IBRI 6:6 - AMÜSÜH HÜM CL Bible (BSI)

⁶ jumonü arünü chamkhide tsosho, arü mulong rholokhi ching belodarüpü mukuk, tümütüsho arünü kheaküshe Thrünpuh tsührü yümkihlochoh tüsho boto ki mungchih kipchoh.

IBRI 6:6 Iomraidhean Croise

MUNGSHIKHÜN 51:10

O Thrünpuh, I kheak mulong amüsüh khülang thrünjang, tüsho I kheak thiyuro me aso kamshang.

ISAIA 1:28

Tüshe azhihrü tüsho aneakrübo rukhühnü adükheakbah, tüsho sherünü A TU N GPU H bahyukchonü muyuabahbah.

MATHI 19:26

Tüshe Jisunü arü kheak kheahbah tha, “Mihtsürü thsungkheak ha amukukbe, tüshe Thrünpuh thsungkheak a alala akukbe lah.”

LUKNÜ ATHRÜTKHI THIYUSHEAK-ATSÜ HUHTANYU 11:48

Nüsanü nüsa buhrü rhimobo leangkhichoh de nüsanü thiyumütsan thsüchoh; tümüde arünü arübo laksah, tüsho nüsanü arü kiuyukbo thsüchoh.

2 TIMOTHI 2:25

azhihrü ki azhihayihkhinü thsülangde alabeah. Khükijua, arü mulong müthripü Thrünpuhnü mülüjihbah tüsho thiyuro mükheahde akambah,

IBRI 10:26

Thiyuro mükheahmudu leangkhi dunglim isanü khekhungde neak yihbeakde lasho neak dünkheak shuhmülanga jihpü aninga müla,

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

IBRI 12:2

Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.

IBRI 4:14

Jumonü yinmibo hode ayükhi Thrünpuh tsührü Jisu isa achangbe amükeamrü ato lale, isanü akinkhi kheak düküngde ramrihanü.

IBRI 6:4

Tümüde khülangki mulong müthribah, yinmi thsambah tsahkeakheahkhi, tüsho Amüsüh Me ching shihcham lurü thsungkheaknü amukukkhi lah;

2 PETER 2:21

Arünü mükheahbah arü kilim jihkhi amüsüh yukhüm chingnü atsolopü dün a thiyurolungki limro mümükheahkhülaa atsübe thsüpü lado.

1 JOHAN 5:16

Khürünü nihbuh keoniorü ashepü müthsüde neak yihbeakde ngüsho, apinü tamkhüntamnüjang tüsho Thrünpuhnü api kilim rhangdung jihbah. Inü ha amüshebe neak ki thachoh. Ashepü thsüde neak khülang lah. Ju dünkheak apinü tamkhüntamnübeah de inü thachoh yung.