IBRI 9:26 - AMÜSÜH HÜM CL Bible (BSI)

²⁶ dükhülaa alomi thrünchoki Khrista ahihdo ki thsünüa labah. Tüshe kheakü lün akheam ching anihbuh shuhmülanga jihkhinü neak hande atsopü thsüde rüpde khülangki lang api arüdo.

IBRI 9:26 Iomraidhean Croise

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

2 SAMUEL 24:10

Tüshe ju dunglim, David mulong thsümünim tümütüsho apinü mihtsürübo wühkhe lu. Davidnü Atungpuh ki tha, “Inü arhimokhi ching neak tode yihbeakdo. Tüshe kheakü, O Atungpuh , inü nü ki tamkhüntamnüchoh, nü yamlarü neak bahjang; tümüde inü bünkeangbünrude rhimodo.”

JOB HU H T ANYU 7:21

Tümüde inü alakmihkhi neak mübahjih tüsho I amülim lude mutso le? Tümütüsho kheakü I alo ching yapbah; nünü I yimbah, tüshe I müngü. Bildad.

MUNGSHIKHÜN 103:12

Aniakhiuklim ju aniyüzahlim kheaknü limshukhi nangde, apinü isa neakbo isa kheaknü limshude luakhindo.

ISAIA 2:2

Arübe nimung ching Atungpuh yam wung ju awungbo lung achangbe thsüa labah tüsho awungbo kumung shuhkihbah; trükshih alalanü ju kheak shobah,

DANIEL 10:14

tüsho akheam nimungbo ching nü mihtsürübo kheak tümü dünjibanü nü anikhitshihpü rungpü arükheah. Ha arübe thsungkheak michih khülang lah.”

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

MIKA 4:1

Arübe nimung ching Atungpuh yam wung ju müzüng bolung achangbe labah, tüsho awungbo kumung shuhkihbah. Mihtsürübonü ju kheak shobah,

MATHI 13:39

Thiriri shepünü jurü hiukheanü arimri, yimlupü ju lün akheam, tüsho yimlurübo ju yunirübo.

MATHI 13:40

Jumonü muthsuaberimbo hanmukhungbah mo ching takkhi nangde, ha lün akheam ching dünjibah.

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

1 KORINT 10:11

Kheakü arübo ki harü atünadopü dünji, tüshe akheam lün arüa larü isabo thsungkheak thsangdanpü harü thrüt.

GALATIA 4:1

Inü yamrüplurüp lurü dünkheak thakhi ju, api azürü lachoki khiungdüa, api alala yo aputungrü thsüthsü she azhorü kheaknü büthsüde müla,

EFISIA 1:10

junangde yinmi ching tüsho alomi kheak lüpdükhi api kheak arihpü kim-khiukkhi lümkhi thsü.

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 1:2

tüshe harü akheam nimungbo ching a api hode alomi thrünbah alala yamrüplurüp lubuh kamshihkhi atsührü hode isa ki asuk.

IBRI 10:10

Tüsho ju lümkhinü Jisu Khrista pang rüpde khülangki lang ajihkhi hode isa tsangkhit.

IBRI 10:12

Tüshe küyimki Khristanü kim alala dün neakbo thsungkheak khülangki shuhmülanga jihkheanü api Thrünpuh khah tsülim bin.

IBRI 10:26

Thiyuro mükheahmudu leangkhi dunglim isanü khekhungde neak yihbeakde lasho neak dünkheak shuhmülanga jihpü aninga müla,

IBRI 10:4

Tümüde moshipungbo tüsho mihnubo thiyihnü neakbo hande atsopü amukuk ah.

IBRI 4:3

Kheakü apinü athakhi nangde isa akinrübonü ju sühakhim ching yüzah, “Inü bukakhiukkhi ching thiyuchihchimkhi nangde, ‘Arü küyimkishe I sühakhim ching müyüzah.’ ” Tütüshe api rhimo a alomi thrünchokinü bana lakheah.

IBRI 7:27

Achangbe amükeamrübo nangde apinü akhuhde nihbuh neakbo tüsho mihtsürübo neak thsungkheak nimung aban laksah-a kingaünpü yihnüpü müla, apinü anihbuh jihabahchoki khülangkinü ha rhimoabahdo.

IBRI 9:12

Mihnubo tüsho moshipungbo thiyih hode yung tüshe anihbuh thiyih hode lünnü isa rhokhitpü rüpde khülangkinü lang Amüsüh Dangpung ching yüzah.

IBRI 9:14

lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!

1 PETER 1:20

Alomiküp müthrünyide api mokhita lakheah, tüshe nüsa thsülimnü harü akheam kimbo ching amikheak akhiukshih.

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

1 JOHAN 3:5

Neakbo lude atsopü api amikheak akhiukdo de nüsanü mükheahlah; tüsho api kheak neak tümü müla.

1 JOHAN 3:8

Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 17:8

Khülangki nünü angükhi shiwüh ju, kheaküa jude müla, tüsho alokhünbit chingnü akhiukbah anihbuh dükheakpung ching yübah. Alomi ching larübo alomiküp thrünbah rhangdung hüm ching mung thrüta mülarünü shiwüh ngüchoki amüyinsahbah, tümütüsho api khülangki lakhi, kheaküa jude müla, tüshe arülobah.