tüsho Thrünpuh sangdan rheang ki api sheabah.

2 KIUTHSÜYUKHEAN 33:9

Manasenü Juda tüsho Jirusalem ching larü bemüchih, jumonü Atungpuhnü Israel mihtsürü müngüh, yankhitkhi trükshihbo kheaknü alü arünü amütsü rhimo.

MUNGSHIKHÜN 19:12

Tüshe shenü nihbuh mülimkhi ngükhitkhukla? Rama lakhi alakmihkhibo chingnü I müsühjang.

MUNGSHIKHÜN 95:10

Tümüde kam yirü I ju lün lung mulong rozhakde alakheah, tüsho tha, ‘ Ha arü mulong ching rholode atsokhi mihtsürü, tüsho arünü I limrobo mümükheah.’

ABEKHIT 30:10

Aronnü ha juhbo kheak kam ching khülang ki dünthsükhiang. Ha kam ching khülang ki dünthsükhipü ju lünbo thsungkheak neak kingaün thiyih lungnü jihang. Ha Atungpuh kilim khide amüsüh lah.”

ISAIA 28:7

Harü she yukhunü amülim kamdo tüsho phapkenü ayingyingshihkhi lah; amükeamrü tüsho wukihrü phapkenü amülim kamchoh, arü yukhunü yingyingabahdo, arü phapkenü yingyingshihchoh; arünü michih ching lakmihchoh, arünü mahkhapkhi ching jing mükhechoh.

ISAIA 29:14

jumonü ha mihtsürü kheak niuknimde amüyinsahbe rhimobah. Arü lümlung larü lümkhi dükheakbah, tüsho lümlung anikhitpü lakhi ramabahbah.

ISAIA 3:12

I mihtsürübo–azürübo arü junorü ah, tüsho azoberünü arü kurungkheak yakzan shuhchoh. O I mihtsürübo, nüsa limberübonü nüsa bemüchihchoh, tüsho nüsa limro yingyingshihchoh.

ISAIA 9:16

tümüde sherünü ha mihtsürübo bekheanü arübo bephülapdo, tüsho sherübo arünü abekheanü yingyingde zojih.

HOSEA 4:12

I mihtsürübonü sang ki keokhichoh, tüsho arü müchit-tsonü arü ki müchita jihchoh. Tümüde jilihjikhün menü arü bephülapdo, tüsho arü Thrünpuh mihabahde arünü jilihjikhün ahorido.

LEVI 16:34

Ha kam ching khülang ki Israel neak dünthsükhipü nüsa thsungkheaknü kamruhroro yakzan thsükhi lah. Tüsho Atungpuhnü api ki thiyukhüm jihkhi nangde Mosanü rhimo.

LEVI 5:18

Apinü ashaklo kingaün lapha mükihkhi namfimihnu yungsho mihnu pung Atungpuh kilim handarübeah. Ju ashaklo kingaünkhi dün akebah ajihbah, tüsho apinü müreanglimnü ayihbeakkhi neak amükeambuhnü dünthsükhibah, tüsho api neak bahjihbah.

AMOS 2:14

Athride ashanrü she mütsokhi, tüsho sühmüh larü sühmüh mülade akambah, yungsho wutonü arü rhangdung mükhümkhit;

WÜHKHE 15:25

Jumonü amükeambuhnü Israelrü tsührü boto dünthsükhide neak bahjihbah tümüde ju müreanglimnü yihbeak; arübonü taka kingaünkhi tüsho müreanglimnü ayihbeakkhi neak kingaün Atungpuh miki handarübah.

EFISIA 4:18

arü mulong müküpde arü kheak yakli mümükheahkhi lakhi hode arü lümkhi mitingde, Thrünpuhnü ajihkhi rhangdung chingnü chamkhibah lah;

IBRI 10:3

Tüshe harü laksah-a kingaünkhibo chingnü kam abande neak lakhi lümkhitshihchoh.

IBRI 6:19

Isa ha mulonglam me thsungkheaknü, atholobe adüküng tüsho mulong tokhi lah. Ha alungbe arüngakopung ching zhindokhim dunglim yüzahchoh.

IBRI 7:27

Achangbe amükeamrübo nangde apinü akhuhde nihbuh neakbo tüsho mihtsürübo neak thsungkheak nimung aban laksah-a kingaünpü yihnüpü müla, apinü anihbuh jihabahchoki khülangkinü ha rhimoabahdo.

IBRI 9:3

Mahnepü zhindokhim dunglim ju Khide Amüsüh Dangpung de ajikhi khiungshak khülang lakheah.