IBRI 6:7 - AMÜSÜH HÜM CL Bible (BSI)

⁷ Alo küpünü tsüng alochode akeamkhi yungabahcho, tüsho thulu thsürü kilim yihnübe wokephüyak akhiukshihchonü, Thrünpuh kilimnü müngüh mühi leangkhichoh.

IBRI 6:7 Iomraidhean Croise

THRÜNTAN 1:11

Thrünpuhnü tha, “Alonü rim, sangrungbo mungji alala akhiukshang, tüsho jurübo müjihphünü asobebo tüsho sangsolungso asobe thsüang”; tüsho junangde kam.

THRÜNTAN 27:27

Apinü thüninde arü tüsho api müthsüp; Isaknü api khimmih münimakheah, tüsho api müngühjihde tha: “Tsükjide I tsührü rhüm a Atungpuhnü müngühjihkhi mütüm rhüm ruk ah.

MUNGSHIKHÜN 126:6

Shepü müjih hiupü tripde yüchonü, hiphungbo hanbah asühde rholode arübah.

MUNGSHIKHÜN 24:5

Atungpuh kilimnü api müngühmühi tüsho api akhümkhit, Thrünpuh kilimnü thiyuro-lungki leangkhibah.

ISAIA 44:3

Tümüde inü akung lo kheak ke dungkihbah, tüsho alo akung kheak yungzü lashihbah; inü nü tsühsoniuso kheak I me dungkihbah, tüsho nü münü kheak I müngühmühibo jihbah.

EZEKIEL 34:26

Inü arü le I wung mükamde müngühjihbah. Inü akheahmünchi ching tsüng akishihbah; ju ching müngühmühi tsüng labah.

HOSEA 10:12

Nü thsungkheak thiyuro-lungki yangang, düküngde muzhokhi sangaso rhoang; muwochakkhi lo phünnakang, tümüde ha Atungpuh yimpü kim ah, junangde apinü arübah nü kheak müngühmühi dungkihjihbah.

LEVI 25:21

Inü kam thurukpü ching nüsa thsungkheak I müngühmühi jihbah; junangde kam mahsam thsungkheaknü sangsolungso suhdahde asoshihbah.

MALAKI 3:10

Thürü shihcham alala zowupung ching hande arang, junangde I yam ching tsühyungbe labah, tüsho hanü I rükakiang, Wuto Atungpuhnü thachoh; inü nüsa thsungkheak thüning ripitbo khimshuhbah müngühmühi mikhiukde bukkhishihnahnü kheahang.

MATHI 7:8

Tümüde akheangrü abannü leangkhichoh, ayimrünü ngüchoh, tüsho adamrü kilim khimshuhjihchoh.

2 TIMOTHI 2:6

Mürangde awochakrü thulu thsürünü hi akhuhbe shihcham lubeah.

JAKOB 5:7

Jumonü keoniorübo, Atungpuh arüpü nimung khiungde arümkheamang. Kheahang, thulu-thsürünü alonü hi atsü akhiukshihpü mumükin tüsho mükheankim tsüng arümkheamde aleangchoh.