IBRI 9:2 - AMÜSÜH HÜM CL Bible (BSI)

² Arüngkhimyam ju thsü. Akhuhbe khiungshak ching tsünpung-zopung, dükhüm tüsho müsühkhitkhi yikhap lakheah; ha Amüsüh Dangpung de ji.

IBRI 9:2 Iomraidhean Croise

ABEKHIT 25:23

“Nüsanü akasia sangnü dükhüm thsang; ayunglim khahnap 2, atolim khahnap I, tüsho achanglim khahnap 1 kheak damshakkhüh.

ABEKHIT 25:30

Tüsho nüsanü kamruhroro I miki dükhüm kheak amüsüh yikhap zoang.

ABEKHIT 25:31

“Nüsanü suna müthsünnü kingde tsünpung dubopung thsang. Adung, adüthrün, pungbo, züt thsükhibo tüsho sangbünbo bümkhüh lang thsang.

ABEKHIT 26:1

“Nüsanü zhindokhim ching khimthünak atsüdak, biyi, mürümmuchu tüsho aneakrüm hing keakyukde athsükhi thürü yukde arüngkhimyam thsang; thsüsonungnürünü athsükhi cherubim yukde keakang.

ABEKHIT 26:33

Zhindokhim ju awuklobe kheaknü zhinang tüsho ju dunglim tangzüng sangdan zoang. Zhindokhim junü Khide Amüsüh Dangpung kheaknü Amüsüh Dangpung büthsüjihbah.

ABEKHIT 26:35

Arüngkhimyam dukulim zhindokhim wungdo dükhüm zoang tüsho düjinglim ju mikhuh tsünpung dubopung zoang.

ABEKHIT 29:1

“Arünü amükeamrübo thsüde I tankihpü nünü ha ruk arü müsühkhitang: moshipung nunu 1 tüsho namfimihnupung 2 lapha mükihkhi luang.

ABEKHIT 29:35

“Inü nü ki thiyukhüm jihkhi lüpdükhi ayannü nimung thüne lude Aron tüsho api tsührübo amüsühtsangkhit rhimoang.

ABEKHIT 40:2

“Akhuhbe khinu atan nimung Atungpuh shorupung arüngkhimyam thsüa zhipshang.

ABEKHIT 40:4

Dükhüm hande azahang tüsho ju kheak kukrukbo zoang. Kheaküshe tsünpung dubopung lude azahang tüsho ju kheak tsünpungbo zoang.

MATHI 12:4

Apinü Thrünpuh yam ching yüzah tüsho api le api lung berünü yikhap tsüh–amükeamrübo kheak hode arü thsungkheaknü ju rhimopü yakzannü mümülüde alakheah.

MATHI 5:15

Yungsho shenü she tsün takkihbah muluknü hüpdoa muzochoh; tüshe adubopung kheak zochoh, tüsho junü thüyam ching larü alala kilim yinshihchoh.

IBRI 9:25

Yungsho achangbe amükeamrünü nihbuh yo yungkhi thiyih lubah kam aban Khide Amüsüh Dangpung ching yüzahkhi nangde alochode api kingaünpü yinmi ching yüzahkhi yung;